Alisher Navoiy gʻazallari chuvash tilida yangradi

Alisher Navoiy gʻazallari chuvash tilida yangradi
Telegramda o'qish

Oʻzbekistonning Qozon shahridagi bosh konsuli Fariddin Nasriyev Chuvash Respublikasiga amaliy safar qilib, Rossiyaning mazkur mintaqasi rahbariyati, ishbilarmon doiralari vakillari bilan muzokaralar olib bordi, oʻzbekistonlik talabalar va vatandoshlar bilan uchrashuvlar oʻtkazdi, deb xabar bermoqda “Dunyo” AA.

Cheboksari shahridagi Xalqlar doʻstligi uyida Bosh konsulxona, “Chuvash Respublikasining Oʻzbek madaniy markazi” jamoat tashkiloti va Chuvashiya xalqlari assambleyasi hamkorligida buyuk shoir va davlat arbobi Mir Alisher Navoiy tavalludining 580-yilligiga bagʻishlangan navoiyxonlik kechasi uyushtirildi. Tadbirda davlat va jamoat tuzilmalari vakillari, oʻzbekistonlik talabalar, oʻzbek diasporasi faollari ishtirok etdi.
Anjumanni Rossiya Davlat Dumasi deputati Leonid Cherkesov kirish soʻzi bilan ochdi. U oʻzbek va chuvash xalqlari oʻrtasidagi azaliy rishtalar, Oʻzbekiston va Chuvashiya oʻrtasidagi madaniy hamkorlik istiqbollari haqida fikr yuritdi. Deputat Alisher Navoiy gʻazallari chuvash tiliga tarjima qilingani, ular sevib mutolaa qilinishini taʼkidladi, tarjima jarayonida koʻrsatilgan koʻmak uchun Bosh konsulxona vakillariga minnatdorlik bildirdi.
Bosh konsul Fariddin Nasriyev, oʻz navbatida, turli sohalarda Oʻzbekiston — Rossiya hamkorligi rivojlanib borayotganini qayd etdi. Tadbir Chuvashiya Xalqlar doʻstligi uyida oʻtkazilayotgani oʻzbek va chuvash xalqlari oʻrtasidagi munosabatlarning yana-da mustahkamlanishiga hissa qoʻshishini taʼkidladi. Bunday uchrashuvlar Oʻzbekiston va Chuvashiya oʻrtasidagi doʻstlik yil sayin mustahkamlanib borayotganining yorqin dalili boʻlib xizmat qilmoqda.
Tadbirda adabiy kechani tashkil etishdagi faol koʻmagi uchun Oʻzbek madaniy markazi rahbari Abduvali Ergashevga mamlakatimiz Bosh konsulxonasi hamda Oʻzbekiston Bandlik va mehnat vazirligi nomidan minnatdorlik xati va esdalik sovgʻalari topshirildi.
Rossiya musulmonlari maʼnaviy assambleyasi vakili Aziz Abbosov Chuvash Respublikasining Oʻzbek madaniyat markazi faoliyatini ijobiy baholadi. Uning soʻzlariga koʻra, mazkur jamoat tashkiloti ikki mamlakat oʻrtasidagi madaniy-gumanitar aloqalarni yana-da rivojlantirish uchun mustahkam koʻprik boʻlib xizmat qilmoqda.
Buyuk oʻzbek shoiri va davlat arbobi Alisher Navoiy gʻazallari chuvash tilida yangradi. «Sarpike» va «Yalkin» xalq raqs ansambllarining konsert dasturi tadbir ishtirokchilariga xushkayfiyat bagʻishladi.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: