Endi o’qituvchi ham maktab ham uydagi o’quvchiga dars beradimi

Endi o’qituvchi ham maktab ham uydagi o’quvchiga dars beradimi
Telegramda o'qish

Gibrid usuldagi ta’lim shaklida o‘qituvchi ham maktab ham uydagi o‘quvchiga dars o‘tishga qanday ulguradi?

AOKA huzuridagi shtabda Xalq ta’limi vazirligi matbuot kotibi Laylo Rustamova ishtirokida brifing bo‘lib o‘tdi.

Brifingda umumta’lim maktablarda yangi o‘quv yili ta’lim jarayoni to‘g‘risidagi savollarga javob berildi.

Gibrid usuldagi ta’lim shaklida o‘qituvchi ham maktab ham uydagi o‘quvchiga dars o‘tishga qanday ulguradi?

📺Masofaviy shaklda ta’lim olayotgan o‘quvchilarning darslari “Onlayn maktab” loyihasi doirasida tashkil etiladigan darslar orqali berib boriladi.

Bunda maktab o‘qituvchilarining asosiy vazifasi masofaviy ta’limdagi o‘quvchilarning kundalik davomatini yuritish, “Onlayn maktab” loyihasi doirasida tashkil etiladigan darslarda beriladigan vazifalarni tekshirib, bajarilishini nazorat qilib boradi.

Ya’ni maktabda dars bergan o‘qituvchi masofada ta’lim olayotgan o‘qituvchiga alohida dars o‘tib bermaydi.

Ta’kidlash lozim, 18 avgustdan boshlab 1-11-sinflar uchun televizion darslarni tasvirga olish ishlari boshlab yuborilgan.

Onlayn darslarni tasvirga olish ishlariga jami 117 nafar respublikamizning eng malakali pedagoglari jalb etilgan.

Bundan tashqari ushbu darslar ustida 8 nafar surdo-tarjimon hamda 15 nafar muharrir ishlamoqda.

📺“Onlayn maktab” televizion darslari joriy yilning 14 sentabrdan efirga uzatila boshlanadi.

O‘qituvchilarning koronavirusga test topshirishlari va grippga qarshi emlash jarayonlari qay tarzda amalga oshiriladi?

O‘qituvchilarni koronavirusga test topshirish jarayoni hududiy sanitariya epidemiologiya osoyishtalik markazlari tomonidan markazlashgan tartibda bepul tashkil etilyapti.

O‘zbekiston Respublikasi Prezidentining «Aholini ijtimoiy qo‘llab-quvvatlashga qaratilgan qo‘shimcha chora-tadbirlar to‘g‘risida”gi qaroriga muvofiq respublikadagi barcha umumiy o‘rta ta’lim muassasalarining xodimlari 1 oktabriga qadar bepul grippga qarshi emlanishi belgilangan.

Bunda Sog‘liqni saqlash vazirligi har bir ta’lim muassasasiga borgan holda xodimlarni emlash ishlarini o‘tkazishi ko‘zda tutilgan.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: