Pessimist bo`lish yaxshimi yomonmi?

Pessimist bo`lish yaxshimi yomonmi
Telegramda o'qish

Xo`sh, pessimist bo`lish shunchalik yomonmi? Ammo pessimistlarning hech kimga foydasi tegmaydi, degan fikrga kelmaslik kerak. Bunday insonlarning kamchiliklari ko`p bo`lsada, ular hayotga real qaraydilar. Bundan tashqari, pessimistlar boshqalarga qaraganda aqlli, fikr doirasi keng insonlar ekanligi aniqlangan.

Ular yuzaga kelgan vaziyatni to`g`ri baholash hamda uni nazorat qilish xususiyatiga egadirlar. Bu borada olimlar shunday deydilar: «Pessimist bir oz xafa, tund qiyofasida ko`rinsa-da, u zakovat egasi. Zohid va olimlar aynan shu toifadan kelib chiqadilar».
G`arbning mashhur ruhshunosi Seligmanning fikricha, «har bir kompaniya pessimistlarga muhtoj». Bu juda qiziq bo`ldi. Axir ijobiy dunyoqarash kishining butun hayotini belgilaydi, uning sog`lig`i, hayotda munosib o`rin egallashiga turtki bo`ladi, degan edingiz-ku, deyishingiz turgan gap. Bu fikrlarning bari to`g`ri, ammo pessimistlar kompaniyaning hozirgi holati, u duch kelishi mumkin bo`lgan muammolardan saqlab qolishi mumkin.
Xuddi shu narsa, insonning salomatligi borasida ham aks etadi. Optimistlar doimo ko`tarinki kayfiyatda bo`lishga intilganlari uchun, ko`pincha o`zlarini ayamaydilar. Pessimistlarning bu boradagi ehtiyotkorligi ularga foyda beradi, turli noxushliklardan saqlaydi.
Yuristlar, moliyaviy bo`lim boshliqlari, texnika xavfsizligi bo`yicha mas`ul shaxslarning barchasi «professional pessimistlar»dir. Ularning vazifasi rahbariyatni yuzaga kelishi mumkin bo`lgan noxush holatlardan xabardor qilish hisoblanadi.
Agar bu ikki xislatni o`zingizda jam qilsangiz, xayotdagi qiyinchiliklardan engilmay o`tishingiz mumkin. Optimist bo`lsangiz juda ham yaxshi, ammo pessimistlar kabi bir oz ehtiyotkor  bo`lishga, bajarilishi qiyin bo`lgan ishlarga qo`l urishdan tiyilishga o`rgansangiz yaxshi. Pessimist bo`lsangiz, fe`l-atvoringizning bu tomonga zo`rayib ketishiga yo`l qo`ymang.
Aks holda, doimo ruhi bezovta, ko`ngli doimo cho`kkan, hayotdan bahra olish nimaligini bilmay o`tadigan shaxs sifatida o`tasiz. Bu dunyoda yashayotgan inson zoti borki hayotida bir marta bo`lsa ham o`z-o`ziga «Men baxtli bo`lamanmi?», degan savolni berib ko`rgan.
Har bir odamning baxti o`z qo`lida. Avvalombor, qaysi oilada tavallud topgani, uning ota-onalari, avlod-ajdodlari kim ekanligi, nima bilan shug`ullanganligi, bir so`z bilan aytganda nasliy omilidir.
Ikkinchidan, har birimizni individual psixologik xususiyatlarimiz – mehnatsevarligimiz, irodamiz, tirishqoqligimiz, aniq hayotiy maqsadlarimizning mavjudligi va ularga etishish yo`lida faoliyatimizni tashkil etishimiz, hayotda muqarrar ravishda uchrab turadigan qiyinchilik, to`siq va muammolardan bukilmasligimiz, vaqtincha bukilgan taqdirda ham sinmasligimiz, ba`zan boshimizga tushib qoladigan og`ir holatdan oqilona chiqib keta olishimiz mazkur holatdan hayotda o`zimiz va atrofdagilarimiz uchun qimmatli xulosalar chiqarishimizga bog`liq.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: