Alisher Navoiy ruboiylar to’plami

E’tiboringizga hazrat mir Alisher Navoiyning ruboiylarini taqdim etmoqdamiz.

Alisher Navoiy ruboiylarini audio shaklda ushbu sahifadan yuklab olishingiz mumkin: Alisher Navoiy ruboiylari eng sara ruboiylar audio shaklda
Eslatib o’taman, Alisher Navoiy g’azallari saytimizning ushbu manzilida joylashgan: O’quvchilar uchun Alisher Navoiy g’azallari to’plami
Alisher navoiy haqidagi she’rlarni esa mana bu manzildan topishingiz mumkin: Alisher Navoiy haqida she’rlar

KO’Z BIRLA QOSHING YAXSHI

Ko’z birla qoshing yaxshi, qabog’ing yaxshi,
Yuz birla so’zing yaxshi, dudog’ing yaxshi.
Eng birla menging yaxshi, saqoqing yaxshi,
Bir-bir ne deyin boshtin-ayog’ing yaxshi.

GAR OSHIQ ESANG

Gar oshiq esang mehru vafo qilma havas,
Dard istayu daf’ig’a davo qilma havas.
Hijronu visol mutlaqo qilma havas,
Dildoringdan g’ayri rizo qilma havas.

ZOHID SENGA…

Zohid, senga – hur, manga – jonona kerak,
Jannat – sanga bo’lsun, manga – mayxona kerak.
Mayxona aro soqiyu paymona kerak,
Paymona necha bo’lsa to’la, yona kerak.

UMRI AZIZ

Jondin seni ko’p sevarmen, ey umri aziz,
Sondin seni ko’p sevarmen, ey umri aziz.
Har neniki sevmak ondin ortuq bo’lmas,
Ondin seni ko’p sevarmen, ey umri aziz.

XUSHLUQ

Kim ko’rdi ekin jahonda oyo xushluq,
To bir kishi aylagay tamanno xushluq.
Yuz yilda agar bir o’lsa paydo xushluq,
Omodadur yonida yuz noxushluq.

JONIMDAGI «JIM»

Jonimdagi ‘jim’ ikki dolingg’a fido,
Andin so’ng ‘alif’ toza niholingg’a fido,
‘Nuni’ dog’I anbarin hilolingg’a fido,
Qolg’on iki nuqta ikki xolingg’a fido.

O’PAY

Dedim:’Zaqaning tutub saqog’ingni o’pay,
Ko’z-qoshingga surtubon qabog’ingni o’pay,
Guldek yuzing islabon dudog’ingni o’pay,
Yo’q,yo’q,yo’q, agar desang,ayog’ingni o’pay.

Mavzuga doir:
Alisher Navoiy tavalludiga bag’ishlangan she’rlar to’plami

Alisher Navoiy haqida sahna ko’rinishlari to‘plami

Alisher Navoiy g‘azallari, eng sara g‘azallar audio shaklda