Nodir Jonuzoq (1976)

Nodir Jonuzoq
Telegramda o'qish

Nodir Jonuzoq hayoti

Nodir Jonuzoq 1976 yil 14 martda Samarqand viloyatining Bulungʻur tumanida tugʻildi. Samarqand Davlat universitetining oʻzbek filologiyasi fakultetida tahsil oldi (1993–1998).

Nodir Jonuzoq faoliyati

Bir muddat (1998–1999) “Turkiston”, “Respublika” gazetalarida xizmat qildi. Shundan soʻng Oʻzbekiston Milliy teleradiokompaniyasida muharrir sifatida ish boshlab, keyinchalik “Oʻzbekiston” telekanalining “Maʼnaviyat”, “Musiqiy dasturlar” studiyalari bosh muharriri, “Madaniyat va maʼrifat” telekanalining “Madaniy-badiiy dasturlar” muharririyati bosh muharriri, “Madaniyat va maʼrifat” telekanali direktor oʻrinbosari vazifalarida faoliyat yuritdi (1999–2015). 2015 yildan Oʻzbekiston yoshlarining adabiy-ijtimoiy nashri – “Yoshlik” jurnali bosh muharriri lavozimida xizmat qilib keladi.

Nodir Jonuzoq asarlari

Oʻquvchilik yillaridan oʻz sheʼrlari bilan tuman va viloyat gazetalarida qatnashib kelgan Nodir Jonuzoq talabalik paytida (1997) respublika yosh ijodkorlarining Zomin seminari gʻolibi boʻldi. “Tomchilar” nomli ilk kitobi Gʻafur Gʻulom nomidagi adabiyot va sanʼat nashriyoti tomonidan “Isteʼdod” (1997) ruknida chop etildi.
Shundan soʻng uning “Sizni sevar edim” (2006), “Mehribonim” (2008) nomli sheʼriy toʻplamlari, “Oʻn yetti lahza”, “Nilufar”, “Siniq oy” kabi bir qator dostonlari dunyoga keldi.

Nodir Jonuzoq ijodi haqida

Shoir asarlari oʻz samimiyligi, tiniq tashbehlarga boyligi, ayni choqda jamiyatimizdagi evrilishlar, yangilanishlar ruhi aks ettirilgani bilan adabiy jamoatchilik va muxlislar eʼtiborini qozondi.

Nodir Jonuzoq teleko’rsatuvlari

Nodir Jonuzoq telejurnalist sifatida “Yozuvchi va zamon”, “Sheʼr va shuur”, “Gap chiqdi”, “Oq va qora”, “Shaxsiy fikr”, “Hayot goʻzal!”, “Ijodiy uchrashuvlar” singari koʻrsatuv va tokshoular tayyorladi. Shuningdek, uning ssenariylari asosida koʻplab videofilmlar tasvirga olindi.

Nodir Jonuzoq tarjimalari

“Bobbi”, “Tafakkur oʻyinlari”, “Panda izidan” kabi chet el filmlarini, M. Lermontov, A. Blok kabi mashhur shoirlar sheʼrlarini ona tilimizga oʻgirdi.

Foydalanilgan adabiyot

“Oʻzbek adiblari” (S. Mirvaliyev, R. Shokirova. Toshkent, Gʻafur Gʻulom nomidagi adabiyot va sanʼat nashriyoti, 2016) kitobidan.
Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: