Oktabrdan yana o’qituvchilarga ustamalar berilishi boshlanadimi?

Oktabrdan yana o’qituvchilarga ustamalar berilishi boshlanadimi?
Telegramda o'qish

5-avgust kuni АOKА huzuridagi shtabda Xalq ta’limi vazirligi axborot xizmati rahbari Laylo Rustamova ishtirokida brifing bo’lib o’tdi.

Unda muhim savollarga javob qaytarildi:

Savol: Yangi o’quv yilida ta’lim qanday shaklda davom etadi?

Javob: Xalq ta’limi vazirligi o’z vakolatidan kelib chiqib o’quv yilini boshlash bo’yicha uchta stsenariy taklif qilmoqda:

Pandemiya holati barqarorlashib, maktablar odatiy tartibda o’z faoliyatini boshlaydi. Xalqaro tajriba maktab yoshidagi bolalarga kasallik kam holatda yuqishini, bolalardan kattalarga yuqish xavfi ham kamligini ko’rsatmoqda.
👉Sog’liqni saqlash vazirligining O’zbekistonda bolalarda virus kechishi bo’yicha xulosasi ijobiy bo’lmagan taqdirda ta’lim onlayn tartibda davom ettiriladi.
👉Gibrid stsenariy bo’lib, maktablar ochiladi. Faoliyat ma’lum bir hudud va maktabdagi karantin holatidan kelib chiqib olib boriladi. Bunda, dastlabki bosqichda farzandi salomatligidan havotir olgan ota-onalarga bolani uyda onlayn o’qitishga imkon berilishi ko’zda tutilgan, ya’ni bolaning maktabga davomati erkin bo’ladi.
❗Yakuniy xulosani esa Respublika maxsus komissiyasi hal qiladi.

Savol: Xalq ta’limi boshqarmasi karantin vaqtida maktab hujjatlarini tekshirishi mumkinmi?

Javob: Vazirlik tomonidan maktablarni hujjatlarini tekshirish yuzasidan hech qanday topshiriq berilmagan. Bu kabi holatlar yuzaga kelsa vazirlikning ijtimoiy tarmoqlardagi sahifalari orqali murojaat qoldirish mumkin.

Savol: Ona tili va adabiyoti fani o’qituvchisiman, yangi chiqqan “Tarbiya” fanidan dars berishim mumkinmi?

🚫 Yo’q. “Tarbiya” fanini umumta’lim maktablarining “Boshlang’ich ta’lim”, “Milliy g’oya va huquq”, “Tarix”, “Dinshunoslik” mutaxassisligiga ega fan o’qituvchilari o’tishlari mumkin.

Savol: Oktyabrdan yana o’qituvchilarga ustamalar berilishi boshlanadimi?

Javob: Vazirlar Mahkamasining tegishli qaroriga ko’ra byudjet tashkilotlarida ishlaydigan ayrim toifadagi xodimlarga direktor jamg’armasi mablag’lari hisobidan to’lovlar 1 oktyabrga qadar to’xtatilgan, mazkur to’lovlar ushbu muddat tugagandan so’ng davom ettirilishi ko’zda tutilgan.

Savol: Direktor meni ishga chaqiryapti, karantin davrida o’qituvchining ishga chaqirilishi qanchalik to’g’ri?

Javob: Bugun barcha maktablarda yangi o’quv yiliga tayyorgarlik ishlari, xususan 1-sinfga qabul jarayoni ham davom etmoqda. Maktablar ham karantinga yopilmagan.

Shu bois agar ish beruvchingiz, ya’ni maktab rahbariyati bilan masofadan ishlash bo’yicha kelishuvga kela olsangiz ishingizni masofadan tashkil qilishingiz mumkin. Аgar faoliyatingiz maktabga borib ishlashni talab qilsa, karantin qoidalariga rioya qilgan holda faoliyatingizni davom ettirishingiz mumkin bo’ladi.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: