O‘qituvchi ikki kun maktabga kelmasa unga ish haqi to‘lanadimi?

O‘qituvchi ikki kun maktabga kelmasa unga ish haqi to‘lanadimi?
Telegramda o'qish

Savol: Men maktabda o‘quv ishlari bo‘yicha direktor o‘rinbosari lavozimiga yaqinda tayinlandim. Matematika fani o‘qituvchimiz ikki kun sababsiz ravishda ishga kelmadi. Sababini so‘rasam aytmadi. Savolim shundan iboratki, o‘qituvchi sababsiz ishga kelmasa unga ish haqi to‘lanaveradimi? Bu vaziyatda qanday yo‘l tutishim kerak?

Javob: O‘zbekiston Respublikasi Mehnat kodeksining 114-moddasiga ko‘ra, xodim ish tartibi yoki grafigiga yoxud mehnat shartnomasi shartlariga muvofiq o‘z mehnat vazifalarini bajarishi lozim bo‘lgan vaqt ish vaqti hisoblanadi.

Umumta’lim maktabi o‘qituvchisining pedagogik yuklamasining bajarilishini hisobga olish har kuni ishga kelish va ketish jurnali orqali yuritiladi hamda har oylik ish vaqtini hisobga olish tabelida aks ettirilib, unda amalda bajarilgan o‘quv soatlari (dars soati soni), pedagogik ish soatlari, barcha bajarilgan soatlar, ya’ni jami o‘quv va pedagogik soatlar yig‘indisi ko‘rsatiladi.

Bajarilmagan o‘quv (dars) soatlari va tegishli pedagogik soatlar o‘qituvchining shaxsiy ish rejasiga asosan amaldagi qonunchilik doirasida ta’lim muassasasi kasaba uyushmasi bilan kelishgan holda rasmiylashtiriladi, tabelga kiritilmaydi va haq to‘lanmaydi.

Undan tashqari o‘qituvchi ish vaqti davomida ya’ni, dars o‘tish jarayonida darsda o‘tilgan mavzu va uyga berilgan vazifalarni kundalik.com platformasiga yoki sinf jurnaliga alohida ajratilgan kataklarga yozib borishi, o‘quvchilarning darsdagi davomatlarini aniqlashi va qayd etib borishi kerak. Sinf jurnaliga yozilmagan dars uchun o‘qituvchiga ish haqi to‘lanmaydi.

Yuqoridagilardan kelib chiqib shuni aytish mumkinki, o‘qituvchi sababsiz ravishda ish joyiga kelmasa, unga ish haqi to‘lanmaydi.

Manba: Xalq ta’limi info kanali

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: