O’qituvchilar uchun noutbuklarni arzon narxda kreditga berish loyihasi

O’qituvchilar uchun noutbuklarni arzon narxda kreditga berish loyihasi

O’qituvchilarga noutbuklarni arzon hamda uzoq muddatda lizing orqali to’lab boorish imkoniyatini yaratadigan yana bir loyiha boshlandi.

O’zbekiston Respublikasi Xalq ta’limi vazirligi, “O’zeltexsanoat“ uyushmasi hamda Xitoyning Weidong Cloud Education kompaniyasi elektron ta’lim tizimida qo’llash uchun kompyuter uskunalari ishlab chiqarishni tashkil etish to’g’risida kelishuv imzoladi.
Imzolash marosimi joriy yilning 11-may kuni videoaloqa shaklida o’tkazildi. Hujjatni O’zbekiston Respublikasi Xalq ta’limi vaziri Sherzod Shermatov, “O’zeltexsanoat“ uyushmasi rahbari Mirziyod Yunusov va Weidong Cloud Education kompaniyasining ijrochi direktori Vang Jikian (Wang Zhiqian) imzoladi.
Mazkur hujjat tajriba almashish, elektron ta’lim tizimini joriy etish orqali O’zbekistonda xalq ta’limi sohasidagi ta’lim sifati hamda samaradorligini rivojlantirish va yaxshilash maqsadida imzolandi.
Tomonlar aqlli sinflar uchun kompyuter texnikasi va boshqa qo’shimcha uskunalar ishlab chiqarish bo’yicha loyihani amalga oshirishga kelishib oldi. Kompyuterlarni mahalliylashtirilgan holda ishlab chiqarish 2020-yil yakuniga qadar yo’lga qo’yiladi.
Ushbu loyiha asosida Weidong Cloud Education kompaniyasi 4 million dollar miqdorida mablag’ ajratishni rejalashtirmoqda. Bu esa 80 ta yangi ish o’rnini yaratishga imkon beradi.
xtv-signing-2.jpg
Shuningdek, Xitoy tomoni, imtiyozli lizing asosida kompyuter texnikasini yetkazib berish uchun mablag’ ajratish niyatida ekanligini ma’lum qildi.
Kelishuvga muvofiq, Weidong Cloud Education kompaniyasi Toshkent shahridagi 241-maktab uchun ham bitta aqlli sinf taqdim etadi.
– Koronavirus pandemiyasi bilan bog’liq karantin joriy etilgani sababli O’zbekiston ham onlayn ta’limga o’tdi. Bunday vaziyatda o’qituvchi va o’quvchilar ta’lim jarayonida tobora ko’proq kompyuterlarni ishlatishni boshlaydi. Shuning uchun o’qituvchilarimizga kompyuterlarni arzon va lizing orqali uzoq muddatda bo’lib to’lash imkoniyatini beradigan ushbu loyihaning ahamiyati muhim, — deydi O’zbekiston Respublikasi Xalq ta’limi vaziri Sherzod Shermatov.
Weidong Cloud Education kompaniyasi ijrochi direktori Vang Jikianning ta’kidlashicha, Weidong Cloud Education ta’lim vazirliklari bilan ishlashda katta tajribaga ega. Ushbu bitimga muvofiq, O’zbekiston tomoni nafaqat zamonaviy yechimlarga, balki zamonaviy ta’lim platformalariga ham ega bo’ladi. Ushbu loyiha ta’limni rivojlantirish va qo’llab-quvvatlash uchun ikki tomonlama munosabatlarni rivojlantirishdagi birinchi qadamdir.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: