Yig’lashga majbur bo’ldim. (hikoya)

Yig’lashga majbur bo’ldim. (hikoya)
Telegramda o'qish

Kunlarning birida uyimiz yonidagi magazinda kassir qizning 5-6 yoshlar atrofidagi bir bolakay bilan suhbatini eshitib qoldim. Kassir qiz aytardi:

— Afsuski, puling ushbu qo’g’irchoqni sotib olishga yetmayapti-da.
Shunda bolakay men tomonga o’girildi va so’radi:
— Amaki, rostdan mening pulim qo’g’irchoq sotib olishga yetmasmikin?
Men uning pulini hisoblab ko’rib, javob berdim:
— Bolajonim, haqiqatdan shu qo’g’irchoqni sotib olishga puling yetmaskan.
Bolakay baribir qo’lidagi qo’g’irchoqni qo’yib yuborgisi kelmasdi. O’zim xarid qilgan narsalar uchun hisob-kitob qilib bo’lgach, yana bolakayning yoniga keldim va undan bu qo’g’irchoqni kimga olayotganligi haqida qiziqib so’radim.
— Bu mening singlimga, u juda yaxshi ko’rardi va shunday qo’g’irchog’i bo’lishini xohlardi. Men uning tug’ilgan kuniga sovg’a qilmoqchi edim. Men bu qo’g’irchoqni ayamga bermoqchiman, yaqinda ayam singlimni yoniga borganda, qo’g’irchoqni unga berib qo’yadi. …
Bu gaplarni aytayotganda uning ko’zlari juda ham mungli edi.
— Singlim Xudoning yoniga ketgan. Dadam menga shunaqa dedi. Va yana aytdiki, yaqinda ayam ham Xudoning yoniga ketar ekan, shuning uchun qo’g’irchoqni ayam orqali singlimga berib yubormoqchiman.
Shu joyda yurak urishim to’xtab qolgandek bo’ldi, go’yo. Bolakay menga qaragancha so’radi:
— Men dadamga tayinlab keldim, uyga qaytmagunimgacha ayam ketmay tursinlar deb so’radim, — shundan keyin u menga xursand va baxtli qiyofada tushgan suratini ko’rsatdi. – Bu rasmni ham ayam o’zi bilan olib ketishini xohlayman, shunda singlim meni unutib qo’ymaydi.
Va yana qo’shimcha qildi:
— Men ayamni judayam yaxshi ko’raman, u meni tashlab ketishini xohlamayman. Lekin dadamning aytishicha, ayam singlimni yoniga bormasa bo’lmas ekan. Bu gaplarni ayta turib, u yana bir bor ma’yus nigohi bilan qo’g’irchoqqa qarab qo’ydi…
Men tezda hamyonimni qo’limga olib, bolakayga dedim:
— Agar sen pullaring qo’g’irchoq sotib olishga yetadi deb hisoblayotgan bo’lsang, balki boshqatdan ularni sanab ko’rarmiz?
— Ha, menimcha pulim yetishi kerak edi. Shunda bolakayga ko’rsatmasdan, sekingina pul qo’shib qo’ydim va biz qaytadan sanab ko’rdik.
Endilikda pul miqdori qo’g’irchoq sotib olishga bemalol yetar edi, hattoki biroz ortib ham qoldi.
Bolakay dedi:
— Rahmat, Xudojon, menga pul berganing uchun! So’ngra menga o’girilib, qo’shimcha qildi: — Kecha uxlashdan oldin, Xudodan menga pul berishini iltimos qilgandim. U pulga singlimga berib yuborish uchun qo’g’irchoq sotib olmoqchi edim. Xudo meni eshitibdi! Men yana oq atirgullar sotib olish uchun ham ozgina pulim bo’lishini xohlagandim, ayam oq atirgullarni juda yaxshi ko’radi… Lekin buni Xudodan so’ramagandim. Ammo baribir u meni eshitibdi! Endi singlim uchun qo’g’irchoq ham, ayam uchun oq atirgul ham sotib olaman.
Shu bilan bolakay bilan suhbatimiz yakunlandi. Men juda g’alati ahvolga tushib qoldim. U bilan bo’lgan suhbatimiz sira xayolimdan ketmas edi. Shunda nogahon bir narsa yodimga tushdi. Mahalliy gazetalardan birida, ikki kun oldin bir xabar chop etilgandi. Unda aytilishicha, mast holda yuk avtomashinasini boshqarib kelayotgan haydovchi bir ayol va qizchani urib yuborgandi. Qizaloq voqea joyidayoq hayotdan ko’z yumgan, onasi esa juda og’ir ahvolda kasalxonaga yotqizilgandi. SHifokorlar umid yo’qligini aytishgani uchun, ayolning yaqinlari unga sun’iy hayot berib turgan apparatni uzishga rozilik berishgandi. Nahotki, singlisiga qo’g’irchoq sotib olishni ixtiyor etgan bolakay o’sha oilaning farzandi bo’lsa?! Oradan yana ikki kun o’tib, o’sha gazetada ayol ham vafot etganligi haqidagi yangi xabar bosildi… Men ko’z yoshlarimni tutib tura olmadim…
Oq atirgullar sotib olib, dafn marosimiga bordim… Ayolning tobutida o’sha menga tanish bo’lgan qo’g’irchoq va bolakayning surati ham bor edi. Tobutning boshqa tarafida esa oq atirgullarga ko’zim tushdi… Toki ko’z yoshim chiqmay qolgungacha yig’ladim. Shu onda his qildimki, bu voqeadan keyin hayotga bo’lgan qarashim tubdan o’zgarishi tabiiy edi. Men bir umr o’sha bolakayning o’z onasi va singlisiga bo’lgan muhabbatini unuta olmasam kerak!!!

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: