UYDA QOLING!

O’qituvchilarga daftar tekshirganlik uchun qancha haq to’lanadi?

O’qituvchilar bajaradigan asosiy funksiyalar qatorida dars o’tish, o’quvchilar bilan ishlash, jurnal to’ldirish bilan birgalikda sinfdagi har bir o’quvchining daftarini tekshirish degan muhim vazifa ham bor.

Biroq o’quvchilarning ishlarini yozma tarzda baholash hamma fanlar uchun ham xos emas.
Qaysi fanlardan daftar tekshirish talab etiladi?
Xalq ta’limi vazirligi bergan ma’lumotga ko’ra,

    Boshlang’ich sinflarda: alifbe, ona tili, o’zbek tili, rus tili, matematika, 2-4 sinflarda chet tili (ingliz, nemis, fransuz tillari va h.k)

    Yuqori sinflarda: ona tili, adabiyot, o’zbek tili, rus tili va adabiyoti, chet tili (ingliz, nemis, fransuz tillari va h.k), matematika, algebra, geometriya kabi fanlardan daftar tekshirish kerak bo’ladi.

Ushbu mehnat evaziga haq to’lash tartibi esa «Xalq ta’limi xodimlari mehnatiga haq to’lashning takomillashtirilgan tizimini tasdiqlash to’g’risida»gi Vazirlar Mahkamasining 2005 yil 21 dekabridagi qarori asosida amalga oshiriladi.

Hujjatga ko’ra, umumta’lim muassasalari o’qituvchilariga qo’shimcha haq to’lovlari eng kam oylik ish haqiga nisbatan foiz hisobida amalga oshiriladi.

Daftar va yozma ishlarni tekshirganlik uchun – eng kam oylik ish haqining 50 foizi, sinfdagi (sinf komplektdagi) o’quvchilar soni 15 nafargacha bo’lgan kam komplektli maktablarda esa 25 foiz miqdorda to’lanadi.

Masalan, ayni paytda eng kam ish haqi 223 ming so’mni tashkil qiladigan bo’lsa, uning 50 foizi – 111 ming 500 so’m. O’qituvchi agar to’liq stavkada ishlasa, daftar tekshirgani uchun mana shu pulni to’liq oladi. Agar 0,75 da ishlayotgan bo’lsa, uning 75 foizini oladi. Agar yarim stavkada ishlaydigan bo’lsa, shu miqdorning yarmini – 55 750 so’m oladi.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: