Mantiqiy savollar javoblari bilan 100 ta: qiziqarli va kulgili

Mantiqiy savollar, qiziqarli savollar, kulgili savollar, hazil savollar, zakovat savollari va albatta ularning javoblari – barchasi shu yerda!

Qisqacha: bu sahifada 100 ta mantiqiy savol javoblari bilan jamlangan: qiziqarli va kulgili savollar, zakovat savollari, matematik masalalar, boshqotirma va mantiqiy topishmoqlar. Javob yashirin berilgan: avval o‘zingiz o‘ylab ko‘ring.

Avvalroq, o‘quvchilar aqlini charxlaydigan qiziqarli va mantiqiy savollar to‘plamini javoblari bilan tayyorlab e’lon qilgan edim. Bu ko‘pchilikda katta qiziqish uyg‘otdi. Ushbu mantiqiy savol javoblarni keyinchalik mana bu yerda o‘qishingiz mumkin. Shuning uchun ham yana bir bor qiziqarli va mantiqiy savollar tayyorlashga qo‘l urdim. Savollardan do‘stlaringizni sinash uchun, turli bayram tadbirlarida ko‘tarinkilik kiritish uchun foydalansangiz bo‘ladi.
Hurmatli o‘quvchilar, ushbu mantiqiy savollar bir qarashda oson va oddiydek tuyulsada o‘ziga yarasha murakkabligiga ega. Savollarning javoblarini yashirin holda bermoqdaman, negaki, savolning javobini ko‘rishga shoshilmasdan o‘zingiz ham yechimini o‘ylab ko‘ring. Bilmagan savollaringizga javoblarni qancha ko‘p o‘ylasangiz shuncha zehningiz oshadi, xotirangiz mustahkamlanadi, aqliy faoliyatingiz rivojlanadi. Ushbu sahifada qiziqarli savollardan tashqari matematik masalalar, boshqotirmalar, mantiqiy topishmoqlar ham o‘rin olgan. Mantiqiy savollar javoblari bilan tanishish uchun shunchaki “Javobini ko‘rish / Yashirish” tugmasini bosing. Omad sizga yor bo‘lsin!

Savollarni ball bilan, test shaklida ishlamoqchi bo‘lsangiz, mantiqiy savollar testini sinab ko‘ring – har safar 1000 ta savoldan tasodifiy 10 tasi beriladi.

100 ta mantiqiy savol javoblari bilan: 1–25

1 U Geyms Kukda kichkina, Arnold Shvartsnegrda katta, Madonna va Kleopatrada umuman yo‘q, Rim papasida bor, lekin uni ishlatmaydi. Gap nima haqida ketyapti?

2. Finlyandiya, Norvegiya, Shvetsiyada yangi yil kuni uni sovg‘a qilishsa bilingki, sizga baxt va iliqlik istashayotgan bo‘ladi. Yunoniston va Ispaniyada u havf-xatar belgisi bo‘lgan. Haqiqatdan ham undan katta xavf bo‘lishi mumkin. Savol u nima?

3. Bu “mashina” umuman harakatlanish uchun mo‘ljallanmagan. Ammo butun dunyodagi ularning yurgan “yo‘lini” hisoblasak ular avtomobil va samolyot bosib o‘tgan masofadan ortib ketadi. Hammamiz ko‘rgan va ba’zilarimizda bor bo‘lgan bu “mashinaning” nomi nima?

4. L.N.Tolstoy maishiy turmushga bag‘ishlangan barcha asarlar, roman bo‘ladimi, film bo‘ladimi, qissa afsona bo‘ladimi voqealar rivojlanib borib u bilan tugaydi, hayotda esa aksincha hamma voqealar undan keyin boshlanadi degan. Mantiqiy o‘ylab aytingchi, L.N.Tolstoy nimani nazarda tutgan?

5. Kulgili savol: Qishloqqa kelgan sayyohlarni doim bir narsa ajablantirar ekan. U yerda telbaroq bir o‘spirin bo‘lib, sayyohlar unga 50 sentlik yaltiroq tanga yoki 5 dollarlik qog‘oz kupyuralardan birini olishni taklif qilishsa doim 50 sentlikni tanlar ekan. Holbuki, 50 sent 5 dollardan 10 barobar kam. Qiziq, telba o‘spirin nega doim 50 sentlik tangani tanlashi mumkin? Balki, bunga sababi border, juda telba ham emasdir?

6. Ukraina, Xitoy, Turkiya, Kanada kabi davlatlarda u 2 ta, O‘zbekiston, Rossiya, Frantsiya, Italiya kabi davlatlarda – 3 ta, Efiopiya, Surinam, Quvayt, Suriyada – 4 ta. Savol: Lixtenshteyn va Liviyada u nechta?

7. Har yili millionlab odamlar haj amalini bajarishadi. Makka shahriga bu tadbirni o‘tkazish uchun xavfsizlik masalalarida, xizmatkorlar, taksistlar va boshqa yollanma ishchilar jalb etiladi. Turkiya davlatidan bir kasb vakillaridan 30 minglab kishilar chaqiriladi. Savol: bu qaysi kasb vakillari va ular qanday ishni bajarishadi?

8. Qadimgi Rimliklarning fikricha, eng shafqatsiz xo‘jayinlar – ular. Savol: ular kimlar?

9. Qadimgi Yunonistonda papka ko‘targan kishilarni bir nom bilan atashganki biz ularni boshqacha nom bilan ataymiz. Savol: Yunon tilida papka ko‘targan kishilar bizda nima deb ataladi?

10. Psixologlarning fikricha qaysi oy eng shirin oy hisoblanadi?

11. 1943-yil, 27-noyabrda tobora kamayib borayotgan militsiya hodimlari uchun bir qaror chiqarishgan. Ushbu qaror tufayli militsiya hodimlari safi yana to‘ldirilgan. Savol: bu qanday qaror edi?

12. Bozorda ko‘rmaysiz, ko‘rsangiz ham olmaysiz, olsangiz ham kiymaysiz, kiysangiz ham ko‘rmaysiz. U — ?

13. Bir boyvachcha honim xizmatkoriga men o‘lsam boyligimni senga xatlab beraman deb aytadi. Honim xizmatkoriga yana bir gap aytadiki xizmatkor uni uzoq vaqt yashashini xohlaydi. Savol: mantiqiy fikrlab ko‘ring, xizmatkor nega honimni uzoq yashashini istagan?

14. Hazil savol: Eng ko‘p haqorat eshitadigan kishilar kimlar?

15. Amir Temur jang payti ularning o‘rni beqiyos, 100 ta mohir jangchi ham ularning o‘rnini bosa olmaydi deb aytganlar. Savol: Sohibqiron kimga ta’rif berganlar?

16. Antiqa savol: 1-b, 2-I, 3-u, 4-t, 5-b. Siz qolgan beshta harfni yozib bering.

17. Mantiqiy savol: Ali va Vali baliq ovlagani chiqishibdi. Ular o‘g‘illarini olvolishibdi. Vlining o‘g‘lini ismi Mirvali ekan. Ali 4 ta, Vali 3 ta, Mirvali 6 ta baliq tutibdi. Savol: Alining o‘g‘lini ismi nima?

18. Fransuzlarda “Tuxumdan olmagacha” degan ibora bor. Ular bu koni foyda ekani uchun ham bunga amal qilishadi. Savol: “Tuxumdan olmagacha” iborasida nima nazarda tutilmoqda?

19. Matematik masala: Qo‘lingizda bir xil kattalikdagi, bir xil rangli 9 ta shar bor. Sharlardan 1 tasi boshqalariga qaraganda biroz yengilroq. Ikki pallali tarozidan 2 marta foydalanib yengilroq sharni toping.

20. Qiziqarli fakt: u AQSHliklarda O. K. Y. tarzida berilsa yaponlarda Y. O. K. shaklida, bizda K. O. Y. ketma-ketlikda beriladi. Agar anglagan bo‘lsangiz nimaning ketma-ketligi keltirilmoqda?

— 21. U odamzod o‘zi uchun tuzib oladigan qora ro‘yhatda turadi, uning kattasi emas, ba’zan ko‘zga ko‘rinmaydiganlari havfliroq. Uning kattasimi, kichigimi har birimizda bor. Mantiqiy o‘ylab javobini toping.

22. Qo‘qon xonligi davrida mashhur Qo‘qon bozoriga vodiy bo‘ylab turli tomonlardan kishilar to‘planar edi. Qizig‘I bir xil mahsulotni bir xil miqdorda olib kelgan bo‘lsa ham sharq tomondan kelgan sotuvchiga 100 tanga, g‘arb tomonidan kelgan sotuvchiga esa 50 tanga soliq solingan. Savol: nega g‘arb tomondan kelgan sotuvchilarga ikki barobar kam soliq solingan?

23. Cho‘ponlar bozordan echki xarid qilayotganda uning qulog‘iga nazar solishar ekan. Aynan katta va uzun quloqli echkini tanlashar ekan. Savol: nega katta quloqli echki sotib olishadi?

24. Matematik masala. Bir mamlakat sultoni xazinasiga o‘z hukmdorligi ostidagi 12 viloyat noiblari keltirgan tilla tanga bilan to‘ldirilgan qoplarni yig‘ibdi. Kutilmaganda bir chopar halloslab kelib qolibdi va sultonga shunday debdi:
— Ey buyuk sulton, noiblaringizdan biri sizni sotdi. U yuborgan qop qalbaki tangalar bilan to‘ldirilgan. Ular tashqi ko‘rinishidan haqiqiysidan farq qilmaydi, faqat ularning og‘irligi haqiqiy tilla tanga kabi 10 gramm emas, 9 gramm. Sulton qaysi noib yuborgan qopni bir tortishda aniqlashga ahd qilibdi. Siz unga 1 marta tortishda qaysi qop qalbaki tangalar bilan to‘ldirilganligini aniqlashda yordam bera olasizmi?

25. Ingliz fermerlari sigirlarga ko‘proq tuz berish samarali ekan deyishmoqda. Tuzning qanday foydasi bo‘lishi mumkin deb o‘ylaysiz?

Qiziqarli mantiqiy savollar javoblari bilan: 26–50

26. Dehqonlar ekinlarni biroz kechroq ekishganda ustiga qora ko‘mir sepib qo‘yishar ekan. Savol: nega qora ko‘mir sepishlari kerak?

27. Aynan bir poytaxt shaharning ichida boshqa bir davlat joylashgan. Bu qaysi shahar va davlat?

28. Eng xotirasi past bo‘lgan kulrang olmaxonlar o‘rmondagi daraxtlar ko‘payishiga xissa qo‘shar ekan. Savol: Ular qanday qilib daraxtlar ko‘payishiga yordam beradi?

29. Qiziq savol: XIX asrlarda yevropada velosiped minish juda ommalashib ketadi. Velosiped bahona ayollarning azaliy orzularining ushalishi tezlashib ketadi. Savol: velosiped bahona ayollar qanday orzularini amalgam oshirib olishdi?

30. Geografiyadan savol: Bu poytaxt ikki shaharning birlashishidan tashkil topgan. Uning nomi ham ikki shahar nomining qo‘shilishidan paydo bo‘lgan. Bu qaysi shahar?

31. Tseylonda har bir oilaniki alohida o‘z hovlisida joylashgan, bizning yerlarda esa hammaniki umumiy. Savol: nima haqida gap ketmoqda?

32. Hazil savol: Nima uchun inson orqasiga qaraydi?

33. Matematik masala: Biro damning 500 so‘m puli bor edi. U 100 ta uy hayvoni olishi kerak. Ot – 50 so‘m, sigir – 10 so‘m, qo‘y – 1 so‘m. U hamma pulini ishlatib 100 ta hayvon sotib olish uchun qaysi hayvondan nechtadan olishi kerak?

34. Qadimgi Sparta ayollari erlari qabriga borganda o‘z vafodorliklarini belgisi sifatida bir kichkina idishda hech qayerda sotilmaydigan suyuqlik quyib kelishar ekan. Savol: qanday suyuqlik haqida gap ketmoqda?

35. Kuril orollarida yashovchi tub aholi juda qadimdan beri eulaxon balig‘ini tutib olishsa juda xursand bo‘lar ekan. Bu baliq ingichka va juda yog‘li baliq bo‘lib uni quritib olib qo‘yishar ekan. Savol: ular bu baliqdan nima maqsadda foydalanishlari mumkin?

36. Tarix fanidan savol: Qadimgi Sparta davlatida mast qiluvchi ichimliklarni ichish ta’qiqlangan edi. Qonunni buzganlar qattiq jazolangan, ammo baribir ichimlik ichish davom etavergan. Shundan so‘ng shafqatsiz buyruq e’lon qilingan. Savol: bu qanday buyruq edi?

37. Osiyoda juda taraqqiy etgan bu davlatning qadimiy poytaxti shohlar shahri edi. Bu poytaxtning hozirgi nomi shaharlar shohiga o‘zgargan. Qaysi davlat va shaharlar so‘ralmoqda?

38. Bolalr uchun savol: Suaxili tilini bilmaysiz, lekin u tildagi bir so‘zni mashhur multfilmdan ko‘p eshitganmiz va ishlatganmiz. Bu so‘zning ma’nosi havotirsiz yaxshi yashash degani. Bu qaysi so‘z?

39. Qiziq savol: Teatr aktyorlari bir narsadan juda qo‘rqishadi, hatto tushlariga kirsa o‘ngimda teskarisi bo‘ladi deb o‘zlarini yupatishadi. Chunki u aktyorlik ijrosiga ham salbiy ta’sir o‘tkazadi. Savol: teatr aktyorlari nimadan ko‘proq qo‘rqishadi?

40. Bolalar uchun mantiqiy savol:
18=2
19=1
68=3
17=0
Mantiqan o‘ylab ayting, teng qo‘yilgan sonlarni aniqlashda nima hisobga olingan?

41. Shunday bir tuyg‘u borki u oyoqlarga qanot berishi ham, oyoqlarni yerga kishanlashi ham mumkin. Savol: bu qaysi tuyg‘u?

42. Chalg‘ituvchi savol: Bir traktorchining ukasi bor ekan, ukasining akasi yo‘q ekan. Mantiqiy fikrlab savolning javobini izohlab bering.

43. Jiddiy savol: U eng arzon va eng qimmat mulk. Undan to‘g‘ri foydalanilsa dahoga aylanish mumkin. U nima?

44. VII-VIII asrlarda Eronda topilgan tarixiy hujjatda shunday majburiyatlar yozilgan edi: “Xudo nomi bilan qasam ichaman, uni sotmayman, qarz hisobiga qullikka ham, boshqalar himoyasiga ham bermayman” Savol: ushbu hujjatda qanday majburiyat zikr etilgan?

— 45. Mantiqiy savol: Bu ikki aka uka bir joyda tug‘ilgan. Yosh orasi ham uncha uzoq emas. Akasi 4 yil yashagan, ukasi akasidan 2 yil ko‘proq yashagan. Bu g‘alati mashhur aka ukalar nimalar?

46. Futbol fanatlari uchun savol. Italiyada shunday futbol maktablari borki, hujumchilar alohida, yarim himoyachilar alohida, himoyachilar alohida o‘qitiladi. Himoyachilar maktabida 1 yil faqat shunday narsa o‘rgatiladiki, bu narsani qilolmagan himoyachi boshqa mashg‘ulotlarga qo‘yilmaydi. Savol: nima ularga 1 yil o‘rgatiladi?

47. Tizza bo‘g‘imlari 4 ta bo‘lgan yagona sutemizuvchi hayvon qaysi?

48. Tarixdan savol: Aholini ro‘yhatga olish qadimgi misrdan boshlangan. Ular eramizdan avvalgi 3,5 ming yil avval bu ishni amalgam oshirganlar. Savol: aholini ro‘yhatga olishdan maqsad nima bo‘lgan?

49. Qiziqarli savol: Diyego, Manfrid va Sid qaysi “davrda” do‘stlashadi?

50. Buyuk Xitoy devorini qurishda mustahkam bo‘lish uchun tosh, tuproq va o‘sha narsani ishlatishgan. Savol: o‘sha narsa nima?

Zakovat va boshqotirma savollari: 51–75

51. Bir gap borki uni xursand odamga aytsangiz, hafa bo‘ladi, hafa bo‘lgan insonga aytsangiz xursand bo‘ladi. Bu qanday gap?

52. Adabiyot ixlosmandlari uchun mantiqiy savol. Alisher Navoiy shunday falsafiy fikrlar bitganlar:

“Halol va pok yashab komillikka erishmoq uchun yigitlik chog‘ida xarakat qilish zarur. Zero payti kelib o‘zing qo‘ygan nuqtalarga xomush termulib xotiralarga berilishingga to‘g‘ri keladi”.

Savol: o‘zing qo‘ygan nuqtalar deb nimaga shama qilingan?

53. Eng birinchi uning yorug‘ligi ko‘rinadi, so‘ng ovozi eshitiladi, so‘ng shamolini his qilasiz, ana undan keyingina o‘zi kirib keladi. Gap nima haqida ketmoqda?

54. Mashxur sayyox Jeyms Kuk Taiti va Yangi Zelandiya orollariga ikkinchi bor tashrif buyurganida o‘zi bilan qo‘y va cho‘chkalar olib boradi. 2 ta maksadi bor edi: birinchisi orolliklar turmush farovonligini oshirish, ikkinchisini siz o‘ylab ko‘ring.

55. Qisqa savol: Koreys tiliga poytaxt so‘zini tarjima qiling.

56. XIII asrda bu narsaga ehtiyoj sezila boshlagan. XII-XIII asrlarda universitetlarning ko‘payganligini bunga sabab sifatida keltirish mumkin. O‘sha vaqtgacha uni hech kim bilmagan. Savol: u nima?

57. Oson savol: Bir kishining 7 ta qizi bor. Qizlarning har birini bittadan akasi bor. Savol: u kishining nechta farzandi bor?

58. Hindistonda sigirni muqaddas jonzot deb ehtirom ko‘rsatishadi. Ular masofani o‘lchashda ham sigirdan foydalanishar ekan. Savol: hindlar masofani o‘lchashda sigirdan qanday qilib foydalanishi mumkin?

59. Oson savol: Qaysi qushning ko‘zlari miyasidan kattaroq bo‘ladi?

60. Matematik topishmoq: pastda turgan bir g‘oz osmonda uchib ketayotgan g‘ozlarga qarab “Hooy yuz g‘ozlar, meni ham olib ketinglar!” – debdi. Shunda osmondagi g‘ozlar “Biz 100 ta emasmiz, bizga bizcha, bizning yarmimizcha, yarmimizni yarmicha keyin sen qo‘shilsang 100 ta bo‘lamiz” – deyishibdi Osmondagi g‘ozlar nechta?

61. Sevimli shoir Erkin Vohidov ularni shunday ta’riflagan:

Ularda reja bor, ish bor, g‘ayrat bor,
Ular hordiq kun qilmaslar talab.
Dushanba boshlari og‘rimas nahot?
Kechikib kelmaslar ishga ertalab!

O‘zbekiston qahramoni Erkin Vohidov ular degandanimani ta’riflagan?

62. Qiziqarli savol: Yaqinda g‘arb matbuotida dunyodagi eng yoqimsiz budelniklar ro‘yxati e’lon qilindi. Bu ro‘yhatda 5- o‘rinni olgan budelnikni o‘chirish uchun siz krossvord yechishingizga to‘g‘ri keladi. 4- o‘rindagisi esa ertalab sizni har xil haqoratli so‘zlar bilan uyg‘otadi. 3- o‘rin mozayka budelnigiga nasib qildi. Tovuq shaklidagi budelnik 2- o‘rinni olgan bo‘lib, u ertalab bir nechta tuxum tug‘adi. Tuxumlarni yig‘ib joyiga qo‘ymaguningizcha tovuqning ovozi o‘chmaydi. 1- o‘rinni olgan budelnik ishga tushganidan so‘ng uni o‘chirish uchun ancha harakat qilishingizga to‘g‘ri keladi. Aslida uni o‘chirish unchalik qiyin ish emas, bitta tugmani bosish kifoya, lekin bu tugmani bosishdan oldin siz boshqa bir ishni qilishingiz talab qilinadi. Siz budelnikni o‘chirish uchun nima qilishingiz kerak?

63. Kembridj universiteti matematika o‘qituvchisi eng a’lochi talabaga bir ishi uchun yog‘och qoshiq berar edi. Aytingchi, qanday ishi uchun shunday qilardi?

— 64. Qiziqarli boshqotirma. Ikkita bir xil stakan. Ularning birida sut, ikkinchisida kofe. Ularning miqdori bir xil. Birinchi stakandan 1 qoshiq sut olib ikkinchi stakanga solindi va aralashtirildi, keyin ikkinchi stakandagi sut aralashgan kofedan bir qoshiq olib sut solingan stakanga quyildi va aralashtirildi. Savol: sutda kofe ko‘pmi, kofeda sut?

65. Geografiya fanidan savol: Uganda, Ekvador, Kolumbiya, Indoneziya, Somali, Kenya, Braziliya, Kongo. Bu davlatlarni bir narsa birlashtirib turadi. U nima?

66. Kulgili savol: Tuyaga qushning tuxumini bostirsa nima bo‘ladi?

67. Yuliy Sezar g‘animlar o‘qiy olmasligi uchun mahfiy maktublarini maxsus shrift bilan yozar edi. Mana maxsus shriftda yozilgan so‘zga namuna: nblubd. Shriftni tushunganlar bu so‘zni maktab deb o‘qishgan. Namunaga diqqat bilan qarab aytingchi, mahfiy shriftning qoidasi nima edi?

— 68. Topishmoq: Dengiz ham emas, yer ham emas. Unda kema ham suzmaydi, odam ham yurmaydi.

69. Bir podsho u bilan suhbatga kelgan kishilarni taxt oldidagi sherning ochiq og‘ziga qarab gapirishni talab qilgan. Mantiqiy o‘ylab aytingchi, shoh nega shunday yo‘l tutgan?

70. U qush o‘z qanotlari yordamida suv tagida suza oladi. Tezligi esa 10 m/s. Eng qizig‘i, u qush shuncha tez suzsa ham ucha olmaydi. Bu qaysi qush?

71. Nurotada bu narsa juda ham ko‘p. Bu narsaga quyidagicha nomlar ham qo‘yilgan: Mastak, Zuli, Zulfiqor, Mozor, Begli, Tayla, Maston. Nurotadagi bu nomlar nima narsaga qo‘yilgan?

72. Oddiy savol: Nimaning 5 ta barmog‘I bor, tirnoqlari yo‘q?

73. Sherlok Xolms va Doktor Vatson Londonning bir chekkasidagi qahvaxonaga kirishadi, chekkadagi stulga borib o‘tirishadi. Xolms qahvaxona xo‘jayiniga “Ilgari qahvaxonangizda to‘s-to‘polonlar bo‘lib turarmidi?” – deb so‘raydi. Xo‘jayin og‘zi ochilib buni qayerdan bildingiz deb so‘raydi. Xolms buni qayerdan bilgan edi?

74. Kulollar kattta-katta xumchalar yasaganda og‘iz qismini qalinroq, tub qismini yupqaroq qilib tayyorlashadi. Savol: nega tub qismi yupqaroq qilinadi?

— 75. Matematik boshqotirma. Qirg‘oqqa 2 yosh bola va 1 katta odam kelishdi. Ular daryoning u betiga o‘tibshlari kerak. Qirg‘oqda 1 ta qayiq bo‘lib u 2 yosh bolani yoki 1 odamni ko‘tara oladi xolos. Ular o‘ylab ko‘rib buning yechimini topishdi. Siz ham yechim izlab ko‘ring.

Kulgili va hazil mantiqiy savollar: 76–100

76. Vena opera teatri kiyim topshiradigan xonada sizga uzoqni yaxshi ko‘rsatadigan vosita va bepul xapdori (tabletka) taklif etishadi. Savol: xapdori nima vazifani bajaradi?

77. Ummon davlatida ayollarga mashina minish huquqi bir shar bilan ruxsat berilgan. Bu qanday shart?

78. Yunon faylasufi Diogen “Agar bo‘ysunmas, to‘polonchi qulim bo‘lsa uni jazolab Kolizeyga olib borib o‘tirmasdim.” Degan. Savol: faylasuf to‘polonchi qul hovurini bosib olish uchun qayerga jo‘natishni aytgan bo‘lishi mumkin?

79. Qiziqarli savol: Uning o‘rnida Sulaymon orollarida odamning bosh suyagi, Santa Krus orollarida qush patlaridan yasalgan 10 m. lik tasma, Tinch okeanidagi ba’zi orollarda 100 yil oldin diametric 4 m. lik bo‘lgan toshlar ishlatilgan. Savol: uning o‘rnida biz hozir nima ishlatamiz?

80. Tarix bo‘yicha savol: Buyuk sarkarda Iskandar Zulqarnaynning qo‘shinlari orasida maxsus 700 kishilik saralangan jangchilari bor edi. Ularning bir xislati tufayli raqib qo‘shinlari ular bilan jang qilishga qiynalishar edi. Savol: saralangan jangchilarning qanday xislati bor edi?

81. U dunyoda 3096 ta. Har yili ularning 14 tasi yo‘qolibketmoqda. Savol: u nima?

82. Shunday bir narsa borki u dastlab qo‘shiq kuylab, so‘ngra ko‘zyosh to‘kadi. Bu nima?

83. Tayland qonunlariga ko‘ra pul va tangalarni oyoq bilan bosish mumkin emas. Bunday ishni qilgan shaxslarga jarima solinadi. Bu qonun o‘ziga xos ma’noga ega. Savol: nima uchun bunday qonun chiqarilgan?

84. Qisqa savol: Nimaning 40 qulochi 1 gramga teng?

85. Bir yigit bor ekan. U kambag‘al bo‘lib uning farzandi yo‘q ekan.Bu ham yetmagandek otasining ko‘zlari ojiz ekan. Kunlarning birida unga farishta uchrabdi va bittagina tilagingni amalgam oshiraman debdi. Yigit bitta tilak bilan uchchala orzusiga ham yetibdi. Savol: u qanday tilak aytgan?

86. Uning qora, yashil, sariq, qizil turlari mavjud. U deyarli har bir honadonda bor. O‘zbekistonda uni qora va yashil turlarini ko‘p iste’mol qilishadi. Savol: u nima?

87. Dengizda kemalar bir-biriga ko‘ringanda qo‘l silkitib salomlashganday bo‘lishar ekan. Ba’zi kemalarda matroslar arqon ko‘rsatishar ekan. Savol: arqon ko‘rsatish bilan nima demoqchi bo‘lishadi?

88. Dunyoda o‘qitiladigan fanlar ko‘p. Har bir fan o‘z ma’nosiga ega. Qaysi fan “Donolikni sevaman” ma’nosini bildiradi?

89. Bu poytaxt shaharga o‘sha davlatning 1- prezidentining nomi berilgan. Bu qaysi shahar?

90. AQSH davlatining Xitoy respublikasiga sotadigan mahsulotlari orasida u 3- o‘rinda turar ekan. Bu AQSHga bir yilda 1 milliard 300 million dollar foyda keltirar ekan. Savol: qanday mahsulot (uni mahsulot deyish ham mushkul) haqida gap ketyapti?

91. Antiqa savol: Yaxudiylar fikricha, o‘g‘il bola tug‘ilsa tinchlik qaror topadi. Qiz bola tug‘ilsachi?

92. Yer yuzida shunday tarjimon borki, u xohlagan tilda gapiring, u gapingizni tarjima qilib tilingizda javob qaytara oladi. Mantiqiy o‘ylab ko‘ring, qanday tarjimon so‘ralmoqda?

93. O‘zbekiston, Urugvay, BAA, AQSH, Ukraina, Uganda. Bu davlatlarni ingliz tilini ishlatgan holda bog‘liqligini aniqlang.

94. Qaysi qizning otasi yo‘q, onasi yo‘q – bobosi bor?

95. Odatda odamning yuragi 1 ta bo‘ladi. Mantiqan o‘ylab aytingchi, qanday odamda yurak 2 ta bo‘ladi?

96. Bolalarga mos savol: G‘orda qaroqchilar qarorgohi bor edi. U yerga kirish uchun mahfiy parolni aytish kerak edi. 1 qaroqchi kelganda qo‘riqchi unga 1 dedi, qaroqchi 3 deb aytdi va ichkariga o‘tib ketdi. Boshqa bir qaroqchi kelganda qo‘riqchi unga 2 dedi va u 4 deb javob berdi, u ham to‘g‘ri aytgani uchun o‘tkazib yuborildi. Boshqa bir qo‘riqchiga 7 raqami berildi u esa 5 deb javob aytdi. Uning javobi ham to‘g‘ri edi. O‘ylab ko‘rib aytingchi, 1-3, 2-4, 5-3 raqamlari qanday mantiq asosida tuzilgan?

97. Boshlang‘ich sinf o‘quvchisi bu vazifani besh daqiqada, yuqori sinf o‘quvchisi o‘n besh daqiqada, oliygoh talabasi oltmish daqiqada yechadi, olim esa yecholmaydi. Mana o‘sha vazifa: “BIUTBOYeSTO‘” nimani bildiradi?

98. Bir kema halokatga uchrab birgina erkak kishi omon qolibdi. To‘lqinlar uni faqat ayollar yashaydigan orolga eltib tashlabdi. Erkak hushiga kelganda ayollar uni qurbonlik qilish uchun tayyorlanishayotgan ekan. Ular erkakka so‘nggi so‘zlarini aytishini taklif qilishibdi. U so‘nggi so‘zlarini aytgach ayollar uni o‘ldirish o‘rniga qayiq yasab, oziq-ovqatlar bilan ta’minlab qo‘yib yuborishibdi. Qiziq, erkak nima degan?

99. Qayerda ot ustidan ot sakrab o‘tishini ko‘rish mumkin?

100. Bir vaqtning o‘zida 2 uy yonmoqda, biri bdavlat kishiniki, ikkinchisi kambag‘al kishiniki. Qaysi uyni politsiya birinchi bo‘lib o‘chirishga shoshiladi?

Hozircha shular. Saytni tez-tez kuzatib turing. Yaqin kunlarda rasm ko‘rinishidagi mantiqiy savollar e’lon qilaman. Aziz do‘stim, sizda ham yangi mantiqiy va qiziqarli savollar bor bo‘lsa shu yerga yozib qoldirishingiz mumkin, javobini ko‘pchiliklashib birga topamiz.

Ko‘p beriladigan savollar

Mantiqiy savollarning javobini qanday ko‘raman?

Savol tagidagi “Javobini ko‘rish / Yashirish” tugmasini bosing.

Bu savollardan qayerda foydalanish mumkin?

Muallif savollardan do‘stlaringizni sinash va turli bayram tadbirlariga ko‘tarinkilik kiritish uchun foydalanishni tavsiya qiladi.

100 ta mantiqiy savol haqida ko‘p so‘raladigan savollar

Mantiqiy savollarning javobini qanday ko‘raman?

Har bir savol ostidagi “Javobini ko‘rish / Yashirish” tugmasini bosing. Avval o‘zingiz o‘ylab ko‘rsangiz, savol ancha qiziqarli bo‘ladi.

Bu savollar kimlar uchun?

Savollar o‘quvchilar, talabalar va kattalar uchun mos. Ularni dars yakunida, oilaviy davrada yoki do‘stlar bilan bellashuvda qo‘llash mumkin.

Natijamni qanday tekshiraman?

Bilimingizni ball bilan tekshirmoqchi bo‘lsangiz, onlayn mantiqiy test sahifasiga o‘ting: u yerda to‘g‘ri va noto‘g‘ri javoblaringiz soni ko‘rsatiladi.

Mavzuga doir:
Mantiqiy savollar javobi bilan 300 ta qiziqarli va hazil savollar

Yana 100 ta dahshatli mantiqiy savollar to‘plami tayyor!

Matematikaga oid mantiqiy savollar va masalalar to‘plami