Ta’lim to’g’risidagi qonun yangilandi

Oliy Majlis Palatasi
Telegramda o'qish

2020-yil 19-may kuni Oliy Majlis Qonunchilik palatasining navbatdagi majlisida yangi tahrirdagi “Ta’lim to’g’risida”gi qonun loyihasi tasdiqlandi.

Bu haqda Xalq ta’limi vazirligi rasmiy saytida ma’lum qilindi.
Qonun loyihasini takomillashtirish maqsadida mas’ul qo’mita hamda ishchi guruh tomonidan bir necha bor muhokamalar o’tkazildi. Tegishli vazirlik va idoralar vakillari ishtirokida loyihaning qoida va normalari maromiga yetkazildi.
Xususan, qonun loyihasini takomillashtirish jarayonida 238 ta normaga tegishli o’zgartirish va qo’shimchalar kiritildi, 123 ta norma chiqarib tashlandi. Ularning o’rniga 54 ta yangi to’g’ridan-to’g’ri amal qiluvchi normalar kiritildi. Ortiqcha ma’muriy tartib-taomillar va tartibga solishning eskirgan mexanizmlarini bartaraf etish hisobiga kiritilgan 7 ta moddadan butunlay voz kechilib, aniq sohalardagi munosabatlarni tartibga soluvchi
9 ta yangi modda kiritildi.
E’tiborlisi, qonun loyihasiga inklyuziv ta’lim tushunchasi ham singdirilgan. Bu esa har bir bolaning ta’lim olishdagi teng huquqliligini ta’minlash har qanday diskriminatsiya va kamsitishlarning oldini olishga xizmat qiladi.
Shuningdek, loyihada amaldagi qonunda, umuman, qonunchilikda ko’zda tutilmagan yangi qoida — yurtimizda yoshidan qat’iy nazar, katta yoshdagilar uchun ham umri davomida bilim va ko’nikmalarini mustahkamlab borish imkoniyati belgilangan.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: