Xorijiy oliy ta’lim muassasasini tanlashda nimalarga e’tibor berish lozim?

Xorijiy oliy ta’lim muassasasini tanlashda nimalarga e’tibor berish lozim?
Telegramda o'qish

O‘zbekistondagi oliy ta’lim muassasasiga o‘qishga kira olmasam, xorijiy davlatda o‘qimoqchiman. Xorijiy oliy ta’lim muassasasini tanlaganda nimalarga e’tibor qaratishim lozim?

Savolga Ta’lim sifatini nazorat qilish davlat inspeksiyasi Matbuot kotibi Shavkat Xo‘jaqulov AOKA huzuridagi shtabda bo’lib o’tgan brifingda javob berdi:

Hozirgi paytda ayrim jismoniy shaxslar hamda konsalting xizmatlarini ko‘rsatuvchi firmalar yoshlarimiz orasida xorijiy oliy ta’lim tashkilotlariga hujjat topshirish bo‘yicha targ‘ibot-tashviqot ishlarini olib borishmoqda.

Sizga taklif etilayotgan xorijiy oliy ta’lim tashkiloti diplomining O‘zbekistonda tan olinishini uchun quyidagilarga e’tibor qarating:
Avvalo, tashkilotning oliy ta’lim muassasasi sifatida faoliyat yuritishiga ruxsat beruvchi hujjati, ya’ni litsenziyasi mavjudligiga ishonch hosil qiling.

Keyingi eng muhim talab ta’lim muassasasi tomonidan beriladigan diplom o‘zi joylashgan mamlakat hududida tan olinishi bilan bog‘liq. Buning uchun esa oliy ta’lim muassasasi va uning ta’lim dasturlari vakolatli organlar tomonidan akkreditatsiyadan o‘tkazilgan bo‘lishi kerak.

Bundan tashqari, talabgor tanlagan oliy ta’lim muassasasining o‘qitish shakli va ta’lim dasturlari O‘zbekiston qonunchiligiga mos kelishini o‘rganishi kerak. Amaldagi «Ta’lim to‘g‘risida»gi qonunga ko‘ra, O‘zbekiston hududida rasman tan olinadigan bakalavriat bosqichi kamida 4 yil, sirtqi ta’lim kamida 5 yil, magistratura esa kamida 2 yil muddat qilib belgilangan.

Shuningdek, pandemiya vaqtida joriy etilgan karantin rejimi sababli yurtimizdagi oliy ta’lim muassasalarida ta’lim jarayonlari masofaviy shaklga o‘tkazilgan. Ushbu vaziyatdan o‘z manfaati yo‘lida foydalanayotgan ba’zi konsalting tashkilotlari o‘z reklamalarida masofadan ta’lim beruvchi xorijiy oliy ta’lim muassasalarini «diplomi O‘zbekistonda to‘g‘ridan-to‘g‘ri tan olinadi» kabi asoslanmagan ma’lumotlar bilan targ‘ib qilishmoqda.

Tarqatilgan bu kabi noto‘g‘ri ma’lumotlar esa xorijiy diplomning mamlakatimizda tan olinmasligi oqibatida fuqarolarimizning kelajakda turli sarsongarchiliklarga duch kelishlariga sabab bo‘ladi. Mazkur masala bo‘yicha abituriyentlar yoki ularning ota-onalari o‘zlarini qiziqtirgan savollar bilan Ta’lim sifatini nazorat qilish davlat inspeksiyasining telegram boti (@Uztdibot)ga yoki (71) 231-07-53 raqamiga murojaat qilib, mutaxassislardan javob olishlari mumkin.

Hurmatli yurtdoshlar!

Yuqoridagi tavsiyalarga asosan Sizga taklif qilinayotgan oliygoh haqidagi ma’lumotlarni yaxshilab o‘rganib keyin qaror qabul qiling.
O‘zingiz va farzandlaringiz umrini va mablag‘laringizni besamar sarflamang.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: