Xorijda masofaviy tarzda o’qilsa diploma O’zbekistonda tan olinadimi?

Xorijda masofaviy tarzda o’qilsa diploma O’zbekistonda tan olinadimi?
Telegramda o'qish

Menga qo‘shni davlatdagi oliy ta’lim muassasasida o‘qishni taklif etishmoqda. O‘qish masofaviy tarzda olib borilar ekan. Lekin diplomga sitrqi deb yoziladi O‘zbekistonda tan olinadi deyishmoqda. Ularga ishonsam bo‘ladimi?

Savolga Ta’lim sifatini nazorat qilish davlat inspeksiyasi Matbuot kotibi Shavkat Xo‘jaqulov AOKA huzuridagi shtabda bo’lib o’tgan brifingda javob berdi:

Amaldagi qonunchilikka muvofiq xorijiy davlatlarning oliy ta’lim muassasalarda masofaviy tarzda ta’lim olgan talabgorlarning hujjatlari O‘zbekiston Respublikasida tan olinmasligi belgilab qo‘yilgan.

Shu sababli masofaviy ta’lim shaklida o‘qishni tavsiya qilmagan bo‘lardik. Chunki, xorijiy oliy ta’lim muassasasini tamomlab, diplom olganingizdan so‘ng uni O‘zbekiston Respublikasida yuridik kuchga ega bo‘lishi uchun tan olish jarayonidan o‘tkazish lozim bo‘ladi.

Xorijiy davlatda ta’lim olganlik to‘g‘risidagi hujjatlarni tan olish jarayonida hujjat haqiqiyligi hamda ta’lim shaklini aniqlashtirish bo‘yicha rasmiy so‘rov amalga oshiriladi va o‘rganiladi.

Yangi tahrirdagi «Ta’lim to‘g‘risida»gi qonunning loyihasiga masofaviy ta’lim shakli ham O‘zbekistondagi ta’lim turlari ro‘yxatiga kiritilmoqda. Biroq buning o‘zi xorijda masofaviy tarzda olingan diplomlar ham tan olinadi, degan ma’noni anglatmaydi.

Sababi «Ta’lim to‘g‘risida»gi qonun yangi tahrirda qabul qilinganidan so‘ng ta’limga oid qonunosti hujjatlarini unga moslashtirish ishlari olib boriladi. Qator qonunosti hujjatlar ishlab chiqilishi, mavjudlariga o‘zgartirish va qo‘shimchalar kiritilishi zarur bo‘ladi.

Davlatda masofaviy ta’lim shaklida o‘qitish mumkin bo‘lgan yo‘nalishlar belgilangach, xorijda olingan masofaviy ta’lim ta’lim shaklidagi hujjatni tan olish uchun normativ baza shakllanadi. Bundan tashqari oliy ta’limda masofaviy ta’lim berish shaklini barcha mutaxassisliklar uchun birdek qo‘llab bo‘lmaydi. Misol uchun texnika yoki meditsinaga o‘xshash sohalarda bevosita amaliyot muhim o‘rin tutadi.

Shu sababli ham yoshlarimizga mazkur o‘zgartirishlar to‘liq kiritilib, qaysi mutaxassisliklar va qanday ko‘rinishda masofaviy ta’lim yo‘lga qo‘yilishi ma’lum bo‘lmagunga qadar shoshib qaror qabul qilmaslikni so‘ragan bo‘lardik.

Shu o‘rnida ta’kidlab o‘tish joizki, bugungi kunda bozor talablariga javob bera oladigan raqobatbardosh kadrlarga bo‘lgan ehtiyoj ortib bormoqda. Kadrlar sifatiga ish beruvchilar baho bermoqda. Shunday ekan, yoshlarimiz diplom uchun emas, sifatli ta’lim olib, salohiyatli kadr bo‘lish uchun oliy ta’lim muassasasini tanlashlari zarur.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: