Mirzo Bobur tavalludiga she’r eng sara she’rlar to’plami

Mirzo Bobur tavalludiga she'r eng sara she'rlar to'plami

Zahiriddin Muhammad Bobur tavalludiga bag’ishlangan eng sara she’rlarni qabul qiling.

Z.M.Bobur qalamiga mansub eng go’zal she’rlarni ushbu sahifada o’qishingiz mumkin: Zahiriddin Muhammad Bobur g’azallari to’plami
Bobur tavvalludiga tadbir uyushtirayotgan bo’lsangiz ushbu sahifadagi senariylardan foydalanishingiz mumkin: Zahiriddin Muhammad Bobur tavalludiga bag’ishlangan tadbir senariylari to’plami, buklet va dars ishlanmalar

Boburni eslab…

Dunyo uni dilin vayron qilsada,
Har yerdan qaqshatqich zarba bersada,
Temuriyman dedi ,qayda bo’lsada,
Boburni eslamasam ayb bo’lmasmu,
Ruhini shod aylab ko’ngil to’lmasmu.
Ashorlarin tinglab sevdim Vatanni,
Ruhi Andijonda, Hinddadur tani,
Mardlarcha ko’targan dardu-sitamni,
Boburni eslamasam ayb bo’lmasmu,
Ruhini shod etib ko’ngil to’lmasmu.
Boburnomani yozib qoldirgan meros,
Asarda qancha g’am,qancha ehtiros,
Uning shoirligi,shohligi ham rost
Boburni eslamasam, ayb bo’lmasmu,
Ruhini shod etib,ko’ngil to’lmasmu.
Ey Ziyoda ,shoirlarga havasda bo’lgin
Ular duosi bilan hurmatda yurgin,
Bugun ashor bitmasang ayb bo’ladur,
Bobur ruhin shod aylab ,ko’ngling to’ladur.

✍Chilonzor tuman 131-IDUM ning ona tili va adabiyot fani o’qituvchisi Mirzayeva Ziyoda

Sizga qiziq bo’lishi mumkin: Bobur kabi seving vatanni (tadbir senariysi)

Bobur bobomdan bilganlarim

(b allitratsiyasi)
Bobur bobomdan bilganlarimni bildiray bir-bir:
Bobur-bobomniyam bobolari.
Boyning bolasi bo‘laturib bolaligi baxtli bo‘lmagan betole’ bobom.
Boburning boshiga baxtu baxtsizliklar bitildi.
Begonalarga bosh bo‘lish bobomning bo‘ynida bo‘ldi.
Bobomiz boboyurtidan begona bo‘ldi.
Betakror baytlar bitdi.
«Boburnoma» — Boburning bosh bitigi.
«Boburnoma»ni bosh bolasiga bag‘ishlab bitdi.
«Boburnoma» — Boburga buyuklik berdi.
Bobur botir,bahodir,bunyodkor bo‘ldi.
Boburning bolalariyam bahodir bo‘lishdi, bunyodkor bo‘lishdi.
Boburiy bo‘lsang,botir bo‘l,bunyodkor bo‘l.
Boburday bilimli,Boburday basavlat,badavlat bo‘l.
Boburiy bo‘lsang,Boburday boshing balandda bo‘lsin!
Boburni bilmagan bola bo‘lmasin bizda!

✍ Go‘zal Raimjon qizi

Buni ham o’tkazib yubormang: Zahiriddin Muhammad Bobur ruboiylar to’plami

Zaxiriddin Muhammad Bobur tavalludiga she’r

Nazar solsang tinim bilmay jon tanidin ul oh etgay,
Vatan ishqin bilmas ersa ani elda gumroh etgay.

Zamona tan olgan va lek, dili nayson shox bo‘lsada,
O‘zga joyda panoh izlab, yurt mehridin kuloh etgay.

Magarki dol aylasa, adl qaddin ko‘ngil g‘amdin.
Olib obinovvotidin, bir tilim to‘tiyo etgay.

Kimki sog‘inch lazzatidin, baxramand bo‘lmagay hargiz,
Ulki ikki dunyo uchun kechib bo‘lmas gunoh etgay.

O‘z uyingdin boshing olib ketar bo‘lsang tingla ash’or,
Boburnoma sani doim havf-xatardan ogoh etgay.

Yor vasfiga Shohijaxon, qad aylasa Tojimaxal,
Arjumandlik istasa kim Andijonda bunyod etgay.
Bobur Afg‘on tomonlarda, Andajonin yotsa qo‘msab,
Ruxsor aning kuygularin oq qog‘ozga siyoh etgay.

✍ Guliruxsor Ummatova

Sizga yoqishi mumkin: Alisher Navoiy haqida sahna ko’rinishlari to‘plami

Mirzo Boburman

( Zahiriddin Muhammad Boburning 538 yilligiga )

Yuz oh, Vatandin , bo‘ldim mosuvo,
Tuz oh, dushmandin, ko‘rdim ko‘p jafo,
Uz oh, bu dunyo, qilmadi vafo,
O‘shal Andijonlik, Mirzo Boburman!

Yaxshilig‘lar qilib, olmadim javob,
Hatto, jigarlarim, bo‘ldilar nobop,
Kerakmas, zarrin to‘n, salla-yu, kimhob,
O‘shal Andijonlik, Mirzo Boburman!

Ilojsiz, Xindiston sari yo‘l oldim,
Boshimni tuganmas, savdoga soldim,
Ishq aro, malomat o‘tida qoldim,
O‘shal Andijonlik, Mirzo Boburman!

Bir qo‘limda qilich, birida qalam,
Ko‘zimda to‘la yosh , qalbimda alam,
Menga tatimadi, oltin-u, olam,
O‘shal Andijonlik, Mirzo Boburman!

Har kim vafo qilsa, toparkin vafo,
Jafo qilsang, agar, toparsan jafo,
Yaxshi bo‘l, ko‘rmaysen, yomonliq hargiz,
O‘shal Andijonlik, Mirzo Boburman!

Sevara Shomatova.

Z.M.Bobur tavalludiga bag’ishlanadi

Bu  aziz  yurtimning  aziz  o’g’loni, Shoirsiz,  nosirsiz  buyuk  sarkarda.
Ohla  chekib  charxning  jafolaridan, Ko’nglingiz  shod  bo’lmadi  o’zga  yurtlarda.
Bu  turkiy  dunyoni  birlashtiray  deb Umringiz  o’tdibdi  jangu-xatarda.

Ul  zamondan  topolmay   tole’ingizni,
G’urbat  g’amin to’kdingiz zebu-zabarda.
Ruhingiz  qo’llasin  bizlarni  doim, Xalqingiz  duosi  har  tong  saharda.

BOBUR BOBOJON

Andijonning Axsisida dunyoga kelgan,
O’n bir yoshda padaridan ajralib qolgan.
Ko’p vaqt o’tmay ota taxtin jilovin olgan,
Dardlari dunyoga teng, Bobur bobojon.
*
Bolalik damlarin bir zumda o’tgan,
Bir vaqtda qilich-u, ham qalam tutgan.
Baxtdan ko’ra ko’proq, alamlar yutgan,
Dardlari dunyoga teng, Bobur bobojon.
*
O’shdagi tog’ ustiga xujra qurdirib,
Peshtoqiga islimi naqsh, gulni chizdirib.
Ilk qurdirgan imoratdan ko’nglin to’ldirib,
Dardlari dunyoga teng, Bobur bobojon.
*
Uch bora Samarqandning taxtida qolgan,
Ulug’ Navoiydan kitobot olgan.
Xalqni mehri ila izmiga solgan,
Dardlari dunyoga teng, Bobur bobojon.
*
Taqdir charxpalagi chappa aylanib,
Yovlar Sizga qasd qilmoqqa yurdi shaylanib.
Ona yurtni tark etdingiz g’amga bog’lanib,
Dardlari dunyoga teng, Bobur bobojon.
*
Afg’on yerdan o’n ikki ming qo’shinni yig’ib,
Hind yurtida yuz ming yovni tor-mor qilib.
Hindistonni o’zingizga vatan deb bilib,
Dardlari dunyoga teng, Bobur bobojon.
*
Boburnoma, Bobur xatin qoldirib bizga,
Butun jahon tahsin o’qib, tan berdi Sizga.
Oyat o’qib, baxsh etgaymiz pok ruhingizga,
Dardlari dunyoga teng, Bobur bobojon.
*
Siz bajargan ezgu ishlar bizlarga o’rnak,
Siz biz uchun qadrlisiz, o’rningiz bo’lak.
Muzaffarchun Sizdek bo’lmoq eng oliy tilak,
Dardlari dunyoga teng, Bobur bobojon,
O’zbek xalqin mard farzandi Bobur bobojon!
———————————————
🌏 TOSHKENT viloyati
PISKENT tumani
🏢 5-«UO‘T» maktabining
8-«A» sinf o‘quvchisi
👤 Xusanboyev Muzaffarbek Otabek o‘g‘lining
Zahriddin Muhammad Bobur tavalludining 538 yilligiga bag’ishlab yozgan she‘ri
📖 ✏ Til-adabiyot o‘qituvchim —
Komilova Dilorom Baxtiyorovna

Olisdagi yurtdoshim (Bobur tilidan)

Har bir so‘zim mozega bog‘liq,
Ko‘hna tarix buyuk nechog‘liq,
Gar eslasam yuragim og‘rir,
Olislarda qolgan yurtdoshim!

Yurt ishqida yonmoqda Bobur,
Vatan dardi shunchami, og‘ir,
O‘zga elda shoh, bir musofir,
Olislarda qolgan yurtdoshim!

Tarix sahifasida biror,
Iz qoldirmoq anchayin dushvor
Ammo buni ayladi qaror,
Olislarda qolgan yurtdoshim!

Abadiyat gulshani aro,
Bundaylari kamdan-kam hatto,
Kelajakka taratdi ziyo,
Olislarda qolgan yurtdoshim!

✍ Zahro Soyepova

Mirzo Bobur tavalludiga she’r

Olislarga ketgan o‘zbek o‘g‘lini,
Yolg‘on haydadimi, tuxmat quvdimi?
Qora bulutlardan yoqqan yomg‘irdek,
Ko‘zyosh yuzlarini silab, yuvdimi?..

Tovoniga botgan aslo tikonmas,
G‘iybatning urug‘i poyiga botdi
Qalqoniga tekkan o‘qlar — nishonmas.
Yomonlik nayzasin ko‘ksiga otdi.

U o‘z vatanidan yiroqlab ketdi,
Tinchroq yasholmadi, turolmadi u,
Hindning o‘lkasini ko‘p obod etdi,
Nechun vatanida yurolmadi u.

Achchiq haqiqatni kim xushlamadi,
Shirin yolg‘onlarga almashdi uni,
Tojmahal tovlanib, porlab turganda,
Begona hindlar ham talashdi uni.

O‘sha dam zor yig‘lab ketar chog‘ida,
Vatan — kelgin deya chaqirolmadi,
Uni chaqirmagan o‘sha qarg‘alar
So‘ng «bizning Bobur» deb baqirolmali.

✍Shoira To‘laganova

Bobur she’ri

Asli  naslim  so`rasangiz,
Men  o`zbek  farzandiman.
Farg`onaning  bo`lagi,
Andijon  farzadiman.
Amir  temur  bobakalonim,
Umarshayx  padari   buzrukvorim.
Toshkent  xoni  chin  Yunusxonim,
Qutlug`Nigor  tadbirkorim  onam.
Andijonda  tug`ildim,  o`sdim,
Hindistonda    bog`lar  yaratdim,
Mussavirlar   bo`lishdi  do`stim
Vatan  deya  qalam   tebratdim.
O’n ikkida  shoh  bo`ldim,
Sahroyu  tog`lar  oshdim.
Andijonu  Samarqand
Yo`llarida  adashdim
Goh  quvondim  o`rtandim.
Gohida yondim shoshdim
Men Zahiriddin  Muhammad Bobur.
Bir qo`limda qalam-u
Birida qilich tutdim.
Urushdim mag`lub bo`ldim,
Yutdimu g`azal bitdim.
Yurtim deya sarg`aydim,
Bu yo`lda gado bo`ldim
Men Zahiriddin  Muhammad Bobur.

Boburning avlodlarga aytgan so’zi

Ey  sevimli  aziz  avlodim,
Bog`  yaratdim  hamda  betakror.
Boburnoma  mendanda  yodgor,
Tanim  qolur  hind  tuprog’ida.
G`azalimga  kuylar  bastalang
Jonim  chiqar   qalbimda  dodim,
Ruhim  uchun  sokinlik  tilang.

Anda jon qoldi

Andijon  shahridan  uchib  bir  yulduz,
Hindiston  tojiga  gavhardek  qo`ndi.
Otash  yuragida  aylanar  bir  so`z,
Anda jon  qoldi-ki,  anda jon  qoldi.
Xalqing   buyuk  o`g`ling,  buyuk  sholi  o`g`ling,
Boburning  qalbida   bir  armon  qoldi.
Nolasi  kuydurar  to  abad    bag`ring,
Anda jon  qoldi-ki,  anda jon  qoldi.
Dunyo  charxpalagi  tinmay aylanar,
Talato`p  zamonlar  o’taveradi.
Asrlar  qa’ridan   bir  so`z  ingranar,
Anda jon  qoldi-ki,  anda jon  qoldi.

Mavzuga doir:
Z.M.Bobur haqida ma’lumot, tarjimai hol , hayoti va ijodi

Zahiriddin Muhammad Bobur haqida 10 ta fakt

Zahiriddin Muhammad Bobur g’azallari to’plami

Telegramda o'qish

OTM uchun onlayn hujjat topshirish yo'riqnomasi bilan tanishing
Понравилась статья? Поделиться с друзьями:
BAXTIYOR.UZ

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: