Erkaklar huquqini kim himoya qiladi?

Erkaklar huquqini kim himoya qiladi
Telegramda o'qish

Er-xotin janjallashishdi. Ular ajrashishdi. Qonun boʻyicha voyaga yetmagan farzand onasi bilan qoladi. Ona-bola oʻzga uyda yashashga ketdi. Endi erkak qonun boʻyicha voyaga yetmagan farzandi uchun aliment toʻlaydi…

Bugungi kunda ayollarimiz uchun, avvallari faqat kinolarda, televideniyeda koʻrish mumkin boʻlgan va orzu qilgan voqeliklari nihoyat bizga ham kirib keldi. Yaʼni, bugungi kunda ayollarimiz jamiyatning har bir jabhasida bemalol oʻzlarini koʻrsatishga, kerak boʻlsa, oʻsha qilgan mehnatlari evaziga ragʻbatlantirilishiga, muhim lavozimlarga qoʻyilishiga ham guvoh boʻlyapmiz. Biz, yaʼni ayollar bunday imkoniyatlardan toʻlaligicha foydalanishga harakat qilmoqdamiz. Oramizdan koʻpchilik bunga munosib ekanliklarini amalda isbot ham qilib kelishyapti. Ilmiy faoliyatni qaraysizmi, tadbirkorlik yoʻnalishi, siyosiy yoʻnalishmi, sport, madaniyat, qurilish injeneriyasi, avtoulov boshqarishmi, qoʻyinki, barcha turli yoʻnalishlarda ayollar bunday eʼtiroflarga munosib ekanliklarini koʻrsatishga harakat qilishmoqda. 
Bu biz ayollar uchun quvonarli hol, albatta. Biroq, ayni shu kunlarda “tanganing ikkinchi tomoni” oʻylantiryapti odamni.
Biz, yaʼni ayollar har jabhada erkaklar bilan teng huquqli boʻlishga jon-jahdimiz bilan harakat qilib, hatto bunga qonunan erishdik ham, lekin erkaklarning huquqlari haqida, oiladagi va jamiyatdagi oʻrni haqida unutib qoʻygandekmiz goʻyo. Hatto erkak qaysi amallari va qaysi fazilatlari bilan yaratilganligi haqida ham oʻylashni esdan chiqardik.
Bu ketishda, har taraflama huquqlaridan ayrilayotgan erkaklarimiz bora-bora boshi berk koʻchalarga kirib qolmasliklariga kim kafolat bera oladi?
— Tasavvur qiling, er xotiniga zarur uy yumushini buyurdi. Ayol charchagan, lekin bu ishni qilishga imkoniyati bor. Biroq charchaganligini pesh qilib, oʻsha ishni bajarmaydi. (ayol biladiki, mabodo eri unga qoʻl koʻtarsa — qonun uni himoya qiladi) .
— Ayol eriga gap qaytardi va katta janjal koʻtarildi. Erning shu darajada jahli chiqdi. Tushundiki, urmasdan ayolini janjaldan qaytarolmaydi. Biroq, xotiniga qoʻl koʻtarmadi. Aniqrogʻi qoʻl koʻtara olmadi. Chunki, biladiki, qonun ayoli tomonida. Lekin erning or nomusi tutib unga qarshi guvohlik berishi mumkin boʻlgan oʻsha xotinini oʻldirib qoʻya qoldi…
— Er uylanib, hayotida eng yaqin doʻstlik boʻldim, deb hisoblagandi. Imkon qadar ayolini haqiqiy yelkadosh boʻlishga undab charchadi. Ayol zotidan koʻngli qoldi. Jamiyatdagi oʻrnidan voz kechishga majbur boʻldi.
Endi bir fikr qilib koʻraylikchi, bugungi kunda biz erkaklar bilan tenglasha olayotganligimiz qahramonlikmi? Yoki erkaklarimiz diniy va dunyoviy ilmlarga amal qilib ayollarga oʻz yonlaridan joy ajratib bera olayotganliklari qahramonlikmi?
Endi fikrim boshida keltirib oʻtgan voqea manzarasiga eʼtiboringizni qaratmoqchiman:
“Bir” deganda ham farzandi, ham ayolidan ayrilgan erkak tarafidamisiz yoki oʻz manfaatinigina koʻzlab erdan ajrashgan, bolasiga aliment toʻlattirayotgan ayol tarafidamisiz?
Aslida haq-huquq deganda nimani tushunamiz?
Biz erkaklarimizni oʻz missiyasidan ayirib qoʻymayapmizmi?..
Gulniso SAIDOVA,
“Adolat” SDP Siyosiy Kengashi
Markaziy apparati sektor mudiri

Manba: Adolat.uz

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: