Hukumat tomonidan ta’lim muassasalarining yangi o‘quv yiliga tayyorgarlik holatini o‘rganish bo‘yicha vazifalar belgilab berilgan.
Mazkur vazifalar ijrosini ta’minlash maqsadida Ta’lim sifatini nazorat qilish davlat inspeksiyasi ishchi guruhi tomonidan mahalliy hokimliklar, maktabgacha ta’lim, xalq ta’limi hamda kasbiy ta’limni rivojlantirish va muvofiqlashtirish hududiy boshqarmalari bilan hamkorlikda barcha bosqichdagi ta’lim muassasalarida bu borada amalga oshirilayotgan ishlar o‘rganilmoqda.
Ushbu jarayonlarda ta’lim muassasalarida pedagog xodimlarga bo‘lgan ehtiyojni ta’minlash bo‘yicha bajarilgan ishlar natijadorligi hamda maktabgacha ta’lim tashkilotlarida 6 yoshli bolalarni boshlang‘ich ta’limga majburiy 1 yillik tayyorlash bo‘yicha amalga oshirilgan ishlar holati o‘rganilishi ko‘zda tutilgan.
Shuningdek, umumta’lim muassasalarida fanlar bo‘yicha o‘quv-uslubiy hujjatlarning ishlab chiqilishi, yangi o‘quv yili yuklamalarini taqsimlash ishlarining holati, sinflar va laboratoriya xonalarining zarur jihozlar bilan ta’minlanganligi bo‘yicha joriy holatga baho beriladi.
Shu bilan birgalikda, o‘rta maxsus va professional ta’lim muassasalarida pedagoglar va ishlab chiqarish ta’limi ustalari bilan ta’minlanganligi, axborot-resurs markazi faoliyati va kasbiy fanlar bo‘yicha o‘quv adabiyotlari bilan ta’minlanganlik holati, amaliy mashg‘ulotlarni tashkil etishda o‘quv ustaxonalarining holati, amaliy mashg‘ulotlarning tashkil etilganligi holati o‘rganiladi.
Bundan tashqari oliy ta’lim muassasalarida ta’lim yo‘nalishlari va mutaxassisliklar bo‘yicha malaka talablari, o‘quv rejalar, ishchi o‘quv dasturlarining ishlab chiqilganlik holati va o‘zaro muvofiqligi, mehnat bozori talablarini inobatga olgan holda, o‘quv dasturlariga kiritilgan o‘zgarishlar, kredit-modul tizimini joriy etish bo‘yicha amalga oshirilgan ishlar va shu kabi boshqa masalalarga e’tibor qaratiladi.
Qayd etish lozim, respublikamiz bo‘ylab tashkil etilgan o‘rganish jarayonlari 24 avgustga qadar davom etadi. O‘rganish jarayonlarida aniqlangan kamchiliklar shu vaqtning o‘zida joyida hal etiladi.
Shu bilan birgalikda, ishchi guruh xulosalariga ko‘ra, yo‘l xaritalari ishlab chiqilib, tizimni takomillashtirish bo‘yicha zaruriy choralar ko‘riladi, deyiladi inspeksiya axborot xizmati xabarida.
Manba: Yuz.uz
ta’lim muassasalarini yangi o’quv yiliga tayyorlash borasida yangiliklar
Yangi o’quv yiliga tayyorgarlik sifatli amalga oshiriladi
“Maktablarning ochilishi uchun qanday ishlar amalga oshirilmoqda?”
O‘quvchilarni kasb-hunarga tayyorlashning yangi tizimini joriy etish taklif qilindi
18 martdan maktab o’qituvchilari ham ta’tilga chiqariladi
Ozon qatlami bo‘yicha yangi milliy dastur qabul qilindi
Yangi o’quv yilidan 9 va 11 sinf bitiruvchilari ta’limni kasb-hunar maktablari, kollejlar va texnikumlarda davom ettirishlari mumkin
Yangi qaror: matematikaga ixtisoslashtirilgan maktablar tashkil etiladi
Prezident yangi tahrirdagi “Ta’lim to‘g‘risida”gi Qonunni imzoladi
