Qoyil! 1 ta maktabning barcha bitiruvchilari talaba bo’lishdi

Qoyil! 1 ta maktabning barcha bitiruvchilari talaba bo’lishdi
Telegramda o'qish

Buxoro shahridagi 38-umumta’lim maktabi bitiruvchilarning barchasitalabalik baxtiga musharraf bo’lishdi!

Bu haqda Buxoro viloyati xalq ta’limi boshqarmasi axborot xizmati xabar bermoqda.
2019-2020 o‘quv yilida maktabni 101 nafar o‘quvchi tugatdi. Bitiruvchilarning barchasi oliygohlarda o‘qish istagida hujjat topshirishgan edi. Mana, bugun 101 o‘quvchining bari oliygohlarning talabalariga aylanishdi.
Bu yutuqlarning tagzamirida avvalo maktab o‘qituvchilarining mashaqqatli mehnatlari mujassam. Nazira Ro‘ziyeva, Gulnora Mustaqova, Dilnoza Hamroyeva, Zebiniso Hasanova, Nargiza Raximova, Sabohat Bozorova, Oliya Saidova singari ilg‘or tajribaga ega fidoyi, jonkuyar ustozlar yosh avlod avlod qalbida ilmu fan sirlarini o‘rganishga yuksak ishtiyoq uyg‘otib, ularning jamiyatda o‘z o‘rinlarini topishlarida munosib ulush qo‘shib kelishmoqda.
-O‘quvchilarimiz muntazam ravishda Bilimlar bellashuvi va fan olimpiadalarining viloyat hamda respublika bosqichlarida muvaffaqiyatli ishtirok etib kelishadi,-deydi maktab direktori Dilorom Jo‘rayeva. — O‘tgan o‘quv yilida 8-sinf o‘quvchilari Mo‘’tabar Xolova va Marjona Olimovalar ingliz tili fani yo‘nalishida o‘tkazilgan onlayn tarzdagi xalqaro olimpiadada ishtirok etib, yuqori ko‘rsatkichlarni qo‘lga kiritishdi. O‘quvchilarimizning bu kabi yutuqlari, biz ustozlar uchun iftixor, ulkan baxt! Ayniqsa, bitiruvchilarimizning 100 foizlik natijaga erishgani ko‘ksimizni tog‘dek yuksaltirdi. Ularning 3 nafari- Firdavs Fattoyev, Davlatbek Davlatov va Shaxzod Raximovlar muddatidan ilgari jahonning 20 dan ortiq eng nufuzli oliygohlariga talabalikka qabul qilinishgan edi. Quvonarli yana bir jihati shundaki, talabalik baxtiga musharraf bo‘lgan bitiruvchilarimizning aksariyati yuqori ball to‘plashga muvaffaq bo‘lishgan.
Biz bugun orzu maqsadlari ro‘yobga chiqib, mustaqil hayot sari ilk qadam tashlagan ilmga chanqoq bu yigit-qizlarga omad tilaymiz!

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: