Maktablarda arab tili xorijiy til sifatida o‘qitilishi mumkin

Maktablarda arab tili xorijiy til sifatida o‘qitilishi mumkin

O‘zbekiston maktablarida arab tili xorijiy til sifatida o‘qitilishi mumkin. Bu haqda Maktabgacha va maktab ta’limi vaziri Hilola Umarova ishtirok etayotgan Londondagi forumda, Liviya mamlakati oliy ta’lim va ilmiy tadqiqot vaziri Doktor Omran Muhammad al Giyib bilan bo‘lib o‘tgan uchrashuvda gap borgan.

Vazirlik bergan xabarga ko‘ra, taklif Liviya tomonidan berilgan bo‘lib, ular O‘zbekiston umumiy o‘rta ta’lim tizimida arab tilini xorijiy til sifatida o‘qitish yo‘nalishida hamkorlik qilishni rejalashtirmoqda.

Shuningdek, ushbu hamkorlik doirasida Liviya tomonidan arab tilida dars beruvchi o‘qituvchilar uchun Liviya oliy ta’lim muassasalarida magistr va ilmiy tadqiqot (PhD) ta’limi uchun ta’lim grantlari ajratilishi taklifi ham o‘rtaga tashlangan.

O‘zbekiston tomoni mazkur xabarni tarqatish bilan birga vazir Umarovaning bu takliflarga munosabatini ochiqlamagan.

O‘zbekiston delegatsiyasi, shuningdek, hindistonlik hamkasblari bilan ingliz tili va informatika yo‘nalishlaridagi oliy ta’lim muassasalari bitiruvchilarini O‘zbekistondagi umumiy o‘rta ta’lim muassasalariga «ustoz-shogird» modeli asosida amaliyotga va ta’lim jarayoniga jalb etish masalasi muhokama qilgan.

Assam shtati federal ta’lim vaziri Doktor Ranoj ushbu masalada Britaniya Kengashining Hindiston vakolatxonasi bilan hamkorlikda O‘zbekiston tomoniga amaliy yordam berishga roziligini bildirdi.

Mavzuga doir:
Oʻzbekistonda maktab oʻquvchilari eng koʻp oʻrganayotgan xorijiy tillarning TOP 8 taligi eʼlon qilindi

Xorijiy til o‘qituvchilari hamda o‘rganuvchilar uchun yangilik!

Xorijiy tillarni o‘qitish bo‘yicha Prezident sovrini ta’sis etiladi

Telegramda o‘qish

OTM uchun onlayn hujjat topshirish yo‘riqnomasi bilan tanishing
Понравилась статья? Поделиться с друзьями:
BAXTIYOR.UZ

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: