Qanday qilib maktabda aʼlochi boʻlish mumkin?

Qanday qilib maktabda aʼlochi boʻlish mumkin?
Telegramda o'qish

Har qanday sinfda ikkichilar, oʻrtacha oʻqiydiganlar va aʼlochilar boʻladi.

Baʼzilar oʻqishni “unutishadi”, baʼzilari esa yaxshi oʻqishni xohlashadiyu lekin bunga erisholmaydi. Bunday oʻquvchilar koʻpincha oʻzlariga “Qanday qilib aʼlochi boʻlish kerak?” degan savolni berishadi.

Eng yomoni, agar sen yaxshi oʻquvchi boʻlib tuyulsang ham, aʼlochilikka va besh baholarga birozgina tortmaysan. Aʼlo baholar olishni boshlash uchun sen maʼlum bir chiziqdan oʻtishing kerak. Avvaliga nega aʼlochi boʻlishni xohlashingni hal qilib ol, chunki yaxshi baho yaxshi bilimni anglatmasligini tushunishing kerak.
Mana bu maqolada maktabda a’lo bahoga o’qish muhimmi degan savolga javob izlab ko’rilgan.
Albatta, bu ularga eʼtibor berishning hojati yoʻq degani emas, lekin sen doim beshni ketidan quvmasliging zarur. Baʼzan bu sogʻliq boʻyicha muammolariga olib kelishi mumkin.

Agar sen aʼlochi boʻlishni xohlayotganingga amin boʻlsang, unda hech narsa oʻz-oʻzidan boʻlmasligini yodda tut. Sen uy vazifangga koʻproq vaqt sarflashni boshlashing va koʻp narsalarni oʻzing qilishing kerak boʻladi.

Yaxshi baho olish uchun koʻpincha senga qaysidir fanni bilmaslik yoki oʻqituvchidan qoʻrqish degan ishonch toʻsqinlik qiladi. Tabiiyki, hamma darslar yoki oʻqituvchilarni bir xilda sevish mumkin emas: senga biron bir dars yoki kimdir koʻproq, kamroq yoqadi.

Baʼzilar aʼlochi boʻlishlari mumkin emas, chunki maktabda ular hamma narsani tinglashadi va yozishadi, lekin uyda ular hech narsani takrorlamaydilar. Uy vazifangni belgilangan muddatdan bir kun oldin emas, balki aynan berilgan kunning oʻzida bajargan maʼqul. Bu sen uchun osonroq boʻladi, chunki oʻtilgan mavzu hali unutilmagan boʻladi. Agar qiyin vazifaga duch kelsang, oʻqituvchidan yoki sinfdoshlaringdan uni yechishga yordam berishini soʻrashga vaqt topasan. Bu ogʻzaki topshiriqlarga ham tegishli. Sen uni vazifa berilgan kunda yodla, oʻqituvchiga aytib berishdan avval shunchaki takrorlab qoʻy.

Nafaqat teoremalar va qoidalarni shunchaki yodlab qoʻyma, balki ularni bir necha marta oʻqib, maʼnosini chuqurroq oʻrganib chiq, shunda ular xotirangda umrbod qoladi. Teoremalarni yodlash emas, balki isbotlash bilan foydali boʻladi. Shuningdek, biron narsani tushunish uchun savol berishdan yoki yordam soʻrashdan qoʻrqmaslik kerak.

Agar hamma narsa tushunarli boʻlmasa, yana soʻrab, aniqlik kiritish zarur. Esingda boʻlsin, savollar berish ahmoqlik belgisi emas, bu mavzuni toʻliq anglash istagining dalilidir. Koʻp oʻqituvchilar hatto savollardan mamnun boʻlishadi, chunki ular uchun bu oʻquvchilar oʻz darsiga qiziqish bildirishining isbotidir. Bunday paytda oʻquvchilar oʻqituvchini jon quloqlari bilan hamma gaplarini tinglashadi. Doimo chalkashib, u yoki bu vazifa qanday hal qilinishini bilmaslikdan koʻra, bir marta soʻrab, hamma narsani toʻgʻri tushungan maʼqul.

Aʼlochi oʻquvchi boʻlish uchun koʻp mehnat qilish kerak. Ammo asosiysi, darslarga qancha vaqt sarflaganing emas, balki ular ustida ishlash qanday tuzilganligidadir. Va eng muhimi, unutma, odamlar maktabga baho olish uchun emas, balkim bilim olish uchun boradilar.

Manba: edurtm_uz

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: