Erkin Xushvaqtov (1959)

Erkin Xushvaqtov
Telegramda o'qish

Erkin Xushvaqtov hayoti, mehnat faoliyati, asarlari, mukofotlari haqida ma’lumotlar

Erkin Xushvaqtov hayoti

Erkin Xushvaqtov 1959 yil 5 martda Qashqadaryo viloyati, Shahrisabz tumanidagi Chambil qishlogʻida tugʻildi. Abdulla Qodiriy nomidagi Toshkent davlat madaniyat institutining rejissyorlik boʻlimida (1979–1983), Oʻzbekiston davlat sanʼat institutining oliy dramaturgiya kursida (1998–2000) tahsil oldi.

Erkin Xushvaqtov mehnat faoliyati

Mehnat faoliyatini Oʻzbek davlat drama teatrining rejissyor yordamchisi sifatida (1985–1987) boshladi. Shundan soʻng “Diydor” teatr studiyasida aktyor (1989–1990), Oʻzbek Milliy akademik Drama teatrida yorituvchi (2001–2004) boʻlib ishladi. Hozirda mazkur teatrda adabiy emakdosh vazifasida xizmat qiladi.

Erkin Xushvaqtov asarlari

Uning Oʻzbek Milliy akademik drama teatrida A. Qodiriyning “Mehrobdan chayon” romani asosidagi inssenirovkasi (1994), “Chimildiq” (1996), “Mashrab” (1997), “Qalliq oʻyini” (2002), “Qirmizi olma” (2003), “Andishali kelinchak” (2005), “Rashk” (2008), “Sizsiz oʻtmas kunlarim” (2010), “Koʻngil” (2011), Oʻzbek davlat drama teatrida “Eski muhabbat” (2004), Respublika yosh tomoshabinlar (2004) va Respublika Qoʻgʻirchoq (2007) teatrlarida “Choʻpqoʻgʻirchoq”, Respublika yosh tomoshabinlar teatrida “Halollik tilab keldim” (2010) kabi pyesalari sahnalashtirildi.
“Chimildiq”, “Bir kuni Afandi”, “Vafo”, “Zumrad va Qimmat” ssenariylari asosida filmlar ishlandi. Erkin Xushvaqtovning “Azon ovozi” (1991), “Chimildiq” (1998), “Andishali kelinchak” (2005), “Halollik tilab keldim” (2009) kitoblari, “Chimildiq” (2009) pyesalar toʻplami nashr etildi. Dramaturgning “Mehmonjonlardan aylanay” nomli ssenariysi asosida 15 qismdan iborat teleserial tasvirga olindi.

Erkin Xushvaqtov mukofotlari

Erkin Xushvaqtov “Mehnat shuhrati” ordeni (2002), “Oʻzbekiston Respublikasida xizmat koʻrsatgan madaniyat xodimi” unvoni (2011) bilan taqdirlangan.

Foydalanilgan adabiyot

“Oʻzbek adiblari” (S. Mirvaliyev, R. Shokirova. Toshkent, Gʻafur Gʻulom nomidagi adabiyot va sanʼat nashriyoti, 2016) kitobidan.
Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: