Karantin vaqtida maqsadsiz yurgan o’quvchilarga qanday chora ko’riladi?

Karantin vaqtida maqsadsiz yurgan o’quvchilarga qanday chora ko’riladi?
Telegramda o'qish

Brifingda Sirdaryo viloyati xalq ta’limi boshqarmasi boshlig’i Abdushokir Abdurahmonov sohaga oid kelib tushgan savollarga javob berdi.

Biz ham e’lon qilingan ushbu savol-javoblarni e’tiboringizga havola etmoqdamiz. Javoblarni ko’rish uchun “Javob” tugmasi bosiladi.

1-savol: Ko’chada, ommaviy joylarda o’quvchilarni bemaqsad yurganini ko’p ko’ryapmiz, bunga qanday choralar ko’riladi?

Javob

Unutmaylik: farzandlar ta’lim-tarbiyasida ota-ona asosiy javobgar! Hozir ta’til emas, o’quv yilining 4-choragi davom etyapti!
O’zbekiston Respublikasi “Ma’muriy kodeks”ning 47-moddasiga ko’ra farzand ta’lim olishida ota-onalarning mas’uliyati belgilab qo’yilgan. Agar o’quvchi ko’chada bekor yurgani yoki mol boqib yurgani aniqlansa, ota-onaga bazaviy hisoblash ish haqining 2 dan bir qismidan 3 baravarigacha jarima solishga sabab bo’lmoqda. Bundan tashqari karantin tartib-qoidalariga binoan ham ota-onalar eng kam ish haqining 3 baravaridan 5 baravarigacha jarimaga tortilishi mumkin.

2-savol: Maktab bitiruvchilarini oliy ta’limga kirishga tayyorlashda nima ishlar qilinyapti?
Javob

Maktablarimizda 11 534 nafar bitiruvchimiz bor, bu yil yakuni bo’yicha ularning kamida 30 foizi, ya’ni 3, 5 ming nafarini oliy ta’limga qamrab olish uchun “Repetitor TV” loyihasi ustida ishlanmoqda loyixada oliy ta’lim olish istagida bo’lgan viloyatimizdagi barcha yoshlarni ona tili, matematika, O’zbekiston tarixi hamda kimyo fanlari bo’yicha televizion, oflayn yoki onlayn tarzda (internet saytlari va ijtimoiy tarmoqlardan foydalangan holda) kirish imtihonlariga tayyorlashdir.
Bundan tashqari DTM tomonidan kirish imtihonlari savollarini beradigan “e-Sinov” dasturi ishga tushdi, har bir institutga kirishni xoxlovchi onlayn imtixondan o’tib o’z bilimini sinashi mumkin.

3-savol: Men maktabda kotiba bo’lib ishlayman, hozir mehnat ta’tilidaman, ta’til tugagach nima qilaman?
Javob

Mehnat ta’tili tugagach, karantin davom etadigan bo’lsa “Mehnat Kodeksi”ning 159-moddasiga asosan xodim bekor turib qolgan vaqti uchun uning o’rtacha ish haqi to’liq saqlanadi.

4-savol: O’yda ta’lim -tarbiya olayotgan o’quvchilarimizning ota-onalariga bola tarbiyasi bo’yicha qanday tavsiyalar berasiz?
Javob

Haqiqatan, bugungi uyda ta’lim ota-onalarimiz uchun ham sinov. Avvalambor, uyda oilangizga, farzandingiga mehr-muhabbatli bo’ling, bola qalbi sezuvchan bo’ladi, salgina kayfiyatni buzilishi ham ham unga yomon ta’sir qiladi.
Farzandlaringiz bilan dildan gaplashishni o’rganing, birga kitob o’qing, birga dars tayyorlang, o’qituvchilari bilan muloqotda bo’ling.
Viloyat xalq ta’limi boshqarmasi psixologlari tomonidan “YAxshi ota-ona bo’lish siri” va shu kabi videoroliklar tayyorlanib ota-onalarga pisoxologik yordamlar berilmoqda, farzand tarbiyasi bo’yicha ota-onalarga turli tavsiyalar yuborilmoqda. Masalan:
✖️ Bolam sochiqni olib kel, emas,
✔️ Bolam qo’limni artmoqchiman, deng.
✖️ Darsingni qil, emas,
✔️ Aqlli, tirishqoq bo’lishingni istayman, deng.
✖️ Kitob o’qi, emas,
✔️ Dunyoqarashing keng bo’lishini istayman bolam, deng.
Unutmaylik, bolajonlarimizga buyruq tarzida munosabatda bo’lsak, u faqat buyruq bajaradigan, keyingi buyruq berilishini kutadigan shaxsga aylanadi. U erkin, o’zi fikrlaydigan va o’z ishini bilib qilishini istasak, unga bo’lgan munosabatimizni o’zgartirishimiz zarur!

5-savol: Bahorgi kanikulda viloyat fan olimpiadasi bo’lishi kerak edi, olimpiada keyinchalik bo’lsa ham o’tkaziladimi?
Javob

Ma’lumki, hozir televidenie orqali “Onlayn darslar” bo’lmoqda. O’quvchilarning olgan bilimilarni sinovdan o’tkazish maqsadida viloyat xalq ta’limi boshqarmasi tomonidan onlayn olimpiada o’tkazish belgilandi, bunda barcha o’quvchilar ixtiyoriy ravishda, masofaviy tarzda ishtirok etishi nazarda tutilgan.
Onlayn olimpiada ona tili va adabiyot, matematika, tarix, ingliz tili, rus tili (o’zbek va rus sinflarda), fizika, kimyo, biologiya, informatika va geografiya fanlaridan o’tkaziladi. Onlayn olimpiada 4-11-sinf o’quvchilari uchun joriy yilning 13-aprel kunidan boshlab amalga oshadi, o’tkaziladigan vaqtlari xalq ta’limi boshqarmasining telegramdagi @sirdaryo_xtb rasmiy kanali orqali e’lon qilinib boriladi.

6-savol: Viloyat xalq ta’limi boshqarmasi boshlig’i sifatida shaxsan teletomoshabinlarga qanday istagingiz bor?
Javob

Bugun buyuk bobomiz Amir Temur tug’ilgan kun. “Temur tuzuklari”da shunday satrlar bor ekan: “YAxshi kishilar -yomon kunlarda sinaladi”
Agar o’zimizni shu yurt farzandi desak, fidoyi deb bilsak, tartib-intizom, mas’uliyat bilan o’z ota-onalik, farzandlik burchimizni bugun har doimgidan ko’proq bajarishimiz kerak!

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: