Toshkent yuridik universiteti magistraturaga kirish imtihoni muddatlari ma’lum bo’ldi

Toshkent yuridik universiteti magistraturaga kirish imtihoni muddatlari ma'lum bo'ldi
Telegramda o'qish

2021-2022-oʻquv yili uchun Toshkent davlat yuridik universitetining magistraturasiga kirish test sinovlari 20-avgust kuni 19:00 da Toshkent shahridagi Botanika bogʻida boʻlib oʻtadi.

Test sinovlari 2 ta — mutaxassislik fani va chet tili (ingliz, nemis, fransuz)dan oʻtkaziladi.

Bunda talabgorlarga har bir fandan 25 tadan jami 75 ta test topshirigʻi va ularni ishlash uchun 2 soat 30 daqiqa vaqt ajratiladi.

Chet tili boʻyicha B2 va undan yuqori darajadagi milliy va xalqaro sertifikatga ega talabgorlar chet tili boʻyicha imtihondan ozod qilinadi va ularga shu fan doirasida olish mumkin boʻlgan maksimal ball beriladi. Ularga test sinovida 2 ta mutaxassislik fani uchun 1 soat 40 daqiqa vaqt ajratiladi.

Test sinovlarida:

— toʻplash mumkin boʻlgan maksimal ball – 207,5 ball;
— mutaxassislik fanlari boʻyicha har bir toʻgʻri javob uchun 3,1 ball (jami 155 ball);
— chet tili fani boʻyicha esa 2,1 ball (jami 52,5 ball) etib belgilandi.

Talabgorlar test sinovida ishtirok etish uchun ruxsatnomani 18-avgust kuni 15:00 dan boshlab Davlat test markazining magistr.dtm.uz saytidan olishlari mumkin boʻladi.

Talabgorlardan test sinovi oʻtkaziladigan hududga shaxsini tasdiqlovchi hujjat va test sinovida ishtirok etish uchun ruxsatnoma bilan 18:30 dan kechikmagan holda kelishlari soʻralgan.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: