Topishmoqlar javobi bilan — eng sara va qiziqarlilari!

O’quvchilar, bolalar, va kattalar uchun saralangan, qiziqarli, ko’ngilochar va mantiqiy topishmoqlar, yoshlikni eslaymiz.

Barcha xalqlar og‘zaki ijodining eng sevimli, qiziqarli va o‘ziga xos turi topishmoqlar hisoblanadi. Topishmoqlarni ba’zan «topmacha», «jumboq», «matal» deb atashgan. Mumtoz adabiyotda ular «chiston» ham deyiladi. Topishmoq hammabop ommaviy janrdir. Ularda xalq hayotining barcha qirralari — turmush madaniyati, urf-odatlari va boshqa jihatlari, inson va uni o‘rab olgan olam o‘xshatishlar, taqqoslashlar, savollar vositasida ifodalanadi. Topishmoqda yashirin ma’no ko‘pincha majoziy shaklda keltiriladi, aniqrog‘i, narsa nomi biron-bir qush, hayvon, buyum, o‘simlikka qiyoslangan holda beriladi. Topishmoqni yechmoqchi bo‘lgan kishi unda keltirilgan ko‘chma belgilarini xayolida mantiqan solishtiradi va uni hayotdagi belgilarga to‘g‘ri kelishiga qarab javobni topadi. Topishmoq, awalo, aqlni chiniqtiradigan, ayniqsa, bolalarni yoshlikdan mantiqiy fikrlashga undaydigan tarbiya vositasi bo’lsa, ayni paytda ko‘ngilochar o‘yin ham hisoblanadi. Topishmoq shunday ajoyib janrki, unda g‘ayritabiiy tuyulgan narsa aslida siz bilan biz kundalik hayotda ko‘rib-bilib turgan narsa bo’lib chiqadi. Quyida bolalar va kattalar uchun birdek manzur bo’ladigan qiziqarli va mantiqiy topishmoqlarni keltirmoqdamiz. Topishmoqning javobini tekshirish uchun “Topishmoqning javobi” tugmasini bosish kifoya. Xuddi shu tugma qayta bosilganda javobi yana yashiriladi.

Topishmoqlar javoblari bilan – qiziqarli, sara, mantiqiy

1. Qozonda emas qaynaydi, qishin yozin tinmaydi.

2. Ko’zga ko’rinmas, qo’lga tutilmas.

3. Oyog’I yo’q qochadi,
Qanoti yo’q uchadi.

4. Tomdan tuxum irg’itdi.

5. Qo’lsiz, oyoqsiz eshik ochar.

6. Tebranadi joni yo’q

7. Zarga sotilmas, Zo’rga topilmas.

8. Otlari har xil, yoshlari bir xil.

9. Ko’msa ko’milmaydi.

10. Oppoq qushim qaqillar,
Qanotlari shaqillar.

11. Meni so’raydilar, Ko’rinsam qochadilar.

12. O’tmas pichoq yer kovlar.

13. Ismi bor, jismi yo’q.

14. Erta bilan to’rt oyoqlab yuradi,
Tushda ikki oyoqlab yuradi,
Kechqurun uch oyoqlab yuradi.

15. O’zi bitta,
Kallasi ikkita,
Dumi bitta,
Oyog’I oltita.

16. Ikki og’ayni bir-birini ko’rmaydi.

17. Kunduzi kaltaklashar,
Kechasi quchoqlashar.

18. Temir qo’rg’on ichida, qizil toychoq o’ynaydi.

19. Teg desam tegmaydi, tegma desam tegadi.

20. Besh og’ayni yosh edi,
Ichida biri bosh edi.

21. Bir nafasda olamni kezar.

22. O;zi boldan shirin, yesa bo’lmaydi.

23. Biz edik, biz edik,
O’ttiz ikki qiz edik.
Bir taxtaga tizildik,
Berar, berar uzildik.

24. Yerga ko’milmaydi, kosaga quyilmaydi,
Dunyoda hamma odam, ichmay qo’ymaydi.

25. Suvga tushsa mingta, suvdan chiqsa bitta.

26. Soqoli bor, mo’ylovi yo’q.

27. Mo’ylovi bor, soqoli yo’q.

28. Qanoti bor uchmaydi, quruqlikda yurmaydi.

30. Osti tosh, usti tosh, o’rtasida jondor bosh.

31. Ovozasi azonda, mazaligi qozonda.

32. Pishirsa osh bo’lur, pishirmasa qush bo’lur.

33. Bir qushim bor, suyagi yo’q/

34. Joni bor qoni yo’q, yer ostida soni yo’q.

35. Otasi uyda qolar, bolasi bozor borar.

36. U yog’I tog’, bu yog’I tog’, o’rtasida sariyog’

37. Osh ichida tosh, tosh ichida osh.

38. Osmondan tushdi bir tugun, usti baxmal, ichi un

39. Kichkina xurmacha, og’izlari burmacha.

40. Uzun terak, ichi kovak.

41. Bozordan bir narsa ol: ham o’zing ye, ham tovug’ing yesin, ham moling yesin.

42. Suv emas, suyuq, qor emas oq.

43. Otasi bor, onasi bor, o’n ikkita bolasi bor.

44. Oyog’I yo’q yuradi, og’zi yo’q gapiradi.

45. O’zi bitta, ko’zi mingta.

46. O’zi bitta, tishi mingta.

47. Kichkina mitti, echkini yiqittdi.

48. Ko’k otim ko’kka qarab yo’rg’alaydi.

49. O’zining badanini o’zi yeydi.

50. O’zi bitta, tuxumi to’rtta, bolasi o’n oltita

51. Fotima Zuhra urushadi, merosini bo’lishadi.

52. O’zi pillaga o’xshar, ichi tillage o’xshar.

53. Og’zi yo’gu tishi bor, boshimizda ishi bor

54. Yelkasi bor boshi yo’q, oyog’I bor qo’li yo’q.

55. Qat, qat, qatlama, aqling bo’lsa tashlama

56. Zar gilam zar-zar gilam, ko’taray desam og’ir gilam.

57. Boshi taroq, dumi o’roq.

58. Tunda chiqar onasi,
Necha minglab bolasi.
Berkinishar qo’rqqandan,
Kelib qolsa otasi.

59. Tarvuzim bor urug’siz,
Pichoq bilan kesilmas.
Kesganingda ham uni,
Maza qilib yeb bo’lmas.

60. Shahari bor, odami yo’q,
Daryosi bor, suvi yo’q.

61. Tili po’lat shovvoz, so’zlay olmas beqog’oz.

62. Qo’lsiz, oyoqsiz gul soladi.

63. Kelar, ketar izi yo’q, qaragani ko’zi yo’q.

64. To’rtida tariqday, o’ttizda ayiqday, to’qsonda tovuqday.

65. U yoqqa qarasangiz ko’rinmaydi, bu yoqqa qarasangiz ko’rinmaydi, osmonga qarasangiz ko’rinmaydi, soyangizga qarasangiz ko’rinadi.

66. U yog’I arra, bu yog’I arra, o’rtasida go’shti barra.

67. Ikki otim bor, bir-biridan chopag’on

68. Og’izdan chiqqancha meniki, og’izdan chiqqani elniki.

69. O’tda yonmas, suvda cho’kmas, yerda chirimas.

70. Quyon emas, uzunquloq,
Ot emas, to’rtta tuyoq.

71. O’zi katta, dumi kalta.

72. Kelganda to’rt oyoq, ketganda ikki oyoq.

73. Yer tagida qubba igna.

74. Tirik kelib o’likdan osh so’radi, o’lik turib tirikni bo’g’ib oldi.

75. Emaklagan toshni ko’rdim, toshdan chiqqan boshni ko’rdim.

76. Qoziq ustida qor turmas.

76. Daraxt shohida sakson tuxum.

77. O’zi yo’qdek, tovushi o’qdek.

78. Is biladi it emas,
In izlaydi tulki emas.
Qanoti bor uchadi,
Ammo o’zi qush emas.

79. Uzun tor ko’cha, ichi to’la lo’libachcha.

80. Kichkina mitti, qo’limga olsam qovurg’asi sinib ketdi.

81. Bolalari qarsak chaladi, onalari raqsga tushadi.

82. Kichkina dekcha, ichi to’la mixcha.

83. Osti sariq, usti sariq, shirin totli ichi tariq.

84. Qizilini o’zim yedim sarig’ini molga berdim.

85. Bo’yi bir qarich, soqoli ikki qarich.

86. Uzun-uzun ko’chalar, ichi to’la bachchalar.

87. Kunga qarab tolmaydi, kundan ko’zni olmaydi.

88. Pak, pakana bo’yi bor, yeti qavat to’ni bor.

89. Pishmaganda mazali, pishganda mazasiz.

90. Kalta bobom ichkarida, quloqlari tashqarida.

91. Qirq ko’ylagi bor, bir tugmasi yo’q

92. Qozon ichida oppoq qor.

93. Yesam tishimga kiradi, yemasam tushimga kiradi.

94. Urdim gup[ etdi, yer tagiga kirib ketdi.

95. Ko’p yeydi, tez, yeydi, mayday chaynaydi, yutolmaydi, o’zgalarni to’ydiradi.

96. Akasi uy poylaydi, ukasi o’ynab yuradi.

97. Tepdim,tepdim, terakka chiqdim.

98. Kunu tun yuradi, doim bir joyda turadi.

99. Shum kampir, shumaloq kampir, ikki beti yumaloq kampir.

Qora sigir qarab turar, sariq sigir yalab turar.