Bu yil o’rta ma’lumotli o’qituvchilarga sirtqi ta’lim ochiladimi?

Bu yil o’rta ma’lumotli o’qituvchilarga sirtqi ta’lim ochiladimi?
Telegramda o'qish

⚡️Bu yil o‘rta maxsus ma’lumotli o‘qituvchilarga sirtqi ta’limda o‘qish uchun imkoniyat .

Yaqinda 2021-2022 o‘quv yilida o‘rta maxsus ma’lumotli o‘qituvchilar uchun sirtqi ta’limda o‘qish uchun alohida kvotalar ajratilishi masalasiga oydinlik kiritamiz deb xabar bergandik.

Ma’lumki, 2020 yil 6 noyabr kuni “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida”gi Prezident farmoni imzolangandi.

Farmonda 2021/2022 o‘quv yilidan umumta’lim muassasalarida ishlayotgan, oliy pedagogik ma’lumotga ega bo‘lmagan o‘qituvchilar uchun bakalavriatning sirtqi ta’lim shakli bo‘yicha alohida maqsadli qabul parametrlari ajratilishi ko‘zda tutilgandi.

Biz o‘rta maxsus ma’lumotli o‘qituvchilarga ajratiladigan kvotalar masalasiga oydinlik kiritish maqsadida Xalq ta’limi vazirligi matbuot kotibi Laylo Rustamova bilan bog‘landik. L.Rustamovaning aytishicha, joriy yilning 24 iyun kuni Xalq ta’limi vaziri, Oliy va o‘rta maxsus ta’lim vaziri va Davlat test markazi direktori ishtirokida o‘tkazilgan, 2021-2022 o‘quv yilida oliy ta’lim muassasalarga qabul qilishning davlat buyurtmasi haqidagi matbuot anjumanida bu masalaga to‘liq oydinlik kiritilgan ekan.

O‘tkazilgan ushbu matbuot anjumanida Oliy va o‘rta maxsus ta’lim vaziri Abduqodir Toshqulov xalq ta’limi tizimida ishlayotgan o‘rta maxsus ma’lumotli o‘qituvchilar uchun bu yil sirtqi ta’lim uchun alohida kvotalar ajratilishi rejalashtirilmagan deya ma’lum qilgan.

Demak xulosa shuki, bu yil maktablarda faoliyat olib borayotgan o‘rta maxsus ma’lumotli o‘qituvchilarning sirtqi ta’limda o‘qishi uchun alohida kvotalar ajratilmaydi. Prezidentning PF-6108-sonli farmonida o‘rta maxsus ma’lumotli o‘qituvchilar uchun imtiyozlar berilishi aytilsada, bu nima uchun amaliyotga joriy qilinmaganligi hozircha bizga qorong‘u.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: