Bu qiziq, odamlarning turlari va tavsiflari

Bu qiziq, odamlarning turlari va tavsiflari
Telegramda o'qish

Psixolog Zebiniso Ahmedova ta’biriga ko’ra odamlarning turlari va tavsiflarini ko’rib chiqamiz.

AGRESSIV ODAMLAR
Agressiv odam hamma joyda o’z hukmini o’tkazishni istaydi. Bu insonga bo’ysunmaydiganlarga o’z kuchi bilan jazo beradi. Bu jazo sizni pastga urish, sizga taxdid qilish, sizni o’ziga bo’ysundirish, sizga taysiq o’tkazish, siringizni olib, oshkor qilish uchun qo’rqitish kabi ko’rinishlar bilan namoyon bo’ladi.

EMOSIONAL ODAMLAR
Bu insonlarning birinchi ehtiyoji hissiyotlarini bildirishdir. Baqirish, ovoz chiqarib yig’lash, eshikni yuzingizga yopib ketish, qoshiqni taqqilatib urib turib ketish, qog’ozlarni ko’z oldingizda yirtib tashlash kabi «hususiyatlari» bor ularning. Tortishuvda bari-bir yengish uchun hissiyotlarining borini ishlatadi. «SHahar sharmandaniki!» deyishadimi ular haqida. Hullasi, emosional odamlar uchun ham hissiyotlari kerak ish o’rinlari bordir, ammo, bundan qanday qiynoqlar kelib chiqishini siz yaxshiroq tushunasiz.

LOGIK MANTIQLI ODAM
Vaziyatni to’liq nazorat qilishga, faqat faktlarga tayanishga, hissiyotlarni inobatga olmaslikga erishgan odamlar. Aslida bunday odamlar ham tabiatning mo’jizasi go’yo. Ularning bu hususiyatlaridan judayam yaxshi foydalanuvchi rahbarlar ham topilar. Ammo, namuncha sovuq bu odam deb, uning sovuqligiga chidashingizga to’g’ri keladi.

MANIPULYASIYA QILADIGAN ODAMLAR
Bunday odamlardan bezor bo’lib ketasiz. Ular nafaqat sizni rahbar sifatida. hatto birga ishlaydigan hodimlarni ham bezor qilib yuborishadi. Ular doim atrofni o’zlarining nolishlari bilan, g’arib nigohi bilan manipulyasiya qilishadi. Ularga biror bir bir ish buyurilsa, «Xo’p, lekin» dan boshlaydilar. Sizni aybdor qilishga intilishadi. Balkim sizning ishlab chiqqan mahsulotlaringizni ba’zan shunday sotuvchilar ham sota olishidan unumli foydalanarsiz, lekin, manipulyasiyaga uchrab qolmang.

QO’RQOQ ODAMLAR
Doimo qo’rqib yashaydigan odamlarning qo’rquvi yuqadi boshqalarga ham. Rahbar sifatida bunday odamni ishga olsangiz, havfni yaqinlashib kelayotganligini kutadigan bo’lib qolasiz. Ular esa, boshqalarni qo’rqitib «lazzat» olishadi. Bunday odamga ham yarasha ish o’rni bordir, masalan, hayvonot bog’idagi qo’riqchiga hos yaxshi hususiyat bo’lishi mumkin.

UMIDSIZ ODAMLAR
Umidsiz odamnin hayotda bitta qiladigan ishi bor: sizga umid yo’qligini isbotlash. Bunday odamlardan boshqalar charchab ketishadi. Umid yo’qligiga sizni ishontirmasa tinchishmaydi. SHuning uchun bunday odamlar o’ziga ishongan odamlarni «ovlashadi». Siz rahbarlik qilayotgan korhonaga bitta shunday ishchi tushsa bormi: hammaga umidsizlikni yuqtiradi. Sizning umidingizni «puchga» chiqarib keyin chuqur nafas olib hayotdan «lazzatlanishadi». Siz bunday odamni o’z tarbiyangizga olishga shoshmang, aslida u sizni o’z tarbiyasiga olayotganligini unutmang.

JAFO CHEKUVCHI ODAMLAR
Doimo bir narsadan azoblanib, yuz qiyofasini ho’rlanib, azoblanib ketgan odamga qiyoslab yuruvchilarni. Bular o’sha azobidan qutilish uchun boshqalarning yordamini ham olishmaydi-da. Bu azobli yuz qiyofasini, yanayam azoblanuvchi ovozi bilan eshitganingizda o’zingiz ham qiynalib ketasiz. Asosiysi siz bu insonni azoblaridan qutqarish o’rniga o’zingizda ham shunday yuz qiyofasi shakllanib qolishi havfi paydo bo’ladi. Bir ko’rib kechgacha ovozi qulog’ingiz ostidan ketmay qoladi go’yo. Bu havf!

BILAG’ON ODAMLAR
Bilag’on hayotida birinchi eshitib turgan gapga ham bilimlari ichidan gap topib beraveradi-da. Siz bilgan bilimlar ichdan hato topib, sizga o’rgatib qo’yish «iqtidoriga» ega. Bunday insonlarning bilmaganini bilish bobida irodasi shunchalik kuchliki, sizni yengmay qo’ymaydi. Balkim bilag’on bu insonning turtkilari sizni yanayam bilishga turtki bo’lishi mumkin, lekin, psixologik tajribalarda bunday ishchi-xodimlar sizni «yiqitib» qo’yishi ham mumkin. Ruhan charchash bilan tugallanadigan bilim sinovida «bilag’on» ning o’rinsiz savollari ham sizni qiynab qo’yadi. SHuncha o’qigan diploming bitta mening savolimga dosh bera olmadi-yu! — degan nigoh sizga istehozali ta’sir qilishi bilan bilag’on o’z maqsadiga yetib kulib yuborganligini guvohi bo’lasiz.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: