“G’aroyib hodisalar izidan”: “narigi dunyoning sirlari…”

“G'aroyib hodisalar izidan” “narigi dunyoning sirlari…”
Telegramda o'qish

Tibbiyotda ham ba’zan dunyoni larzaga soluvchi hodisalar bo’lib turadi.

Kolumbiyalik 82 yashar kampir Medelin Xuliana Menendes to’rtinchi marta narigi dunyodan qaytib, barchani lol qoldirdi…
O’TA MAXFIY
Bu albatta jahon rekordi deb bemalol aytish mumkin. Chunki shu kunga qadar hech kim Xuliana kampirga o’xshab qayta-qayta tirila olmagan. Tirilgan bo’lsa ham to’rt marotaba emas…
Kampir azaldan infarktdan azob chekar, lekin har safar komaga tushganda, vrachlar yordamida, qolaversa, omad tufaylimi, yana o’ziga kelaverardi. Oxirgi yurak xurujidan keyin ham shunday bo’ldi. Hozir kampir tinimsiz jurnalistlarga intervyu berib, narigi dunyoda ko’rganlarini hikoya qilib yotibdi.
Uning aytishicha, o’lgan odam juda tinch holatda bo’larkan. Quloqlari ostida juda yoqimli bir kuy taralib turarkan. Ba’zilar qandaydir yerosti yo’li haqida gapirishadi. Unaqangi narsa bo’lmasmish.
— Men farishtalarni o’z ko’zlarim bilan ko’rdim. — deydi kampir. — Odamlar aytishardi. Farishtalar qanotli bo’lishadi deyishardi. Bo’lmagan gap ekan. Ularda hech qanday qanot ko’rmadim…
Qolaversa, har bir o’lgan odam shu zahoti jannatga tushadi. Bu joyni, afsuski, so’z bilan ta’riflab bo’lmaydi. Qisqa qilib aytish mumkin, jannatda odam osuda va ajoyib bir hayotni kechiradi…
Xitoylik 68 yoshli Min Dachin ham narigi dunyoda ikki marta bo’lib qaytishga erisha olibdi. Birinchi marta avtohalokatdan keyin bo’lsa, ikkinchi bor tok urishi oqibatida. Ikkinchi bor tirik qolgach, u o’z ko’zi bilan ko’rgan narsalarni qog’ozga tushirib kitob holiga keltiradi. Biroq saksoninchi yillarda bu taxlit kitoblarning nashr etilishiga ruxsat berishmasdi. Shu sababli ham Dachin kutishga majbur bo’ldi. Nihoyat bundan bir necha yil oldin uning narigi dunyo sirlari to’g’risidagi kitobi ikki million nusxada chop etilib, odamlarda katta qiziqish uyg’otdi.
Xitoylik qahramonimizning yozishicha, narigi dunyodagi hayot hozirgi hayotimizdan tubdan farq qilarkan.
— U dunyo judayam zerikarli va qo’rqinchli. — deb yozadi Dachin. — Umuman, o’lim o’ta og’ir ish. Tanani tark etib ketgan ruh ko’plab og’ir sinovlarga duchor bo’ladi. Avvalo uni soch tolasi kabi ingichka qil ko’prikdan o’tishga majbur etishadi. Ko’prikning ikki yonida olov. Ruh bilan ko’rinmas suhbatdosh o’zaro muloqotga kirishib, yorug’ dunyodagi qilmishlari to’g’risida surishtira boshlaydi. Mabodo bitta savolga noto’g’ri javob berib qo’ysa, tamom, shu ondayoq olov qa’riga qulab tushadi…
O’Z JONIGA XIYoNAT
To’g’ri, o’limdan keyingi hayot har bir odamni qiziqtiradi. Lekin shu kungacha hech kim to’liq javob eshitish baxtiga muyassar bo’lgan emas. Balki bu sir sirligicha qolib ketar…
Ammo dunyoda narigi dunyo bilan qiziquvchilarning shundaylari bor ekanki, ular atayin koma holatiga tushishdan ham toymas ekanlar…
Masalan, buxarestlik 27 yashar Mauritsiya Radesku narigi dunyoni o’z ko’zlari bilan ko’rmoqchi bo’lib, qo’rqmasdan bir xalta uyqu dorini ichib yubordi. Hushini yo’qotayotib uy eshigini ochiq qoldirdi. Xayriyatki, vrachlar uni o’ziga keltirishdi. Ruhshunosning «Nega bunday qilding?» degan savoliga Radesku xotirjamgina javob qildi.
— O’tgan yili bir do’stim olamdan o’tgandi. Shu bilan ko’rishib hol-ahvolini bilmoqchi edim…
Baxtga qarshi u do’sti bilan uchrasha olmadi. O’zining aytishicha, qandaydir toshloq joylarda daydiy-daydiy yana orqaga qaytibdi…
Amerikalik Metyu Grexem Vuds esa, o’rtoqlari bilan garov o’ynab boshini qizib turgan gaz plitasi ichiga tiqadi va gazdan to yiqilib qolmaguncha hidlab turaveradi. Uning niyati ham narigi dunyoda bo’lib qaytish edi. Niyati amalga oshmadi. Vrachlar o’ziga keltirishganiga qaramay, hech narsani eslay olmadi. Aksincha, jinnixonada davolanishga majbur bo’ldi. Hozirgacha ham u jinnixonada. Juda qo’rqoq bo’lib qolgan. Hech narsaga tegina olmaydi. Hatto, devorga yaqin borishga-da qo’rqadi… Vrachlarning aytishiga qaraganda, Vuds komaga tushgan mahal narigi dunyoda juda dahshatli hodisalarga ro’baro’ bo’lgan.
Kim bilsin? Vrachlar ham o’zlaricha taxmin qilaverishadi. Biz uchun esa, yaxshisi, hech narsani bilmaslik ma’qul.
Eduard KON
Ruschadan Olimjon HAYIT tarjimasi

Manba: Hordiq.uz

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: