Onlayn darsga sharoit yaratib bermagan ota-onalarga chora ko‘riladimi?

Onlayn darsga sharoit yaratib bermagan ota-onalarga chora ko‘riladimi?
Telegramda o'qish

Bolasini masofaviy ta’lim shaklida o‘qitayotgan oilalarda farzandining onlayn o‘qishi uchun sharoit yaratib bermagan ota-onalarga nisbatan chora ko‘rilishi rostmi?

Xalq ta’limi vazirligi ushbu masalada quyidagilarni ma’lum qildi:

Ma’lumki, 28 sentabr kuni faoliyatini to‘liq tiklagan maktablar soni 7620 tani tashkil qilib, 76,3 foizga yetdi. Joriy o‘quv yilida mamlakatdagi koronavirus infeksiyasi pandemiyasi bilan bog‘liq epidemilogik vaziyatdan kelib chiqib, ota-onalarga o‘z farzandi uchun ta’lim olish shaklini ihtiyoriy tanlash imkoniyati berildi.

O‘z navbatida, masofaviy ta’lim usulini tanlagan ota-onalarga bu katta mas’uliyat yukladi. Ya’ni ota-onalar “Onlayn maktab” loyihasi doirasida efirga uzatilayotgan teledarslarni kuzatish va fan o‘qituvchilari tomonidan baholanishini ta’minlashi, darslar vaqtida farzandining boshqa ishlar bilan mashg‘ul bo‘lishiga yoki darslarning translyatsiyasi vaqtida uydan tashqarida bo‘lish holatlariga yo‘l qo‘ymasligi, aniqrog‘i farzandini ta’lim olishida o‘z mas’uliyatini oshirishi lozim.

Aytish joizki, O‘zbekiston Respublikasining “Ta’lim to‘g‘risida”gi qonunining 3-moddasiga muvofiq umumiy o‘rta ta’lim majburiyligi hamda 30-moddasiga ko‘ra Voyaga yetmagan bolalarning ota-onalari yoki qonuniy vakillari bolaning qonuniy huquqlari va manfaatlarini himoya qilishlari shart hamda ularning tarbiyasi, maktabgacha, umumiy o‘rta, o‘rta maxsus, kasb-hunar ta’limi olishlari uchun javobgarligi belgilangan. Shu bilan birga, O‘zbekiston Respublikasining Ma’muriy javobgarlik to‘g‘risidagi kodeksining 47-moddasiga muvofiq Ota-onalar yoki ularning o‘rnini bosuvchi shaxslar tomonidan voyaga yetmagan bolalarni tarbiyalash va ularga ta’lim berish borasidagi majburiyatlarni bajarmaslik, shu jumladan voyaga yetmagan bolalarning ma’muriy huquqbuzarlik sodir etishiga olib kelishi va bundan holatlarning sodir etilishi ota-onaga nisbatan qonunchilikda belgilangan miqdorda jarima solinishi belgilangan.
Hozircha mazkur holatlar yuzasidan ota-onalarga chora ko‘rish holatlari yuzaga kelgani yo‘q.

Shu o‘rinda hurmatli ota-onalarimizdan bugungi murakkab vaziyatda farzandlari uchun mas’uliyatni ikki karra his qilib, farzandlarimiz taqdiriga, ularning ta’lim olish jarayoniga befarq bo‘lmasliklarini so‘rab qolamiz.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: