Pandemiya davrida xodimlar salomatligini saqlash bo’yicha tavsiyalar

Pandemiya davrida xodimlar salomatligini saqlash bo’yicha tavsiyalar
Bizni telegram orqali ham kuzatishingiz mumkin Kanalga obuna bo'lish

Xodimlar o‘z imkoniyatlari chegaralarini bilishlari va stressli vaziyatlarda o‘zlariga qanday yordam berishni bilishlari juda muhimdir.

Quyida koronavirusga qarshi kurash shtabi a’zosi Barno Abdusamatova tomonidan xodimlarning salomatligi va mehnatga layoqatini saqlab qolishda yordam beradigan tavsiyalar keltirilgan:

Nafas olish mashqini bajaring:

    hech kim sizni bezovta qilmaydigan qulay joyni toping;

    nafas olishda diqqatni jamlang, chalg‘imaslikka harakat qiling, telefoningizni uzoqroqqa qo‘ying;

    burningiz orqali nafas olar ekansiz, har bir nafasni olishingiz davomiyligi beshga sanagunga qadar davom etsin;

    keyin besh soniya davomida sekin og‘zingizdan nafas chiqaring;

    3 va 4-bosqichlarni kamida bir daqiqa davomida takrorlang.

Boshqa odamlar bilan suhbatlashing

    Mavjud sharoitda ijtimoiy masofani saqlash majburiy chora bo‘lsa-da, siz telefoningiz yoki kompyuteringizdan foydalanib, oilangiz va do‘stlaringiz bilan muloqotda bo‘lishingiz mumkin.

    Muntazam ravishda bir-bingizga qo‘ng‘iroq qiling, bir-biringiz bilan nafaqat vaziyatingiz haqida, balki boshqa umumiy mavzular haqida ham suhbatlashib turishingiz uchun ma’lum vaqtni belgilang. Hamkasblar bilan suhbatlashing.

Uyqu rejimiga rioya qiling!

    Uyqu gigiyenasi qoidalariga ko‘ra, kuniga 7-8 soat uxlash tavsiya etiladi.

    Xona nimqorong‘u va salqin bo‘lishi kerak. Oxirgi ovqat yotishdan eng kamida ikki soat oldin tanovul qilingan bo‘lishi kerak. Uyqudan bir soat oldin dush qabul qilish lozim va yotishdan oldin ko‘p suv ichmaslik kerak.

    Smartfoningiz bilan uxlamang! Buning o‘rniga sokinlashtiruvchi musiqa tinglang.

Boshqalardan o‘rganing!

Yangi paydo bo‘lgan muammolarni hal qilishning ijobiy misollarini payqashga va qabul qilishga harakat qiling. Bu sizga yaxshi kayfiyatni saqlashga, o‘zingizning samaradorligingizni oshirishga va ishlashda davom etishda yordam beradi.

Hamma narsada ijobiy jihatlarni qidiring!

Ehtimol atrofimizdagi narsalarni o‘zgartira olmasligimiz mumkin, lekin ichimizdagi narsalarga ta’sir qilishimiz mumkin.

Sanitariya va gigiyena qoidalariga rioya qilishni ham unutmang!

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Izoh qo'shing

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: