Ijtimoiy tarmoqlarda NAH virusini yuqtirganlar ko`payib bormoqda…

Ijtimoiy tarmoqlarda NAH virusini yuqtirganlar ko`payib bormoqda…
Telegramda o'qish

Qonunchilik palatasi deputati Alisher Qodirov ijtimoiy tarmoqlardagi negativ fikrlaydigan shaxslarga nisbatan fikr bildirdi.

Nafrat, adovat va hasad kombinasiyasidagi virus inson qalbi va yuzini qoraytirib, shaxsni o`ziga ishonchini zaiflashtirib, hatto o`z nomini ham unuttirib yuboradi, deyilmoqda.
Xastalanganlarni ijtimoiy tarmoqlardagi izohlaridan bilib olish mumkin: nafrat, adovat va haqorat baqirib turadi.
Bu virusni fikrlar emas, nomlar jazavaga keltirishi aytilmoqda.
Vaksina topilguncha, xastalikni avj oldirmaslik uchun ularni o`qimaslik, ular bilan muloqotni to`xtatish va yakkalab turish tavsiya qilinmoqda.  
Hali virusni yuqtirmagan negativchilarga…
Hech kim mukammal emas, xato so`z, xato fikr, xato xulosa… hech kim xatodan kafolatlanmagan. Fikrni xato yoki to`g`ri ekanligini tahlillar, muqobil fikr, to`g`ri tanqid va munosabatlarda aniqlash mumkin. Aql egalari muhokamada tortishadilar, xatolarini tan oladilar va xulosa qiladilar.
Shaxsan men, bunday muloqot uchun doimo minnatdorman.  
Baraka topgur negativchilar, o`zingizni asrang. Muhokamaga idrok va sabringiz etmaydimi, o`zingizni bunchalar erga urmang.
Eng yaxshisi, yoqmagan nom sahifasini o`qimang, izoh yozmang, sahifadan chiqib keting, tamom, kasallanish ehtimolingiz keskin kamayadi.  
P/s: Nomimni o`zgartirib, sms yoki messenjerda tahdid qilsam, hech kim meni topolmaydi, deb o`ylaydigan, xastalikning murakkab darajasiga etib kelganlar ham yo`q emas.
Bu darajaga etib kelganlarni 50 million so`mgacha “renimasion resept” yoki 3 oygacha majburiy yakkalash orqali davolash ko`zda tutilgan.
Xastalanganlar ham vatandoshlarimiz. Ularga tuzalish uchun yordam beraylik.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: