Abdu Nabi (1954)

Abdu Nabi
Telegramda o'qish

Abdu Nabi hayoti, mehnat faoliyati, asarlari haqida ma’lumotlar

Abdu Nabi hayoti

Abdu Nabi (Abdunabi Boyqoʻziyev) 1954 yil 5 iyunda Andijon viloyati, Izboskan tumanidagi Jonobod qishlogʻida dehqon oilasida tugʻildi. ToshDU(hozirgi Oʻzbekiston Milliy universitet)ning jurnalistika fakultetida (1977–1983) tahsil oldi.

Abdu Nabi mehnat faoliyati

Mehnat faoliyatini tuman bosmaxonasida boshlab, soʻngra Gʻafur Gʻulom nomidagi adabiyot va sanʼat nashriyotida, “Sharq” nashriyot-matbaa aksiyadorlik kompaniyasida, “Mushtum” jurnali, “Oʻzbekiston ovozi”, “Xalq soʻzi” gazetalarida turli vazifalarda xizmat qildi. Keyinchalik “Oʻzbeknavo” estrada birlashmasida repertuar boʻlimi boshligʻi, Ommaviy axborot vositalarini qoʻllab-quvvatlash jamgʻarmasida rais oʻrinbosari boʻlib ishladi.

Abdu Nabi asarlari

Ilk sheʼri (“Umar Xayyom”) 1972 yili Izboskan tumani gazetasida bosilib chiqdi. Shundan soʻng shoirning “Gʻuboringni yozgayman” (1990), “Seni izlab keldim” (1995), “Judoligʻ dashti” (2006), “Koʻzlarim daryoyim” (2007), “Ketayotgan turnalar” (2010) nomli sheʼriy, “Oʻzbeknavo yulduzlari…” (2000), “Dilxiroj tuygʻular” (2007) nomli nasriy hamda publitsistik kitoblari chop etildi. Rus, ingliz, qoraqalpoq, uygʻur adiblari asarlarini oʻzbek tiliga tarjima qildi.

Abdu Nabi ijodi haqida

Abdu Nabi asarlarida tugʻilib oʻsgan yurtini, askiya va mutoyibaga oshno tabiatli, mehnatkash odamlarini, qalbiga yaqin, aziz insonlari obrazini alohida mehr-muhabbat bilan yoritishga harakat qiladi. Sheʼrlari bilan oʻquvchilar qalbiga yuraklarni toʻlqinlantiruvchi sogʻinch tuygʻusiga aylanib kirib borishga intiladi.

Foydalanilgan adabiyot

“Oʻzbek adiblari” (S. Mirvaliyev, R. Shokirova. Toshkent, Gʻafur Gʻulom nomidagi adabiyot va sanʼat nashriyoti, 2016) kitobidan.
Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: