Hikmatli savollar – ibratli javoblar

Telegram kanal подписаться

Ushbu ibratli savollar, hayotiy masalalar, hikmatli so’rovlar, va ularga maqbul oqilona javoblar siz uchun ko’p narsaga oydinlik kiritadi.

O’ylashimcha, bunday savollarga hayotingiz davomida juda ko’p duch kelgansiz va yechimi haqida turlicha fikrlagansiz. Ushbu ibratomuz savollarni javobini kuzatar ekansiz, o’zingiz uchun yangi haqiqatlarni kashf etsangiz ajab emas.
Savollarning javobini ko’rish uchun “Javobini ko’rish / Yashirish” tugmasini bosing. Xuddi shu tugma bosilganda javob yana qayta yashirin holga qaytariladi. Nega hikmatli javoblarni ochiq qo’ymaganimning boisi ushbu savollarga o’zingiz ham javob berib ko’ring va shundan so’ng yashirin maydondagi javobni ochib solishtiring. Ushbu hikmatli fikrlarni, ibratomuz xulosalarni shunchaki o’qib qo’ymasdan kengroq o’ylab ko’ring.

Har bir kishi bilishi lozim bo’lgan savol-javoblar

Har bir mavjudot muhtoj bo’lgan narsa nima?

Javobini ko'rish / Yashirish

Mehr.

Ko’zdan xam o’tkirrok narsachi?

Javobini ko'rish / Yashirish

Insonlarning «qalb ko’zlari».

Inson kim erur?

Javobini ko'rish / Yashirish

Umri davomida insonni tushunishga harakat kilib o’tadigan ongli mavjudot.

Hayot nima?

Javobini ko'rish / Yashirish

Kishilarning butun amallari bitilgan, xohlasa-xohlamasa, har kuni bir varag’i yirtib olinadigan umr daftari.

Qalb amri nima?

Javobini ko'rish / Yashirish

Dildan otilib chiqqan sado

— Nimani baholab bo’lmaydi?

Javobini ko'rish / Yashirish

Ezgu amalni, kamtarlikni, sadoqatni…

Ezgu amal nima?

Javobini ko'rish / Yashirish

Qalb, tafakkur va vujud mushtarakligida amalga oshirilgan harakat.

Insondan nima qoladi?

Javobini ko'rish / Yashirish

O’chmas iz… agar u insondek bo’lsa.

Or nima, nomus nima?

Javobini ko'rish / Yashirish

Insondagi et ila tirnoq kabi ajralmas oliy fazilatlar.

Dunyo nima?

Javobini ko'rish / Yashirish

Quvsa qochadigan, qochsa quvadigan, hech qachon yetib bo’lmaydigan, hech qachon to’yib bo’lmaydigan, hech qachon do’stlik qilmaydigan bevafo yor.

Mehr-oqibat nima?

Javobini ko'rish / Yashirish

Insonni inson darajasida ushlab turguvchi ulug’ fazilat.

Sevgi nima?

Javobini ko'rish / Yashirish

Birovga berib bo’lmaydigan, pulga topilmaydigan, fakat dil amriga quloq soladigan nodir tuyg’u.

Insonga hamisha kamlik qiladigan hislatlar nimalar?

Javobini ko'rish / Yashirish

Ular uchta: bilim, odob, fahmu farosat.

bilim, odob, fahmu farosatga erishish yo’llari qanday?

Javobini ko'rish / Yashirish

Bilimga kishi o’z mehnati orqali yetishadi, odobga bilim, ota-ona va ustozlar ko’magida erishiladi. Fahm-farosat faqatgina ato etiladi!

Nimani o’rgatib va o’rganib bo’lmaydi?

Javobini ko'rish / Yashirish

Soddadillikni …

Kishilar botinan bir-birlari bilan nimada farklanadi?

Javobini ko'rish / Yashirish

Uch narsada: dilda, tilda, amalda.

Kishilar Zohiran bir-birlari bilan nimada farklanadi?

Javobini ko'rish / Yashirish

Besh narsada: yosh, naql, vazn, bo’y va jinsda.

Sabr nima, kanoat nima?

Javobini ko'rish / Yashirish

Sabr bu kishi boshiga gam-tashvish tushgandagi chidam; qanoat boriga ham, yo’giga ham hamisha shukr qiluvchi insondagi botiniy fazilat.

Do’stlarga nimani tilasam eng katta yaxshilik tilagan bo’laman

Javobini ko'rish / Yashirish

Sog’liq, Sadoqat va Tamasizlikni!

Tinchlik nima?

Javobini ko'rish / Yashirish

Muayyan bir jamoaning fikr-maslaklari, orzu-istaklari mushtarak bo’lgan osoyishtalik davri.

Inson boshka yaratiklardan nimasi bilan farklanadi?

Javobini ko'rish / Yashirish

Ikki narsada: akl-tafakkuri hamda ochko’zligi bilan.

Xotin kim?

Javobini ko'rish / Yashirish

Xonadonning malikasi: yaxshi bo’lsa hayoting jannati, yomon bo’lsa… hayoting do’zaxi.

Qo’shni kim?

Javobini ko'rish / Yashirish

Xursandchiligingda hamroh, yomon kunlaringda hassakash bo’lguvchi inson… Agarda u munofiq bo’lsa, hayotdagi xavfli dushmaning
..

Sadokat nima?

Javobini ko'rish / Yashirish

Hech bir narsaga tenglashtirib bo’lmaydigan, hech narsa bilan almashib bo’lmaydigan insoniy burch, tuygu.

Kishiga nima bir umr tinchlik bermaydi?

Javobini ko'rish / Yashirish

Orzulari… Armonlari!

Dunyoda inson uchun eng ko’rkinchli narsa nima?

Javobini ko'rish / Yashirish

Xalq nafratiga uchrab, vijdon azobida qolish!

Kim kuchli, bir kishimi yoki yuz kishi?

Javobini ko'rish / Yashirish

Bir kishi… agarki, unda o’sha yuz kishining fahm-farosati va shijoati mujassam bo’lsa…

Qanday yumushning oxiri xayrli bo’lmaydi?

Javobini ko'rish / Yashirish

Har qanday ishning boshini tutmasdan turib, yomon niyat qilinsa

Inson umridagi «yamoq»lar nimalar?

Javobini ko'rish / Yashirish

Uning qalb jarohatlari …

— Qachon insonlar o’rtasida o’zaro totuvlik, inoqlik yuzaga keladi?

Javobini ko'rish / Yashirish

Qachonki, ularning aytgan so’zlari qalblarida ham uyg’unlikni paydo qilsa…

Ko’pchilikda mavjud bo’lgan nuqson nima?

Javobini ko'rish / Yashirish

O’zining aqlliligini boshqalarga ko’rsatishga intilish…

Aqlli kim?

Javobini ko'rish / Yashirish

Borliqning go’zalligini ko’rk bilgan va uni qadrlay olgan…

Kim yuksak?

Javobini ko'rish / Yashirish

O’zini yer kabi xokisor tutgan kishi.

Insonlar bir umr intiladigan, biroq hammaga xam nasib kilavermaydigan ne’mat nima?

Javobini ko'rish / Yashirish

Qalb osoyishtaligi…

Dunyoni nima larzaga soladi?

Javobini ko'rish / Yashirish

Murg’ak qalbning iztirobi, mazlumning chekkan nolasi…

— Kim donishmand?

Javobini ko'rish / Yashirish

O’z aybini ko’ra bilgan va uni tan olgan kishi.

Buyuklar hayotidan nima olinadi?

Javobini ko'rish / Yashirish

Ibrat olinadi, unga amal qilinadi.

— Nodonlar hayotidan-chi?

Javobini ko'rish / Yashirish

Saboq olinadi, undan xulosa chiqariladi.

Qanday gapning shov-shuvi katta?

Javobini ko'rish / Yashirish

Sekin, shivirlab aytilgan gapning

Shodlikning ibtidosi nima?

Javobini ko'rish / Yashirish

G’am.

G’amning intihosi-chi?

Javobini ko'rish / Yashirish

Shodlik.

Bundagi mantik nimadan iborat?

Javobini ko'rish / Yashirish

Shodlik yo’k joyga g’am o’rnashadi, g’amning o’rnini esa, vaqt o’tib shodlik egallaydi…

Dunyoda hech kanday boylik yoki pul bilan sotib olib bo’lmaydigan «insoniy sarmoya»ning nomi nima?

Javobini ko'rish / Yashirish

Judayam oddiy: insonlar qalbiga yo’l topa bilish…

Aksar kishilar yo’l ko’yadigan xato nima?

Javobini ko'rish / Yashirish

Vaqtdan unumli va maqsadli foydalana bilmaslik…

Vakt nima?

Javobini ko'rish / Yashirish

Bo’yuk insonlar o’chun hamisha yetishmaydigan, aksariyat uchun ko’pincha boy beriladigan imkoniyat…

Mard kishining xislatlari nimalarda sinaladi?

Javobini ko'rish / Yashirish

Asosan uch narsada: kechirimlilik, mas’uliyatni o’ziga olish va so’zida tura bilishda…

Insonlar hayotida ko’pincha ehtiyoj sezadigan xislatlar nimalar?

Javobini ko'rish / Yashirish

Asosan uch narsa: teran fikr, hisni jilovlash, qanoat…

Tamadan xam kuchli narsani ayt

Javobini ko'rish / Yashirish

Tama yo’lidagi tamagirlik!..

Dunyoda nimani topish mushkulu nimani yo’kotish oson?

Javobini ko'rish / Yashirish

Yaxshi nom qozonish juda mushkul, uni yo’qotish oson. Zotan, obro’ misqollab topiladi, bil’aks insonning bir arzimagan nojo’ya harakati sabab, ushbu yaxshi nom bir onda chilparchin bo’lishi mumkin…

har bir kishi uchun bu hayotda bajarilishi mushkul bo’lgan vazifalar nimalar?

Javobini ko'rish / Yashirish

Aytgan so’ziga o’zi to’liq amal qilishi; o’zganing omonatini u ishonganidek saqlay bilishi; do’stlashgan kishisining ham baxtli, ham ogir kunlarida birdek yonida turishi; o’ziga ravo ko’rmagan narsani birovlarga ham ravo ko’rmaslik…

Nimani kechirib bo’lmaydi?

Javobini ko'rish / Yashirish

Xiyonatni, xiyonatni va yana xiyonatni.