Ta’lim kreditining yangi tartibi haqida batafsil

Ta'lim kreditining yangi tartibi haqida batafsil ma'lumotlar bilan tanishing
Telegramda o'qish

Huquqshunos Xushnudbek Xudoyberdiyev ta’lim kreditining yangi tartibi haqida ma’lumot berdi.

✔️Huquqiy asos: Vazirlar Mahkamasining «Oliy ta’lim tashkilotlarida to‘lov-kontrakt asosida o‘qish uchun ta’lim kreditlari ajratishni tartibga solish chora-tadbirlari to‘g‘risida»gi qarori (№527, 18.08.2021 y.)
✔️Kredit miqdori: talaba va OTM o‘rtasida tuzilgan to‘lov-kontrakt shartnomasi miqdorida

✔️Muddati: o‘qish muddati (3, 4 yoki 5 yillik muddat) tugagandan so‘ng yettinchi oydan boshlab 7 yil muddatga

✔️Foizi: Markaziy bankning asosiy stavkasi miqdorida (hozir 14%).
✔️Asosiy stavka o‘zgarsa: agar Markaziy bankning asosiy stavkasi pasaysa, unda kredit foizi ham pasayadi. Agar asosiy stavka ko‘tarilsa, unda kredit foizi o‘zgarmaydi (ya’ni ko‘tarilmaydi).

✔️Kimlarga beriladi: ta’lim krediti
✅ kunduzgi ta’lim shakliga
✅ bakalavr yoki magistrga
✅ to‘lov-kontrakt asosida o‘qishga kirgan
✅ yoki o‘qishini ko‘chirgan talabalarga beriladi.
❌ super-kontrakt uchun yoki maxsus sirtqi, kechki va sirtqi ta’lim shakllari uchun ta’lim krediti berilmaydi.
✔️Qaysi OTMlar uchun: ta’lim krediti O‘zbekistondagi
✅ davlat
✅ nodavlat
✅ xorijiy OTMlar yoki ularning filiallari
✅ qo‘shma dasturda o‘qiydigan talabalarga beriladi.
❌ Xorijda joylashgan OTMlarda o‘qish uchun ta’lim krediti berilmaydi.
✔️Kafillik: kredit oluvchining doimiy daromad manbaiga ega bo‘lgan oila a’zolari (ota-onasi, aka-ukasi, opa-singlisi, eri yoki xotini) yoki vasiylari ta’lim krediti shartnomasida birgalikda kredit oluvchi sifatida qatnashishlari mumkin.
✔️Fuqarolik: ta’lim krediti faqat O‘zbekiston fuqarolari uchun beriladi. Chet el fuqarolari va fuqaroligi bo‘lmagan shaxslarga banklarning o‘zlari tijoriy shartlarda ta’lim krediti berishi mumkin.

✔️Kerakli hujjatlar: bankka quyidagi hujjatlar taqdim etiladi:
a) ariza;
b) talaba va OTM o‘rtasidagi shartnoma (kontrakt);
v) kredit qaytarilishining ta’minoti bo‘yicha hujjat. Bunda “Ijtimoiy himoya yagona reestri”ga kirgan oilalarning farzandlariga ajratiladigan ta’lim krediti bo‘yicha garov va kafillik talab etilmaydi;
g) “Ijtimoiy himoya yagona reestri”ga kiritilganligini tasdiqlovchi ma’lumotnoma (agar bo‘lsa);
d) bankning ichki hujjatlarida (siyosatida) belgilangan boshqa hujjatlar, shu jumladan, birgalikda kredit oluvchiga tegishli ma’lumot va hujjatlar.

✔️Ariza ko‘rib chiqilish vaqti: ariza 5 ish kunida ko‘rib chiqilishi va kredit shartnomasi imzolanishi kerak. Agar rad etilsa bu haqda talabaga sababi ko‘rsatilgan javob xati beriladi.
✔️Muddatdan oldin qaytarish: kredit oluvchi ta’lim kreditini shartnomada belgilangan muddatlardan oldin qaytarishga haqli.
Ta’lim kredidi berishi mumkin bo’lgan banklar bilan ushbu sahifada tanishing: https://baxtiyor.uz/talabalar-uchun-ta-lim-krediti-ajratadigan-banklar-ro-yxati/

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: