Matematika darsliklarini soddalashtirish bo’yicha qaror loyihasi muhokamaga qo’yildi

Matematika darsliklarini soddalashtirish bo’yicha qaror loyihasi muhokamaga qo’yildi
Telegramda o'qish

Xalq taʼlimi vazirligi tomonidan “Umumiy oʻrta taʼlim muassasalari uchun Matematika fanidan darsliklar va oʻquv metodik-majmualarni bosqichma-bosqich yaratish chora-tadbirlari toʻgʻrisida”gi Oʻzbekiston Respublikasi Vazirlar Mahkamasining qarori loyihasi ishlab chiqildi va www.regulation.gov.uz portaliga jamoatchilik muhokamasiga qoʻyildi.

Bu haqda Xalq ta’limi vazirligi xabar bermoqda.
Mazkur qaror loyihasida umumiy oʻrta taʼlim maktablarining 1-11-sinflar uchun matematika fanidan darsliklar va oʻquv-metodik majmualarni oʻquvchilar yoshiga mos, uzviylik va uzluksizlikni taʼminlagan holda sodda va tushunarli tilda yozishni, mazmun va dizayn jihatdan sifatli yaratishni tashkil etish koʻzda tutilmoqda.
Shuningdek, davlat buyurtmasiga asosan, zamonaviy talab va innovatsion yondashuvlar, matematika fanidan darslik va oʻquv-metodik qoʻllanmalarni yaratishda fanlararo aloqadorlik hamda sinflararo uzviylikni taʼminlagan holda darsliklar va oʻquv-metodik majmualarni yaratish;
Muallif va tuzuvchilarni tanlash, ularni yaratish ishlarini tashkil etish, yaratilgan darsliklar va oʻquv-metodik majmualarni mustaqil ekspertlarni fuqarolik-huquqiy shartnomalar asosida jalb qilgan holda ekspertiza qilish Xalq taʼlimi vazirligi huzuridagi Respublika taʼlim markazi tomonidan amalga oshirish mexanizmini joriy etish kabi qator vazifalar belgilangan.
Qaror loyihasining toʻliq matni bilan ushbu havola orqali tanishishingiz mumkin.
Xalq taʼlimi vazirligi “Umumiy oʻrta taʼlim muassasalari uchun Matematika fanidan darsliklar va oʻquv metodik-majmualarni bosqichma-bosqich yaratish chora-tadbirlari toʻgʻrisida”gi qaror loyihasini yana-da takomillashtirish uchun barchani, jumladan malakali pedagoglarni muhokamalarda faol ishtirok etishlarini soʻraydi. Qaror loyihasining muhokamasi 2020-yilning 7-noyabriga qadar davom etadi.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: