Mantiqiy savollar javoblari bilan 100 ta, DAHSHAT!

Mantiqiy savollar, qiziqarli savollar, kulgili savollar, hazil savollar, zakovat savollari va albatta ularning javoblari – barchasi shu yerda!

Avvalroq, o’quvchilar aqlini charxlaydigan qiziqarli va mantiqiy savollar to’plamini javoblari bilan tayyorlab e’lon qilgan edim. Bu ko’pchilikda katta qiziqish uyg’otdi. Ushbu mantiqiy savol javoblarni keyinchalik mana bu yerda o’qishingiz mumkin. Shuning uchun ham yana bir bor qiziqarli va mantiqiy savollar tayyorlashga qo’l urdim. Savollardan do’stlaringizni sinash uchun, turli bayram tadbirlarida ko’tarinkilik kiritish uchun foydalansangiz bo’ladi.
Hurmatli o’quvchilar, ushbu mantiqiy savollar bir qarashda oson va oddiydek tuyulsada o’ziga yarasha murakkabligiga ega. Savollarning javoblarini yashirin holda bermoqdaman, negaki, savolning javobini ko’rishga shoshilmasdan o’zingiz ham yechimini o’ylab ko’ring. Bilmagan savollaringizga javoblarni qancha ko’p o’ylasangiz shuncha zehningiz oshadi, xotirangiz mustahkamlanadi, aqliy faoliyatingiz rivojlanadi. Ushbu sahifada qiziqarli savollardan tashqari matematik masalalar, boshqotirmalar, mantiqiy topishmoqlar ham o’rin olgan. Mantiqiy savollar javoblari bilan tanishish uchun shunchaki “Javobini ko’rish / Yashirish” tugmasini bosing. Omad sizga yor bo’lsin!

100 ta mantiqiy savollar javoblari bilan

1 U Geyms Kukda kichkina, Arnold Shvartsnegrda katta, Madonna va Kleopatrada umuman yo’q, Rim papasida bor, lekin uni ishlatmaydi. Gap nima haqida ketyapti?

2. Finlyandiya, Nоrvegiya, Shvetsiyada yangi yil kuni uni sоvg’a qilishsa bilingki, sizga baxt va iliqlik istashayоtgan bõladi. Yunоnistоn va Ispaniyada u havf-xatar belgisi bõlgan. Haqiqatdan ham undan katta xavf bõlishi mumkin. Savоl u nima?

3. Bu “mashina” umuman harakatlanish uchun mo’ljallanmagan. Ammo butun dunyodagi ularning yurgan “yo’lini” hisoblasak ular avtomobil va samolyot bosib o’tgan masofadan ortib ketadi. Hammamiz ko’rgan va ba’zilarimizda bor bo’lgan bu “mashinaning” nomi nima?

4. L.N.Tolstoy maishiy turmushga bag’ishlangan barcha asarlar, roman bo’ladimi, film bo’ladimi, qissa afsona bo’ladimi voqealar rivojlanib borib u bilan tugaydi, hayotda esa aksincha hamma voqealar undan keyin boshlanadi degan. Mantiqiy o’ylab aytingchi, L.N.Tolstoy nimani nazarda tutgan?

5. Kulgili savol: Qishloqqa kelgan sayyohlarni doim bir narsa ajablantirar ekan. U yerda telbaroq bir o’spirin bo’lib, sayyohlar unga 50 sentlik yaltiroq tanga yoki 5 dollarlik qog’oz kupyuralardan birini olishni taklif qilishsa doim 50 sentlikni tanlar ekan. Holbuki, 50 sent 5 dollardan 10 barobar kam. Qiziq, telba o’spirin nega doim 50 sentlik tangani tanlashi mumkin? Balki, bunga sababi border, juda telba ham emasdir?

Javobini ko’rish / Yashirish
javob oddiy: u bolani telba deb bo’lmaydi. Sabab qisqacha qilib aytganda agar 5 dollarlik kupyurani olganda odamlar uni sog’lom deb boshqa pul berishmasdi.

6. Ukraina, Xitoy, Turkiya, Kanada kabi davlatlarda u 2 ta, O’zbekistоn, Rоssiya, Frantsiya, Italiya kabi davlatlarda – 3 ta, Efiоpiya, Surinam, Quvayt, Suriyada – 4 ta. Savоl: Lixtenshteyn va Liviyada u nechta?

Javobini ko’rish / Yashirish
1 ta. Davlat bayrog’idagi ranglar soni

7. Har yili millionlab odamlar haj amalini bajarishadi. Makka shahriga bu tadbirni o’tkazish uchun xavfsizlik masalalarida, xizmatkorlar, taksistlar va boshqa yollanma ishchilar jalb etiladi. Turkiya davlatidan bir kasb vakillaridan 30 minglab kishilar chaqiriladi. Savol: bu qaysi kasb vakillari va ular qanday ishni bajarishadi?

Javobini ko’rish / Yashirish
Qassoblar, ular qurbonlikka atalgan qo’ylarni so’yadilar.

8. Qadimgi Rimliklarning fikricha, eng shafqatsiz xo’jayinlar – ular. Savol: ular kimlar?

9. Qadimgi Yunonistonda papka ko’targan kishilarni bir nom bilan atashganki biz ularni boshqacha nom bilan ataymiz. Savol: Yunon tilida papka ko’targan kishilar bizda nima deb ataladi?

Javobini ko’rish / Yashirish
Buxgalter. Bu so’z yunon tilida papka ko’targan kishi ma’nosini bildiradi.

10. Psixologlarning fikricha qaysi oy eng shirin oy hisoblanadi?

11. 1943-yil, 27-noyabrda tobora kamayib borayotgan militsiya hodimlari uchun bir qaror chiqarishgan. Ushbu qaror tufayli militsiya hodimlari safi yana to’ldirilgan. Savol: bu qanday qaror edi?

Javobini ko’rish / Yashirish
II jahon urushiga militsiya hodimlari safarbar qilingani bois shu kundan boshlab ayol kishilar ham militsiya organiga ishga qabul qilina boshlangan.

12. Bozorda ko’rmaysiz, ko’rsangiz ham olmaysiz, olsangiz ham kiymaysiz, kiysangiz ham ko’rmaysiz. U – ?

13. Bir boyvachcha honim xizmatkoriga men o’lsam boyligimni senga xatlab beraman deb aytadi. Honim xizmatkoriga yana bir gap aytadiki xizmatkor uni uzoq vaqt yashashini xohlaydi. Savol: mantiqiy fikrlab ko’ring, xizmatkor nega honimni uzoq yashashini istagan?

Javobini ko’rish / Yashirish
Boyvachcha honim xizmatkorga qancha yashasam boyligimning shuncha foizi seniki deb aytgan bo’ladi.

14. Hazil savol: Eng ko’p haqorat eshitadigan kishilar kimlar?

15. Amir Temur jang payti ularning o’rni beqiyos, 100 ta mohir jangchi ham ularning o’rnini bosa olmaydi deb aytganlar. Savol: Sohibqiron kimga ta’rif berganlar?

16. Antiqa savol: 1-b, 2-I, 3-u, 4-t, 5-b. Siz qolgan beshta harfni yozib bering.

Javobini ko’rish / Yashirish
6-o, 7-y, 8-s, 9-t, 10-o’. Izoh: bu raqamlarning birinchi harfi edi.

17. Mantiqiy savol: Ali va Vali baliq ovlagani chiqishibdi. Ular o’g’illarini olvolishibdi. Vlining o’g’lini ismi Mirvali ekan. Ali 4 ta, Vali 3 ta, Mirvali 6 ta baliq tutibdi. Savol: Alining o’g’lini ismi nima?

Javobini ko’rish / Yashirish
Alining o’g’lini ismi Vali! Mirvali Valining o’g’li Vali esa Alining o’g’li.

18. Fransuzlarda “Tuxumdan olmagacha” degan ibora bor. Ular bu koni foyda ekani uchun ham bunga amal qilishadi. Savol: “Tuxumdan olmagacha” iborasida nima nazarda tutilmoqda?

Javobini ko’rish / Yashirish
Tushlikni tuxumdan boshlab olmada tugatish kerak.

19. Matematik masala: Qo’lingizda bir xil kattalikdagi, bir xil rangli 9 ta shar bor. Sharlardan 1 tasi boshqalariga qaraganda biroz yengilroq. Ikki pallali tarozidan 2 marta foydalanib yengilroq sharni toping.

Javobini ko’rish / Yashirish
Dastlab, tarozining ikki pallasiga 3 tadan shar qo’yiladi. Qaysi tomon yengilroq chiqsa shu palladagi sharlardan biri yengilroq bo’ladi. Tarozining ikki pallasi teng chiqsa taroziga qo’yilmagan 3 sharlar orasida yengilroq shar bor. Endi tarozidan ikkinchi marta foydalanib biz topgan 3 shardan 2 tasini tarozi pallasiga qo’yamiz. Qaysi palla yengil chiqsa sharni topgan bo’lamiz, ikkisi ham teng chiqsa qo’ymagan sharimiz eng yengili bo’ladi.

20. Qiziqarli fakt: u AQSHliklarda O. K. Y. tarzida berilsa yaponlarda Y. O. K. shaklida, bizda K. O. Y. ketma-ketlikda beriladi. Agar anglagan bo’lsangiz nimaning ketma-ketligi keltirilmoqda?

– 21. U odamzod o’zi uchun tuzib oladigan qora ro’yhatda turadi, uning kattasi emas, ba’zan ko’zga ko’rinmaydiganlari havfliroq. Uning kattasimi, kichigimi har birimizda bor. Mantiqiy o’ylab javobini toping.

22. Qo’qon xonligi davrida mashhur Qo’qon bozoriga vodiy bo’ylab turli tomonlardan kishilar to’planar edi. Qizig’I bir xil mahsulotni bir xil miqdorda olib kelgan bo’lsa ham sharq tomondan kelgan sotuvchiga 100 tanga, g’arb tomonidan kelgan sotuvchiga esa 50 tanga soliq solingan. Savol: nega g’arb tomondan kelgan sotuvchilarga ikki barobar kam soliq solingan?

Javobini ko’rish / Yashirish
G’arb tomondan kelgan sotuvchilarga kelayotganlarida ham, ketayotganlarida ham ko’zlariga quyosh tushib turishini hisobga olib ulardan kam haq olingan.

23. Cho’ponlar bozordan echki xarid qilayotganda uning qulog’iga nazar solishar ekan. Aynan katta va uzun quloqli echkini tanlashar ekan. Savol: nega katta quloqli echki sotib olishadi?

Javobini ko’rish / Yashirish
Egiz tug’adigan echkilarning qulog’I katta bo’lar ekan.

24. Matematik masala. Bir mamlakat sultoni xazinasiga o’z hukmdorligi ostidagi 12 viloyat noiblari keltirgan tilla tanga bilan to’ldirilgan qoplarni yig’ibdi. Kutilmaganda bir chopar halloslab kelib qolibdi va sultonga shunday debdi:
– Ey buyuk sulton, noiblaringizdan biri sizni sotdi. U yuborgan qop qalbaki tangalar bilan to’ldirilgan. Ular tashqi ko’rinishidan haqiqiysidan farq qilmaydi, faqat ularning og’irligi haqiqiy tilla tanga kabi 10 gramm emas, 9 gramm. Sulton qaysi noib yuborgan qopni bir tortishda aniqlashga ahd qilibdi. Siz unga 1 marta tortishda qaysi qop qalbaki tangalar bilan to’ldirilganligini aniqlashda yordam bera olasizmi?

Javobini ko’rish / Yashirish
Sulton har bir qopdan qopning raqamiga ko’ra har xil miqdorda tangalar oladi, ya’ni 1-qopdan – 1 ta, 2- qopdan – 2 ta, 3- qopdan 3 ta … 12- qopdan – 12 ta. Shundan so’ng olingan tangalarning og’irliginitortib ko’radi. Umumiy og’irlikdan necha gramm kam bo’lsa shu raqamdagi qopda qalbaki tangalar bo’ladi 5 gramm kam bo’lsa 5- qop, 10 gramm kam bo’lsa 10- qop.

25. Ingliz fermerlari sigirlarga ko’proq tuz berish samarali ekan deyishmoqda. Tuzning qanday foydasi bo’lishi mumkin deb o’ylaysiz?

Javobini ko’rish / Yashirish
Tuz yegan sigirlar ko’p suv ichadi, ko’p suv ichsa ko’p sut beradi.

26. Dehqonlar ekinlarni biroz kechroq ekishganda ustiga qora ko’mir sepib qo’yishar ekan. Savol: nega qora ko’mir sepishlari kerak?

Javobini ko’rish / Yashirish
Qora yer quyosh nurini ko’proq oladi, ekinlar yetib olishi uchun shundayqilishadi.

27. Aynan bir poytaxt shaharning ichida boshqa bir davlat joylashgan. Bu qaysi shahar va davlat?

Javobini ko’rish / Yashirish
Italiya poytaxti Rim va unda joylashgan davlat Vatikan

28. Eng xotirasi past bo’lgan kulrang olmaxonlar o’rmondagi daraxtlar ko’payishiga xissa qo’shar ekan. Savol: Ular qanday qilib daraxtlar ko’payishiga yordam beradi?

Javobini ko’rish / Yashirish
Ular daraxt mevalarini yer tagiga ko’mib qo’yishadi va qayerga ko’mganliklarini eslay olishmaydi. Mevalar urug’lab ulardan nihollar o’sib chiqa boshlaydi.

29. Qiziq savol: XIX asrlarda yevropada velosiped minish juda ommalashib ketadi. Velosiped bahona ayollarning azaliy orzularining ushalishi tezlashib ketadi. Savol: velosiped bahona ayollar qanday orzularini amalgam oshirib olishdi?

30. Geografiyadan savol: Bu poytaxt ikki shaharning birlashishidan tashkil topgan. Uning nomi ham ikki shahar nomining qo’shilishidan paydo bo’lgan. Bu qaysi shahar?

31. Tseylonda har bir oilaniki alohida o’z hovlisida joylashgan, bizning yerlarda esa hammaniki umumiy. Savol: nima haqida gap ketmoqda?

32. Hazil savol: Nima uchun inson orqasiga qaraydi?

Javobini ko’rish / Yashirish
Chunki, orqasida ko’zi yo’q.

33. Matematik masala: Biro damning 500 so’m puli bor edi. U 100 ta uy hayvoni olishi kerak. Ot – 50 so’m, sigir – 10 so’m, qo’y – 1 so’m. U hamma pulini ishlatib 100 ta hayvon sotib olish uchun qaysi hayvondan nechtadan olishi kerak?

Javobini ko’rish / Yashirish
Ot 1 ta 50+ sigir 39 ta 390+ qo’y 60 ta 60 so’m = 100 ta 500 so’m.

34. Qadimgi Sparta ayollari erlari qabriga borganda o’z vafodorliklarini belgisi sifatida bir kichkina idishda hech qayerda sotilmaydigan suyuqlik quyib kelishar ekan. Savol: qanday suyuqlik haqida gap ketmoqda?

35. Kuril orollarida yashovchi tub aholi juda qadimdan beri eulaxon balig’ini tutib olishsa juda xursand bo’lar ekan. Bu baliq ingichka va juda yog’li baliq bo’lib uni quritib olib qo’yishar ekan. Savol: ular bu baliqdan nima maqsadda foydalanishlari mumkin?

Javobini ko’rish / Yashirish
Buni qarangki bu baliq o’ta yog’li ekani uchun quritilgandan so’ng undan sham sifatida foydalansa bo’lar ekan.

36. Tarix fanidan savol: Qadimgi Sparta davlatida mast qiluvchi ichimliklarni ichish ta’qiqlangan edi. Qonunni buzganlar qattiq jazolangan, ammo baribir ichimlik ichish davom etavergan. Shundan so’ng shafqatsiz buyruq e’lon qilingan. Savol: bu qanday buyruq edi?

Javobini ko’rish / Yashirish
Barcha tokzorlarni buzib tashlash buyrug’i

37. Osiyoda juda taraqqiy etgan bu davlatning qadimiy poytaxti shohlar shahri edi. Bu poytaxtning hozirgi nomi shaharlar shohiga o’zgargan. Qaysi davlat va shaharlar so’ralmoqda?

Javobini ko’rish / Yashirish
Yaponiya. Bu davlatning poytaxti dastlab Kioto, ya’ni kio – shoh, to – shahar – shoh shahri edi, hozirgi nomi Tokio bilganingizdek shaharlar shohi bo’lib o’zgargan.

38. Bolalr uchun savol: Suaxili tilini bilmaysiz, lekin u tildagi bir so’zni mashhur multfilmdan ko’p eshitganmiz va ishlatganmiz. Bu so’zning ma’nosi havotirsiz yaxshi yashash degani. Bu qaysi so’z?

39. Qiziq savol: Teatr aktyorlari bir narsadan juda qo’rqishadi, hatto tushlariga kirsa o’ngimda teskarisi bo’ladi deb o’zlarini yupatishadi. Chunki u aktyorlik ijrosiga ham salbiy ta’sir o’tkazadi. Savol: teatr aktyorlari nimadan ko’proq qo’rqishadi?

Javobini ko’rish / Yashirish
Bo’m-bo’sh zaldan

40. Bolalar uchun mantiqiy savol:
18=2
19=1
68=3
17=0
Mantiqan o’ylab ayting, teng qo’yilgan sonlarni aniqlashda nima hisobga olingan?

Javobini ko’rish / Yashirish
Raqamdagi teshiklar, ya’ni 18 raqamida 2 ta teshik, 68 raqamida 3 ta teshik va hokazo.

41. Shunday bir tuyg’u borki u oyoqlarga qanot berishi ham, oyoqlarni yerga kishanlashi ham mumkin. Savol: bu qaysi tuyg’u?

42. Chalg’ituvchi savol: Bir traktorchining ukasi bor ekan, ukasining akasi yo’q ekan. Mantiqiy fikrlab savolning javobini izohlab bering.

Javobini ko’rish / Yashirish
Traktorchi ayol kishi edi

43. Jiddiy savol: U eng arzon va eng qimmat mulk. Undan to’g’ri foydalanilsa dahoga aylanish mumkin. U nima?

44. VII-VIII asrlarda Eronda topilgan tarixiy hujjatda shunday majburiyatlar yozilgan edi: “Xudo nomi bilan qasam ichaman, uni sotmayman, qarz hisobiga qullikka ham, boshqalar himoyasiga ham bermayman” Savol: ushbu hujjatda qanday majburiyat zikr etilgan?

Javobini ko’rish / Yashirish
Erning xotin oldidagi majburiyati

– 45. Mantiqiy savol: Bu ikki aka uka bir joyda tug’ilgan. Yosh orasi ham uncha uzoq emas. Akasi 4 yil yashagan, ukasi akasidan 2 yil ko’proq yashagan. Bu g’alati mashhur aka ukalar nimalar?

Javobini ko’rish / Yashirish
I va II jahon urushi

46. Futbol fanatlari uchun savol. Italiyada shunday futbol maktablari borki, hujumchilar alohida, yarim himoyachilar alohida, himoyachilar alohida o’qitiladi. Himoyachilar maktabida 1 yil faqat shunday narsa o’rgatiladiki, bu narsani qilolmagan himoyachi boshqa mashg’ulotlarga qo’yilmaydi. Savol: nima ularga 1 yil o’rgatiladi?

Javobini ko’rish / Yashirish
Raqibni sun’iy o’yindan tashqari holatda qoldirish

47. Tizza bo’g’imlari 4 ta bo’lgan yagona sutemizuvchi hayvon qaysi?

48. Tarixdan savol: Aholini ro’yhatga olish qadimgi misrdan boshlangan. Ular eramizdan avvalgi 3,5 ming yil avval bu ishni amalgam oshirganlar. Savol: aholini ro’yhatga olishdan maqsad nima bo’lgan?

Javobini ko’rish / Yashirish
Ular zaxiradagi lashkarlar sonini aniqlash uchun bu ishni qilganlar.

49. Qiziqarli savol: Diyego, Manfrid va Sid qaysi “davrda” do’stlashadi?

50. Buyuk Xitoy devorini qurishda mustahkam bo’lish uchun tosh, tuproq va o’sha narsani ishlatishgan. Savol: o’sha narsa nima?

Javobini ko’rish / Yashirish
Qaynatilgan guruch suvi. U yopishqoq bo’lib devorning mustahkam bo’lishiga sabab bo’lar ekan.

51. Bir gap borki uni xursand odamga aytsangiz, hafa bo’ladi, hafa bo’lgan insonga aytsangiz xursand bo’ladi. Bu qanday gap?

Javobini ko’rish / Yashirish
Bu kunlar ham o’tib ketadi.

52. Adabiyot ixlosmandlari uchun mantiqiy savol. Alisher Navoiy shunday falsafiy fikrlar bitganlar:

“Halol va pok yashab komillikka erishmoq uchun yigitllik chog’ida xarakat qilish zarur. Zero payti kelib o’zing qo’ygan nuqtalarga xomush termulib xotiralarga berilishingga to’g’ri keladi”.

Savol: o’zing qo’ygan nuqtalar deb nimaga shama qilingan?

Javobini ko’rish / Yashirish
Hazrat Navoiy hassani umr yo’liga nuqtalar qo’yuvchi vosita deb ta’riflaganlar.

53. Eng birinchi uning yorug’ligi ko’rinadi, so’ng ovozi eshitiladi, so’ng shamolini his qilasiz, ana undan keyingina o’zi kirib keladi. Gap nima haqida ketmoqda?

Javobini ko’rish / Yashirish
Metroning bekatga kirib kelishi.

54. Mashxur sayyоx Jeyms Kuk Taiti va Yangi Zelandiya оrоllariga ikkinchi bоr tashrif buyurganida o’zi bilan qo’y va cho’chkalar оlib bоradi. 2 ta maksadi bоr edi: birinchisi оrоlliklar turmush farоvоnligini оshirish, ikkinchisini siz o’ylab ko’ring.

Javobini ko’rish / Yashirish
Sayohatchi birinchi bor kelganda orolliklar bir-birlarini go’shtini yeyishayotganini guvohi bo’ladi. Uning ikkinchi maqsadi orolliklarni qo’y go’shtini yeyishga o’rgatib odamlarni ezgulikka boshlamoqchi bo’lgan.

55. Qisqa savol: Koreys tiliga poytaxt so’zini tarjima qiling.

56. XIII asrda bu narsaga ehtiyoj sezila boshlagan. XII-XIII asrlarda universitetlarning ko’payganligini bunga sabab sifatida keltirish mumkin. O’sha vaqtgacha uni hech kim bilmagan. Savol: u nima?

57. Oson savol: Bir kishining 7 ta qizi bor. Qizlarning har birini bittadan akasi bor. Savol: u kishining nechta farzandi bor?

Javobini ko’rish / Yashirish
U kishining 8 ta farzandi bor. Kattasi o’g’il 7 ta qizga aka bo’ladi.

58. Hindistonda sigirni muqaddas jonzot deb ehtirom ko’rsatishadi. Ular masofani o’lchashda ham sigirdan foydalanishar ekan. Savol: hindlar masofani o’lchashda sigirdan qanday qilib foydalanishi mumkin?

Javobini ko’rish / Yashirish
Hindlar uchun Sigirni ovozi yetadigan joy 1 “Mu” ga teng ekan.

59. Oson savol: Qaysi qushning ko’zlari miyasidan kattaroq bo’ladi?

60. Matematik topishmoq: pastda turgan bir g’oz osmonda uchib ketayotgan g’ozlarga qarab “Hooy yuz g’ozlar, meni ham olib ketinglar!” – debdi. Shunda osmondagi g’ozlar “Biz 100 ta emasmiz, bizga bizcha, bizning yarmimizcha, yarmimizni yarmicha keyin sen qo’shilsang 100 ta bo’lamiz” – deyishibdi Osmondagi g’ozlar nechta?

Javobini ko’rish / Yashirish
Osmonda 36 ta g’oz bo’lgan. 36+36+18+9+1 =100

61. Sevimli shoir Erkin Vohidov ularni shunday ta’riflagan:

Ularda reja bor, ish bor, g’ayrat bor,
Ular hordiq kun qilmaslar talab.
Dushanba boshlari og’rimas nahot?
Kechikib kelmaslar ishga ertalab!

O’zbekiston qahramoni Erkin Vohidov ular degandanimani ta’riflagan?

Javobini ko’rish / Yashirish
Ushbu she’rning nomi “Temirtan” edi, ular deb robotlar ta’riflangan.

62. Qiziqarli savol: Yaqinda g’arb matbuotida dunyodagi eng yoqimsiz budelniklar ro’yxati e’lon qilindi. Bu ro’yhatda 5- o’rinni olgan budelnikni o’chirish uchun siz krossvord yechishingizga to’g’ri keladi. 4- o’rindagisi esa ertalab sizni har xil haqoratli so’zlar bilan uyg’otadi. 3- o’rin mozayka budelnigiga nasib qildi. Tovuq shaklidagi budelnik 2- o’rinni olgan bo’lib, u ertalab bir nechta tuxum tug’adi. Tuxumlarni yig’ib joyiga qo’ymaguningizcha tovuqning ovozi o’chmaydi. 1- o’rinni olgan budelnik ishga tushganidan so’ng uni o’chirish uchun ancha harakat qilishingizga to’g’ri keladi. Aslida uni o’chirish unchalik qiyin ish emas, bitta tugmani bosish kifoya, lekin bu tugmani bosishdan oldin siz boshqa bir ishni qilishingiz talab qilinadi. Siz budelnikni o’chirish uchun nima qilishingiz kerak?

Javobini ko’rish / Yashirish
Budelnikni qidirib toppish kerak. Chunki, u ishga tushishi bilan qochib ketib berkinib oladi.

63. Kembridj universiteti matematika o’qituvchisi eng a’lochi talabaga bir ishi uchun yog’och qoshiq berar edi. Aytingchi, qanday ishi uchun shunday qilardi?

Javobini ko’rish / Yashirish
Past baho olsa uyaltirish uchun yog’och qoshiq berardi.

– 64. Qiziqarli boshqotirma. Ikkita bir xil stakan. Ularning birida sut, ikkinchisida kofe. Ularning miqdori bir xil. Birinchi stakandan 1 qoshiq sut olib ikkinchi stakanga solindi va aralashtirildi, keyin ikkinchi stakandagi sut aralashgan kofedan bir qoshiq olib sut solingan stakanga quyildi va aralashtirildi. Savol: sutda kofe ko’pmi, kofeda sut?

Javobini ko’rish / Yashirish
Har ikkisida ham miqdor teng.

65. Geografiya fanidan savol: Uganda, Ekvador, Kolumbiya, Indoneziya, Somali, Kenya, Braziliya, Kongo. Bu davlatlarni bir narsa birlashtirib turadi. U nima?

Javobini ko’rish / Yashirish
Bu mamlakatlar ekvatorda joylashgan.

66. Kulgili savol: Tuyaga qushning tuxumini bostirsa nima bo’ladi?

67. Yuliy Sezar g’animlar o’qiy olmasligi uchun mahfiy maktublarini maxsus shrift bilan yozar edi. Mana maxsus shriftda yozilgan so’zga namuna: nblubd. Shriftni tushunganlar bu so’zni maktab deb o’qishgan. Namunaga diqqat bilan qarab aytingchi, mahfiy shriftning qoidasi nima edi?

Javobini ko’rish / Yashirish
Ushbu mahfiy shriftning qoidasi so’z yozishda har bir harfning o’zini emas, o’zidan keyin keladigan harfni yozish edi.

– 68. Topishmoq: Dengiz ham emas, yer ham emas. Unda kema ham suzmaydi, odam ham yurmaydi.

69. Bir podsho u bilan suhbatga kelgan kishilarni taxt oldidagi sherning ochiq og’ziga qarab gapirishni talab qilgan. Mantiqiy o’ylab aytingchi, shoh nega shunday yo’l tutgan?

Javobini ko’rish / Yashirish
Shohning qulog’I og’ir bo’lgan. Sher unga rupоr vazifasini bajargan.

70. U qush o’z qanotlari yordamida suv tagida suza oladi. Tezligi esa 10 m/s. Eng qizig’I, u qush shuncha tez suzsa ham ucha olmaydi. Bu qaysi qush?

71. Nurotada bu narsa juda ham ko’p. Bu narsaga quyidagicha nomlar ham qo’yilgan: Mastak, Zuli, Zulfiqor, Mozor, Begli, Tayla, Maston. Nurotadagi bu nomlar nima narsaga qo’yilgan?

72. Oddiy savol: Nimaning 5 ta barmog’I bor, tirnoqlari yo’q?

73. Sherlok Xolms va Doktor Vatson Londonning bir chekkasidagi qahvaxonaga kirishadi, chekkadagi stulga borib o’tirishadi. Xolms qahvaxona xo’jayiniga “Ilgari qahvaxonangizda to’s-to’polonlar bo’lib turarmidi?” – deb so’raydi. Xo’jayin og’zi ochilib buni qayerdan bildingiz deb so’raydi. Xolms buni qayerdan bilgan edi?

Javobini ko’rish / Yashirish
Xolms o’tirgan stulini surmoqchi bo’lganda uni polga qotirib tashlanganini bilgach, ko’p to’polonlarda stullari sinishidan to’ygan xo’jayinning stullarni yerga qotirib tashlaganini fahmlaydi.

74. Kulollar kattta-katta xumchalar yasaganda og’iz qismini qalinroq, tub qismini yupqaroq qilib tayyorlashadi. Savol: nega tub qismi yupqaroq qilinadi?

Javobini ko’rish / Yashirish
Xumchalar olovda ko’p toblanadi, og’iz qismi yorilib ketmasligi uchun qalinroq qilinadi.

– 75. Matematik boshqotirma. Qirg’oqqa 2 yosh bola va 1 katta odam kelishdi. Ular daryoning u betiga o’tibshlari kerak. Qirg’oqda 1 ta qayiq bo’lib u 2 yosh bolani yoki 1 odamni ko’tara oladi xolos. Ular o’ylab ko’rib buning yechimini topishdi. Siz ham yechim izlab ko’ring.

Javobini ko’rish / Yashirish
Dastlab 2 yosh bola o’tadi, ulardan biri ortiga qaytadi, keyin katta odam o’tadi, u yerdagi 1 yosh bola qaytib kelib sherigi bilan yana o’tadi.

76. Vena opera teatri kiyim topshiradigan xonada sizga uzoqni yaxshi ko’rsatadigan vosita va bepul xapdori (tabletka) taklif etishadi. Savol: xapdori nima vazifani bajaradi?

Javobini ko’rish / Yashirish
Opera teatri tinch va ortiqcha ovozsiz tashkil etiladi. Xapdori yo’tal tutganda oldini olish, kishini tinchlantirish uchun kerak bo’ladi.

77. Ummon davlatida ayollarga mashina minish huquqi bir shar bilan ruxsat berilgan. Bu qanday shart?

Javobini ko’rish / Yashirish
Yo’lovchi sifatida faqat ayol kishini olish kerak.

78. Yunon faylasufi Diogen “Agar bo’ysunmas, to’polonchi qulim bo’lsa uni jazolab Kolizeyga olib borib o’tirmasdim.” Degan. Savol: faylasuf to’polonchi qul hovurini bosib olish uchun qayerga jo’natishni aytgan bo’lishi mumkin?

Javobini ko’rish / Yashirish
Olimpiya o’yinlariga

79. Qiziqarli savol: Uning o’rnida Sulaymon orollarida odamning bosh suyagi, Santa Krus orollarida qush patlaridan yasalgan 10 m. lik tasma, Tinch okeanidagi ba’zi orollarda 100 yil oldin diametric 4 m. lik bo’lgan toshlar ishlatilgan. Savol: uning o’rnida biz hozir nima ishlatamiz?

80. Tarix bo’yicha savol: Buyuk sarkarda Iskandar Zulqarnaynning qo’shinlari orasida maxsus 700 kishilik saralangan jangchilari bor edi. Ularning bir xislati tufayli raqib qo’shinlari ular bilan jang qilishga qiynalishar edi. Savol: saralangan jangchilarning qanday xislati bor edi?

Javobini ko’rish / Yashirish
Ular chapaqay edi.

81. U dunyoda 3096 ta. Har yili ularning 14 tasi yo’qolibketmoqda. Savol: u nima?

82. Shunday bir narsa borki u dastlab qo’shiq kuylab, so’ngra ko’zyosh to’kadi. Bu nima?

83. Tayland qonunlariga ko’ra pul va tangalarni oyoq bilan bosish mumkin emas. Bunday ishni qilgan shaxslarga jarima solinadi. Bu qonun o’ziga xos ma’noga ega. Savol: nima uchun bunday qonun chiqarilgan?

Javobini ko’rish / Yashirish
Chunki, bu davlat pul birliklarida Tayland qiroli aks ettirilgan va uni bosish hurmatsizlik belgisi sifatida qaralgan.

84. Qisqa savol: Nimaning 40 qulochi 1 gramga teng?

85. Bir yigit bor ekan. U kambag’al bo’lib uning farzandi yo’q ekan.Bu ham yetmagandek otasining ko’zlari ojiz ekan. Kunlarning birida unga farishta uchrabdi va bittagina tilagingni amalgam oshiraman debdi. Yigit bitta tilak bilan uchchala orzusiga ham yetibdi. Savol: u qanday tilak aytgan?

Javobini ko’rish / Yashirish
Dadam o’g’limning tilla tangalar o’ynab o’tirganini ko’rsinlar.

86. Uning qora, yashil, sariq, qizil turlari mavjud. U deyarli har bir honadonda bor. O’zbekistonda uni qora va yashil turlarini ko’p iste’mol qilishadi. Savol: u nima?

87. Dengizda kemalar bir-biriga ko’ringanda qo’l silkitib salomlashganday bo’lishar ekan. Ba’zi kemalarda matroslar arqon ko’rsatishar ekan. Savol: arqon ko’rsatish bilan nima demoqchi bo’lishadi?

Javobini ko’rish / Yashirish
Arqon ko’rsatib shatakka olaymi degandek hazillashar ekanlar.

88. Dunyoda o’qitiladigan fanlar ko’p. Har bir fan o’z ma’nosiga ega. Qaysi fan “Donolikni sevaman” ma’nosini bildiradi?

Javobini ko’rish / Yashirish
Filosofiya – Falsafa

89. Bu poytaxt shaharga o’sha davlatning 1- prezidentining nomi berilgan. Bu qaysi shahar?

Javobini ko’rish / Yashirish
AQSH poytaxti Vashington

90. AQSH davlatining Xitoy respublikasiga sotadigan mahsulotlari orasida u 3- o’rinda turar ekan. Bu AQSHga bir yilda 1 milliard 300 million dollar foyda keltirar ekan. Savol: qanday mahsulot (uni mahsulot deyish ham mushkul) haqida gap ketyapti?

Javobini ko’rish / Yashirish
Maishiy chiqindi, ya’ni axlat

91. Antiqa savol: Yaxudiylar fikricha, o’g’il bola tug’ilsa tinchlik qaror topadi. Qiz bola tug’ilsachi?

Javobini ko’rish / Yashirish
Hech narsa o’zgarmaydi.

92. Yer yuzida shunday tarjimon borki, u xohlagan tilda gapiring, u gapingizni tarjima qilib tilingizda javob qaytara oladi. Mantiqiy o’ylab ko’ring, qanday tarjimon so’ralmoqda?

93. O’zbekiston, Urugvay, BAA, AQSH, Ukraina, Uganda. Bu davlatlarni ingliz tilini ishlatgan holda bog’liqligini aniqlang.

Javobini ko’rish / Yashirish
Bu davlat nomlari ingliz tilida bir xil U harfi bilan boshlanadi.

94. Qaysi qizning otasi yo’q, onasi yo’q – bobosi bor?

95. Odatda odamning yuragi 1 ta bo’ladi. Mantiqan o’ylab aytingchi, qanday odamda yurak 2 ta bo’ladi?

Javobini ko’rish / Yashirish
Homiladorayollarda.

96. Bolalarga mos savol: G’orda qaroqchilar qarorgohi bor edi. U yerga kirish uchun mahfiy parolni aytish kerak edi. 1 qaroqchi kelganda qo’riqchi unga 1 dedi, qaroqchi 3 deb aytdi va ichkariga o’tib ketdi. Boshqa bir qaroqchi kelganda qo’riqchi unga 2 dedi va u 4 deb javob berdi, u ham to’g’ri aytgani uchun o’tkazib yuborildi. Boshqa bir qo’riqchiga 7 raqami berildi u esa 5 deb javob aytdi. Uning javobi ham to’g’ri edi. O’ylab ko’rib aytingchi, 1-3, 2-4, 5-3 raqamlari qanday mantiq asosida tuzilgan?

Javobini ko’rish / Yashirish
Raqamdagi harflar nechta bo’lsa shuni to’g’ri aytgan kishi to’g’ri javob bergan bo’lar edi. Bir – 3 ta harf, to’rt – 4 ta harf, yeti – 5 ta harf.

97. Boshlang‘ich sinf o‘quvchisi bu vazifani besh daqiqada, yuqori sinf o‘quvchisi o‘n besh daqiqada, oliygoh talabasi oltmish daqiqada yechadi, olim esa yecholmaydi. Mana o‘sha vazifa: “BIUTBOYeSTO‘” nimani bildiradi?

Javobini ko’rish / Yashirish
1, 2, 3, 4, 5, 6, 7, 8, 9, 10

98. Bir kema halokatga uchrab birgina erkak kishi omon qolibdi. To’lqinlar uni faqat ayollar yashaydigan orolga eltib tashlabdi. Erkak hushiga kelganda ayollar uni qurbonlik qilish uchun tayyorlanishayotgan ekan. Ular erkakka so’nggi so’zlarini aytishini taklif qilishibdi. U so’nggi so’zlarini aytgach ayollar uni o’ldirish o’rniga qayiq yasab, oziq-ovqatlar bilan ta’minlab qo’yib yuborishibdi. Qiziq, erkak nima degan?

Javobini ko’rish / Yashirish
Meni orangizdagi eng xunuk ayol o’ldirsin degan.

99. Qayerda ot ustidan ot sakrab o’tishini ko’rish mumkin?

Javobini ko’rish / Yashirish
Shaxmat o’yinida

100. Bir vaqtning o’zida 2 uy yonmoqda, biri bdavlat kishiniki, ikkinchisi kambag’al kishiniki. Qaysi uyni politsiya birinchi bo’lib o’chirishga shoshiladi?

Javobini ko’rish / Yashirish
Politsiya o’t o’chirish bilan shug’ullanmaydi.

Hozircha shular. Saytni tez-tez kuzatib turing. Yaqin kunlarda rasm ko’rinishidagi mantiqiy savollar e’lon qilaman. Aziz do’stim, sizda ham yangi mantiqiy va qiziqarli savollar bor bo’lsa shu yerga yozib qoldirishingiz mumkin, javobini ko’pchiliklashib birga topamiz.

Maqola yoqdimi! Uni tezroq do'stlaringizga ma'lum qiling:
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: