Biologiya fanidan qiziqarli va mantiqiy topishmoqlar to’plami

Biologiya fanidan qiziqarli va mantiqiy topishmoqlar to’plami
Bizni endi Telegramda ham o'qishingiz mumkin. Kanalga obuna bo'lish

Biologiya faniga qiziquvchi o’quvchilar uchun qiziqarli va mantiqiy savollar, topishmoqlar to’plami javobi bilan.

Mantiqiy savollarga qiziquvchi aziz do’stlarim, e’tiboringizga biologiya faniga oid mantiqiy topishmoqlar to’plamini taqdim etmoqdaman. Ba’zi savollarni javobini bilish uchun sizdan biologic bilim talab etilsa, ba’zilarini toppish uchun mantiqiy fikrlashning o’zi kifoya. Ushbu topishmoqlardan biologiya fani bilan bog’liq tadbirlarda, biologiya darslarida va boshqa o’zingiz lozim topgan vaziyatlarda foydalanishingiz mumkin. Topishmoqlarning javobini yashirin keltirmoqdaman. Negaki, javobini bilishdan oldin o’z javobingizni o’ylang va natija bilan solishtirib o’z aqlingizga baho bering. Savollarning javobini ko’rish uchun “Javobini ko’rish / Yashirish” tugmasini bossangiz yetarli.

Biologiya fanidan topishmoqlar

1. Oltin kosada toshib turar
Dala husnini ochib turar.

Javobini ko'rish / yashirish

Paxta

2. Qip – qizilu, anormas ,
Cho`g`ga o`xshar, yonolmas,
Mo`ralaydi egatdan,
Joy oladi savatdan.

Javobini ko'rish / yashirish

Qulupnay

3. Cheti gulli, patir non,
Ichi to`la g`ij – g`ij don.

Javobini ko'rish / yashirish

Kungaboqar

4. Dum – dumaloq jajji oy ,
Chaqib yesang, g`ij – g`ij moy.

Javobini ko'rish / yashirish

Yong`oq

5. Yashil gumbaz ichida.
Qip – qizil xona
Bir xil libos , teng bo`yli.
Ming bir dugona.

Javobini ko'rish / yashirish

Tarvuz

6. Onasidan kiyim – boshim,
Bolasidan moyli oshim.

Javobini ko'rish / yashirish

Paxta

7. Bir nechtadan ko`zi bor,
Olma kabi yuzi bor.

Javobini ko'rish / yashirish

Kartoshka

8. O`zi pillaga o`xshar,
Ichi tillaga o`xshar.

Javobini ko'rish / yashirish

Yeryong`oq

9. Suv tubida bor ekan tomchi,
Qanday tirik jon ekan – topchi.

Javobini ko'rish / yashirish

Amyoba

10. Maysa rangli mitti ko`zi,
Bor xivchini, bordir ko`zi.

Javobini ko'rish / yashirish

Yashil evglena

11. Suvga biroz pichan soldik ,
O`sha suvdan tomchi oldik.
Unda tirik jonni ko`rib,
Biz hammamiz hayron qoldik.

Javobini ko'rish / yashirish

Tufelka

12. Bir ozig`ga o`n xizmatkor,
Qanday o`lja unga darkor?

Javobini ko'rish / yashirish

Gidra

13. Soyabonga o`xshar tanasi,
Gar teginsang, chaqar ninasi.

Javobini ko'rish / yashirish

Meduza

14. Ichakda bor bir xivich.
Bo`yi rosa bir qarich.

Javobini ko'rish / yashirish

Askarida

15. O`n oyoqlab olg`a yurar,
Shoshar bo`lsa, ortga suzar.

Javobini ko'rish / yashirish

Qisqichbaqa

16. Bir otim bor ajabgina,
Dumlari bor, gajakkina.

Javobini ko'rish / yashirish

Chayon

17. To`ni zardan – yaltiroq,
Mo`ylovi mitti – taroq.
Chiroy berar yashil qanoti,
Qani top – chi , nimadir oti.

Javobini ko'rish / yashirish

Bronza qo`ng`izi

18. Qanoti gulga o`xshar,
Xartumi qilga o`xshar.

Javobini ko'rish / yashirish

Kapalak

19. Beli qilday,
Boshi xumday.

Javobini ko'rish / yashirish

Chumoli

20. Ildam – ildam
Sakrab o`tadi,
Tutay desam
Qochib ketadi.

Javobini ko'rish / yashirish

Burga

21. Is biladi, it emas,
O`zi kichik, bit emas.
Odamni xo`p talaydi,
Qon ichib, hech to`ymaydi.

Javobini ko'rish / yashirish

Burga

22. Tangasi bor, pul emas,
Qanoti bor, ucholmas.

Javobini ko'rish / yashirish

Baliq

23. Boshida bor baq – baqasi,
Tinim bermas vaq – vaqasi.

Javobini ko'rish / yashirish

Qurbaqa

24. Uzun – uzun iz qolgan
Zar ko`ylakli kim o`tgan.

Javobini ko'rish / yashirish

Ilon

25. Emaklagan toshni ko`rdim,
Toshdan chiqqan boshni ko`rdim.

Javobini ko'rish / yashirish

Toshbaqa

26. Pishirsa osh bo`lur,
Pishirmasa qush bo`lur.

Javobini ko'rish / yashirish

Tuxum

27. Bir qop un ichida ustun.

Javobini ko'rish / yashirish

jiyda

28. Qirq xujrada qizil qizlar.

Javobini ko'rish / yashirish

Anor

29. Ko`mir tosh ichida osh.

Javobini ko'rish / yashirish

Bodom

30. Kichkina qiz qo`lida bigiz.

Javobini ko'rish / yashirish

Sholi

31. Ko`k ko`ylakli xotin sariq
bola ko`targan.

Javobini ko'rish / yashirish

Jo`xori

32. Boshi oq qoshi qora

Javobini ko'rish / yashirish

Loviya

33. Ko`kka qarab tolmaydi ko`kdan ko`zin olmaydi.

Javobini ko'rish / yashirish

Kungaboqar

34. Uzun terak ichi kovak.

Javobini ko'rish / yashirish

Qamish

35. O`zi yo`qdek,
Ovozi o`qdek.

Javobini ko'rish / yashirish

Chivin

36. Yo`l – yo`l to`ni bor,
Odam qo`rqar turqi bor.

Javobini ko'rish / yashirish

Yo`lbars

37. Qanoti bor pati yo`q,
Suti bor – u tuyog`I yo`q.

Javobini ko'rish / yashirish

Ko`rshapalak

38. Tikan po`stin shalpang quloq,
O`sti ko`lrang osti oq.

Javobini ko'rish / yashirish

Tipratikon

39. Boshi bor – u sochi yo`q,
Ko`zi bor – u , qoshi yo`q.

Javobini ko'rish / yashirish

Baliq

40. Jang qiladi ikki polvon
Boshida qizil alvon.

Javobini ko'rish / yashirish

Xo`roz

41. Kichkina lo`li
Qorniga yetmaydi to`ni.

Javobini ko'rish / yashirish

Qo`ng`iz

42. Suv ostida bor bir teshik,
Teshikmas – ochiq ikki eshik.

Javobini ko'rish / yashirish

Baqa chanoq

43. Ko`p kiprikli, oyoqsiz
Shoxli ichak teshiksiz.

Javobini ko'rish / yashirish

Oq planariya

44. Og`zi bitta, qo`rg`ichi ikkita.

Javobini ko'rish / yashirish

Jigar qurti

45. Uzun tasma – ichaksiz,
To`rt qo`rg`ichli ilmoqsiz.

Javobini ko'rish / yashirish

Qoramol tasmasimon

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: