Yaxshi ishlagan direktor o‘rinbosarlari moddiy rag‘batlantiriladi

Yaxshi ishlagan direktor o‘rinbosarlari moddiy rag‘batlantiriladi

Umumiy o‘rta ta’lim maktablarida tarbiyaviy ishlarni samarali tashkil etgan respublika bo‘yicha 200 nafargacha ma’naviy-ma’rifiy ishlar bo‘yicha direktor o‘rinbosarlari har chorakda 3 mln 300 ming so‘m miqdorda Yoshlar ishlari agentligining maxsus jamg‘armasi hisobidan rag‘batlantirib boriladi.

Bu haqda Maktabgacha va maktab ta’limi vazirligi, Yoshlar ishlari agentligi hamda O‘zbekiston yoshlar ittifoqi Markaziy kengashi tomonidan joriy yilning 3 may kuni imzolangan qo‘shma qarorida nazarda tutilmoqda.

Buning uchun direktor o‘rinbosarlari yoshlarining ma’naviyatini yuksaltirish va bo‘sh vaqtini mazmunli tashkil etish bo‘yicha Prezidentning besh muhim tashabbusi doirasida tanlov va tadbirlarni tashkil etish, to‘graraklar faoliyatini muvofiqlashtirgan holda quyidagi ishlarni amalga oshirishi lozim:

    👉4-11-sinf o‘quvchilari o‘rtasida «Kamalak» va «Yoshlar ittifoqi» sardorlari faoliyati haqida targ‘ibot ishlarini olib borish;

    👉o‘quvchilar orasidan faol, tashabbuskor, liderlik qobiliyatiga ega bo‘lgan bolalarni sardorlikka tayyorlash maqsadida yilning sentyabr oyi ikkinchi o‘n kunligida 4-7-sinflarda har bir sinfdan 1 nafardan sinf «Kamalak» sardori”, 8-11-sinflarda 1 nafardan sinf «Yoshlar ittifoqi» sardori” saylovini tashkil etish;

    👉uchinchi o‘n kunligida 4-11-sinf o‘quvchilaridan, tarkibi 14 kishidan iborat «Maktab sardorlari kengashi» saylovini tashkil etish;

    👉o‘quv yili davomida sardorlar faoliyatini qo‘llab-quvvatlash;

    👉mahalla yoshlar yetakchisi bilan hamkorlikda maktablarda «Yoshlar daftari»da yaratilgan imkoniyatlar to‘g‘risidagi targ‘ibot ishlarini tashkil etish.

Tashabbuskor, islohotlarni amalga oshirishda haqiqiy jonbozlik ko‘rsatgan har tomonlama munosib direktor o‘rinbosarlari davlat mukofotlariga ham tavsiya etiladi.

Mavzuga doir:
1.5 stavka direktor o‘rinbosari lavozimida bitta xodim ishlashi mumkinmi?

O‘qituvchilarga moddiy yordam qachon va qay tartibda beriladi?

Maktab rahbarlariga mukofot puli qay tartibda beriladi?

Telegramda o‘qish

OTM uchun onlayn hujjat topshirish yo‘riqnomasi bilan tanishing
Понравилась статья? Поделиться с друзьями:
BAXTIYOR.UZ

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: