Oliy ta’lim vaziridan OTM bo’yicha asosiy savollarga javoblar

AOKA huzurida Oliy va o’rta maxsus ta’lim vaziri Inomjon Majidov ishtirokida onlayn brefing uyushtirildi. Vazir OTM bo’yicha asosiy savollarga javob berdi.

Mazkur brefingni ushbu havola orqali tomosha qilishingiz mumkin.
Quyida Oliy va o’rta maxsus ta’lim vazirligining rasmiy saytida e’lon qilingan savol-javoblarni e’tiboringizga havola qilmoqdamiz.

Magistraturaga kirish uchun hujjatlar topshirish jarayoni qanday o’tkaziladi va muddatlarida o’zgarishlar bo’ladimi?
— Magistraturaga kirish uchun hujjatlar belgilangan tartibda 1 iyuldan 30 iyulgacha (shu kuni ham) qabul qilinadi. 2020/2021 o’quv yilidan boshlab magistraturaga kirish uchun abiturientlarga elektron tarzda hujjatlarni topshirish imkoniyatlari yaratiladi.
Magistraturaga kirish imtihonlari qanday shaklda o’tkaziladi va natijalar qanday e’lon qilinadi?
— Magistraturaga kirish imtihonlari karantin tadbirlaridan kelib chiqqan holda Nizomda belgilangan shakllarda yoki test shaklida o’tkazilishi mumkin.
Kirish imtihonlari natijalari muayyan oliy ta’lim muassasalarining rasmiy veb-saytlarida e’lon qilinadi.
Yakuniy davlat attestatsiyalarida uzrli sabablarga ko’ra ishtirok eta olmagan talabalarga qayta topshirishga imkoniyatlar yaratiladimi?
— Respublika miqyosida karantin cheklovlari to’liq yakunlangach yakuniy davlat attestasiyalarini uzrli sabablarga ko’ra topshira olmagan talabalar uchun yakuniy davlat attestatsiya komissiyalari faoliyati tashkil etiladi.
Ma’lumot uchun, yakuniy davlat attestatsiya komissiyalari raislari bir kalendar yili uchun tasdiqlanadi.
Magistratura mutaxasisliklari bitiruvchilarining magistrlik dissertatsiyalari himoyalari qanday tartibda o’tkaziladi?
— Magistratura mutaxasisliklari bitiruvchilarining magistrlik dissertatsiyalari himoyalari ZOOM yoki boshqa dasturlar orqali masofaviy shaklda o’tkaziladi.
2020/2021 o’quv yili uchun talabalar o’qishini ko’chirish jarayoni qanday tartibda o’tkaziladi?
— 2020/2021 o’quv yiliga respublika oliy ta’lim muassasalariga talabalar o’qishini ko’chirish quyidagi tartibda amalga oshiriladi:
2020 yilning 15 iyulidan 5 avgustiga qadar hujjatlar qabul qilinadi (hujjatlarni onlayn tarzda topshirish imkoniyati yaratiladi);
6 avgustdan 30 avgustga qadar arizalar ko’rib chiqilib qaror qabul qilinadi.
Hozirgi kundagi karantin tadbirlari sababli o’qishni ko’chirish jarayonlari muddatlarida o’zgarishlar bo’lgan taqdirda vazirlikning rasmiy sayti (www.edu.uz) va telegramm kanali @eduuz orqali e’lon beriladi.
Qo’shni davlatlardan o’qishi ko’chirilgan fuqarolar o’qigan kurslaridan quyi kurslarga tavsiya etilmoqda. Mazkur holat to’g’rimi?
— Respublika oliy ta’lim muassasalariga talabalar o’qishini ko’chirishda namunaviy o’quv rejalaridagi umumkasbiy va ixtisoslik (mutaxassislik) fanlari bo’yicha farqlar 4 tadan oshganda muayyan kursga o’qishni ko’chirishga ruxsat etilmaydi va shunga ko’ra talabaga o’qishini quyi kursda davom ettirish tavsiya etilishi mumkin.
Magistraturaga kirish imtihonlari qanday shaklda o’tkaziladi va natijalar qanday e’lon qilinadi?
— Magistraturaga kirish imtihonlari karantin tadbirlaridan kelib chiqqan holda Nizomda belgilangan shakllarda yoki test shaklida o’tkazilishi mumkin.
Kirish imtihonlari natijalari muayyan oliy ta’lim muassasalarining rasmiy veb saytlarida e’lon qilinadi.
Kollejlarda bitirish imtihonlari qanday tashkil etiladi?
— YAkuniy imtihonlarni onlayn o’tkazish bo’yicha taklif kiritilgan. Kasb-hunar kollejlarida 2019/2020 o’quv yili uchun istisno tariqasida, YAkuniy davlat attestasiyasini onlayn tarzda tashkil etish rejalashtirilmoqda.
SHu bilan birga malakaviy ishni bajargan bitiruvchilar o’z taqdimotlarini internet tarmog’i orqali kasb-hunar kollejlariga taqdim etishlari mumkin bo’ladi.
Akademik litseylarda yakuniy davlat attestasiyalari imtihonlari qay tarzda o’tkaziladi?
— YAkuniy davlat attestasiyalarini o’quv rejaga muvofiq quyidagicha o’tkazish rejalashtirilmoqda: davlat imtihonlari shaklida 60 ta test (O’zbekiston tarixi fani, yo’nalishlar bo’yicha chuqurlashtirilgan fanlar)dan iborat testlar to’plami bloklarga ajralgan holda, ko’p variantlilik prinsipi asosida ishlab chiqiladi va o’quvchilar masofaviy tarzda internet tarmog’idan foydalangan holda imtihon topshiradilar.
Alohida iqtidor talab etiladigan ta’lim yo’nalishlariga talabalikka qabul qilish jarayonlarida o’zgarishlar bormi?
— Alohida iqtidor talab etiladigan ta’lim yo’nalishlariga hujjatlar topshirish muddatlariga o’zgartirishlar kiritilmagan.
O’tkaziladigan imtihonlarni soddalashtirish bo’yicha takliflar ishlab chiqilmoqda.
Abiturientlar ijodiy imtihonga faqat bir marta kelib ketadi.
Men mart oyida malaka oshirish kursiga o’qishga borgan edim, 16 martdan o’qishlarimiz masofaviy shaklga o’tkazildi. Masofaviy kursni tugatganman. Endi chiqish testlari va attestatsiya jarayonlari qachon va qanday shaklda bo’ladi?
— Qayta tayyorlash va malaka oshirish markazlari tomonidan 1,2,4,5 may kunlari onlayn test hamda 6,7,8,9 may kunlari attestatsiya jarayonlari o’tkazilishi belgilangan.
Oliy ta’lim muassasasi bitiruvchi kurs talabalariga kontrakt pullarini to’lash kerak demoqda. Agar to’lanmasa, talaba yakuniy nazoratlarga kiritilmaydi va unga bitirganlik to’g’risidagi diplom berilmaydi deb eshitdim. SHu to’g’rimi?
— Oldin ham aytganimizdek, karantin davrida o’quv yili uchun to’lov-kontrakt pullarini to’liq to’lashga ulgurmagan talabalar o’qishdan chetlatilmaydi. Bu bitiruvchi kurs talabalariga ham taalluqli.

Har bir oliy ta’lim muassasasi o’zining moliyaviy imkoniyatidan kelib chiqib, kontrakt to’lovi muddatini mustaqil uzaytirish vakolatiga ega.
YUqoridagilardan kelib chiqib to’lovlarni to’liq amalga oshirmagan bitiruvchi kurs talabalari shartli ravishda istisno tariqasida yakuniy nazoratlarga kiritilishi mumkin, lekin ularga o’quv yili uchun belgilangan to’lovni to’liq amalga oshirganlaridan so’ng oliy ta’lim muassasasini tugatganligi to’g’risidagi tegishli diplom beriladi.

Вам также может быть интересна эта статья

.

DTM 2020: Abituriyentlarni qiynayotgan asosiy savollarga javoblar

Maktablar reytingi bo’yicha barcha savollarga javoblar

Karantin vaqtidagi ta’lim, barcha savollarga javoblar

Variativ o’quv rejani tashkil etish bo’yicha savollarga javoblar

XTV boshqarmasidan muammoli savollarga javoblar

Pedagoglar attestatsiyasi bo‘yicha muhim savollarga javoblar

Talaba ishlashi mumkinmi? Eng asosiy savollarga javoblar

Super-kontrakt bo’yicha ayrim savollarga javoblar

Abituriyentlarni qiynayotgan ba’zi savollarga javoblar

Uyda ta’lim, yana muhim savollarga javoblar