XTVning ta’til va karantinga bog’liq savollarga javoblari

XTVning ta’til va karantinga bog’liq savollarga javoblari
Bizni endi Telegramda ham o'qishingiz mumkin. Kanalga obuna bo'lish

AOKA huzuridagi shtabda Xalq ta’limi vazirligi matbuot kotibi Anvar Umarov bilan onlayn brifing bo’lib o’tdi.

Bu haqda Xalq ta’limi vazirligi rasmiy saytida xabar berildi.
Avvalroq, Axborot va ommaviy kommunikatsiyalar agentligi huzuridagi shtabda Xalq ta’limi vaziri o’rinbosari Dilshod Kenjayev bilan onlayn brifing bo’lib o’tganligi va unda xalqimizni qiziqtirayotgan bir qator savollarga javob berilganligi haqida ma’lumot bergan edik. Ushbu sahifaga o’tgan holda maktablar va karantin davri bilan bog’liq boshqa savollarga javob olish mumkin.
Xalq ta’limi vazirligi matbuot kotibi Anvar Umarov onlayn brefing vaqtida e’lon qilingan karantin rejimi hamda umumta’lim maktablari o’quvchilari uchun berilgan ta’til davrida fuqarolar, ijtimoiy tarmoq foydalanuvchilari tomonidan O’zbekiston Respublikasi Xalq ta’limi vazirligi faoliyatiga oid bugungi kunga qadar kelib tushgan savol va murojaatlarga javob berib o’tdi. Onlayn brefingni videosini to’liq holda Xalq ta’limi vazirligining Youtube.com tarmog’ida ochilgan kanalida ushbu havola orqali ko’rishingiz mumkin.
Biz ham barcha savol-javoblarni taqdim etmoqdamiz. Savollarning javobini bilish uchun “Javob” tugmasi bosilishi kerak.
1-savol: O’qituvchilarning attestatsiyadan o’tishi onlayn bo’lib o’tadimi?

Javob

Respublika Maxsus komissiyasining 2020 yil 15 martda o’tkazilgan yig’ilish bayoni hamda 23 mart kuni Vazirlar Mahkamasi tomonidan qabul qilingan «Koronavirus infeksiyasi tarqalishiga qarshi qo’shimcha chora-tadbirlar to’g’risida»gi qaroriga muvofiq, odamlar to’planishi mumkin bo’lgan barcha tadbirlar to’xtatilgan, jumladan pedagog kadrlar attestatsiyasi jarayonlari ham qoldirildi.
Attestatsiya jarayonlari onlayn shaklda o’tkazilmaydi.
Pedagog kadrlar uchun malaka sinovlari qachon o’tkazilishi haqida Ta’lim sifatini nazorat qilish inspeksiyasi bilan kelishilgan holda qo’shimcha xabar beriladi.
Hurmatli pedagoglar, sizdan ushbu qo’shimcha vaqtingizdan unumli foydalanib, o’z ustingizda ishlashga e’tibor qaratishni so’raymiz.

2-savol: O’qituvchilarga hozirgi berilgan ta’til yozgi ta’tilga qanchalik ta’sir qiladi, ya’ni yozgi ta’til davri qisqaradimi?
Javob

Xabaringiz bor, respublikamizdagi barcha pedagoglar joriy yilning 18 martidan boshlab haq to’lanadigan mehnat ta’tiliga chiqarildi. Bu haqda vazirlikning tegishli buyrug’i ham qabul qilinib, joylarga yetkazildi.
Ushbu mehnat ta’tili o’qituvchilarning yozgi davrda beriladigan mehnat ta’tilining bir qismi bo’lib, amaldagi mehnat qonunchiligiga muvofiq rasmiylashtiriladi. YA’ni o’qituvchilar hozirda olgan ta’til davrining foydalanilmagan qismini yozda davom ettiradi. Boshqacha aytganda, yozgi ta’til davri mos ravishda qisqaradi. 2019/2020 o’quv yili uchun rejalashtirilgan ta’til (2020 yilning 21 martdan – 27 martgacha) davrida ko’zda tutilgan pedagogik yuklamalar pedagoglar tomonidan o’rnatilgan tartibda oylik ish haqlari saqlab qolingan holda masofadan turib bajarilishi belgilandi.
Shuni alohida ta’kidlab o’tishimiz kerak, darslar boshlangandan keyin o’qituvchilarning ta’tili ham tugaydi. Bu bo’yicha qo’shimcha axborot beriladi.

3-savol: O’quv yili odatdagidek 25 mayda tugatiladimi?
Javob

Amaldagi tartibga (Vazirlar Mahkamasining 15.03.2017y 140-sonli qarori) ko’ra, o’quv yili 25 mayda yakunlanadi. 26 maydan 15 iyunga qadar 9-11-sinflarda bitiruv imtihonlari o’tkaziladi.
Respublika Maxsus komissiyasi qarori bilan 16 martdan boshlab ta’lim muassasalari o’quvchilari uchun ta’til e’lon qilingan.
Albatta, ta’tilning davomiyligi tibbiy profilaktika (karantin) jarayonlarining davom etishiga bog’liq.
Respublika Maxsus komissiyasi qaroriga asosan ta’tilning davomiyligiga qarab o’quv jarayonlarini davom etishi yoki etmasligi haqida o’quvchilar va ota-onalar xabardor qilinadi.
Ta’til vaqtida belgilangan o’quv dasturlardagi bilimlar televizion darslar orqali o’quvchilarga yetkaziladi.
Bu darslarni faqat o’quvchilar emas, balki ularning ota-onalari va yaqinlari, barcha pedagoglar ham kuzatib borishi lozim bo’ladi.

4-savol: (rus tilida) Можно ли опубликовать экзаменационные материалы для выпускных и переводных экзаменов, что бы пока дети на каникулах они могли готовиться к экзаменам?
Javob

В настоящее время специалистами Республиканского центра образования при Министерстве народного образования ведется работа по подготовке экзаменационных материалов по соответствующим предметам для 5-11-классов.
Контрольные материалы будут размещены на официальном сайте Министерства народного образования uzedu.uz и информационно-образовательном портале eduportal.uz до 1 апреля 2020 года.
YAkuniy davlat attestatsiyasi va bosqichli imtihon materiallari hozirda Respublika ta’lim markazi tomonidan 5-11-sinf o’quvchilari uchun belgilangan fanlar kesimida tayyorlanmoqda.
Nazorat materiallari 2020 yil 1 aprelga qadar Xalq ta’limi vazirligining uzedu.uz rasmiy veb-sayti va eduportal.uz axborot ta’lim portaliga joylashtiriladi.

5-savol: Darslar to’xtatildi, ana endi darslar boshlangandan keyin to’xtatilgan darslar joyidan davom ettiriladimi?
Javob

Darslar to’xtatilgan kun, ya’ni 16 martdan 20 martga qadar
o’quv yilining 3 chorak yakuniga to’g’ri kelganligi sababli, bu davrda o’quv dasturiga asosan aksariyat mavzular takrorlash yoki o’tilgan mavzularni mustahkamlashga qaratilgan.
Shu bois karantin rejimi tugatilib, darslar boshlangandan keyin aynan to’xtatilgan mavzudan boshlashga ehtiyoj qolmaydi. CHunki o’quvchilar uchun tayyorlanayotgan televizion darslar orqali ana shu bo’shliq to’ldirib ketilmoqda.
Televizion darslar o’quv yilining 4-choragiga rejalashtirilgan mavzulari asosida tayyorlanmoqda. Lekin shuni alohida ta’kidlash joizki, o’quvchilar televizion darslar orqali o’zlashtira olmagan bilimlar o’quv jarayonlari boshlangan vaqtda albatta fan o’qituvchilari yordamida mustahkamlanadi.

6-savol: Maktab darslari masofaviy va mustaqil o’zlashtiriladi, deyildi. Darslar boshlanganda shu darslardan imtihonmi yoki shunga o’xshash biror narsa bo’ladimi? O’zlashtirilganligi qanday aniqlanadi?
Javob

Televizion darslarni parallel ravishda internet tarmog’ida vazirlikning rasmiy veb-saytida, kundalik.com hamda onlayn maktab elektron portali orqali kuzatib borishga imkon yaratiladi.
Kundalik.com orqali o’qituvchilar o’quvchilarning videodarslar orqali bilim olishini nazorat qilib, baholab boradi.
Kundalik raqamli ta’lim platformasi O’zbekiston maktablarida masofaviy ta’limni tashkil qilish uchun barcha zarur funksiyalarga ega. Bu o’quvchilarga uyda o’tirgan holda o’quv jarayonini to’xtatmaslik, fanlarni mustaqil ravishda o’rganish va pedagog bilan masofadan turib muloqot qilish imkonini beradi.
Pedagoglar Kundalik orqali uy vazifalarini va o’quv materiallarini berishi, o’quvchilar esa bajarilgan ishlarni tekshirishga yuborishlari mumkin. YAkun bo’yicha o’qituvchilar elektron jurnalga baho qo’yadi yoki javoblar ustida yana ishlash bo’yicha sharhlarini qoldiradi.
Albatta, bu tizim hozircha faqat Toshkent shahrida yo’lga qo’yilganligi bois, qolgan hududlarda ta’til davri tugab, o’quv jarayonlari boshlangan vaqtda 4-chorakda rejalashtirilgan nazorat ishlari (oraliq va yakuniy) o’tkaziladi. CHunki o’quvchilarning o’quv yilini muvaffaqiyatli yakunlashi hamda sinfdan-sinfga ko’chirilishi, bitiruvchi sinf o’quvchilariga esa attestat berilishi kerak bo’ladi.
Shu bilan birga, barcha yurtdoshlarimizga murojaat qilib, farzandlari bilimini mustahkamlashda ota-onalar yordamlarini ayamasligini, faqatgina teledasturlar orqali berilayotgan darslarda emas, balki muntazam ravishda maktab dasturini o’zlashtirishida ko’mak berishlarini iltimos qilib qolamiz.
Shuningdek, barcha pedagoglardan o’z fanlari bo’yicha masofaviy tarzda – telefon, ijtimoiy tarmoqlar orqali muntazam ravishda o’quvchilariga pedagogik va psixologik yordam berishlarini, ularning bilimlaridagi bo’shliqlarni to’ldirib borishlarini so’raymiz.

7-savol: Karantin tufayli umumiy o’rta ta’lim muassasalari o’quvchilari o’rtasida o’tkaziladigan fan olimpiadasining III viloyat bosqichi qoldirildimi? Agar qoldirilgan bo’lsa, qaysi oy o’tkazilishi rejalashtirilmoqda?

Javob

Yuqorida ta’kidlab o’tganimizdek, Maxsus komissiya qarori va Hukumatimiz tomonidan qabul qilingan «Koronavirus infeksiyasi tarqalishiga qarshi qo’shimcha chora-tadbirlar to’g’risida»gi (23 mart 2020 y 176-sonli) qaroriga muvofiq, barcha tadbirlar, jumladan 23-28 mart kunlariga rejalashtirilgan fan olimpiadalari ham qoldirildi.
Ta’til davri tugaganidan so’ng o’quv jarayonlariga ta’sir qilmagan holda fan olimpiadalari o’tkaziladi. Bu haqda albatta ota-onalar va o’quvchilar hamda pedagoglar qo’shimcha ravishda xabardor qilinadi.

8-savol: Men maktabda psixolog bo’lib ishlayman. Lekin karantin vaqtida maktabda administratsiya ya’ni direktor, direktor o’rinbosarlari, psixolog, yoshlar ittifoqi, ishlasin degan qaror chiqdi. Lekin meni 3 nafar voyaga yetmagan farzandlarim bor. Direktor o’z hisobingizdan ta’tilga chiqing, deb aytdi.
Javob

O’zbekiston Respublikasi Prezidentining 2020 yil 19 martdagi Farmonida belgilab berilganidek, bog’cha yoki boshlang’ich sinf yoshida bo’lgan farzandlariga uyda qarab turishlari uchun lavozimidan qat’iy nazar mehnat ta’tili beriladi. Buning uchun ularga barcha sharoitlar yaratilishi shart.
Vazirlar Mahkamasining 2020 yil 23 martdagi “Koronavirus infeksiyasi tarqalishiga qarshi qo’shimcha chora-tadbirlar to’g’risida” 176-son qarorida belgilangan vazifalar ijrosini ta’minlash maqsadida Xalq ta’limi vazirining 2020 yil 24 martda tegishli buyrug’i qabul qilindi.
Endilikda ta’lim muassasalari (tashkilotlar)ning asosiy ish faoliyatiga ta’sir etmagan holda qonun hujjatlarida belgilangan tartibda xodimlarni (maktab direktori yoki o’rinbosarlaridan biri, qorovuldan tashqari) mehnat ta’tiliga chiqarish, qolgan qismining mehnat faoliyatini maksimal darajada masofadan turib (“onlayn” rejimda yoki masofaviy tarzda) tashkil etish belgilandi.
Shunga ko’ra, Sizga qonunchilikka muvofiq mehnat ta’tiliga chiqishingizga ruxsat beriladi.

9-savol: Xususiy maktabda ishlayman. Maktabning xorijlik rahbari ishga kelishni talab qilyapti. Aks holda ishdan bo’shashim mumkinligini aytmoqda. Shu to’g’rimi?
Javob

O’zbekiston Respublikasi Vazirlar Mahkamasining 2020 yil 23 martdagi 176-sonli qaroriga muvofiq idoraviy bo’ysunuvi va tashkiliy-huquqiy shaklidan qat’iy nazar barcha tashkilotlarning asosiy ish faoliyatiga ta’sir etmagan holda qonun hujjatlarida belgilangan tartibda xodimlarni mehnat ta’tiliga chiqarish, qolgan qismining mehnat faoliyatini maksimal darajada masofadan turib (“onlayn” rejimda yoki masofaviy tarzda) tashkil etish choralarini ko’rish topshirilgan.
Yuqoridagilarni inobatga olgan holda umumta’lim muassasalari, shu jumladan, nodavlat ta’lim muassasalarida ham o’qituvchilarni mehnat ta’tiliga chiqarish yoki masofaviy ishlash rejimiga o’tkazish maqsadga muvofiq hisoblanadi.

10-savol: Viloyat xalq ta’limi boshqarmalari, shahar tuman xalq ta’limi bo’limi metodistlari faoliyatini davom ettiradimi ular ham mehnat ta’tiliga chiqadimi?
Javob

Yuqorida ta’kidlab o’tilganidek, O’zbekiston Respublikasi Prezidentining 2020 yil 19 martdagi Farmoniga asosan barcha xodimlarga bog’cha yoki boshlang’ich sinf yoshida bo’lgan farzandlariga uyda qarab turishlari uchun lavozimidan qatiy nazar mehnat ta’tili beriladi, buning uchun ularga barcha sharoitlar yaratilishi shart.
Vazirlar Mahkamasining 2020 yil 23 martdagi 176-son qarorida belgilangan vazifalar ijrosini ta’minlash maqsadida Xalq ta’limi vazirining 2020 yil 24 martdagi tegishli buyrug’i qabul qilindi.
Endilikda tashkilotlarning asosiy ish faoliyatiga ta’sir etmagan holda qonun hujjatlarida belgilangan tartibda xodimlarni mehnat ta’tiliga chiqarish, qolgan qismining mehnat faoliyatini maksimal darajada masofadan turib (“onlayn” rejimda yoki masofaviy tarzda) tashkil etish belgilandi.
Shunga ko’ra, hududiy xalq ta’limi boshqarmalari va tuman (shahar) xalq ta’limi bo’limlari metodistlari va boshqa xodimlari qonunchilikka muvofiq mehnat ta’tiliga chiqishi yoki ish faoliyatini masofadan tashkil etishi mumkin.

11-savol: PISA 2021 xalqaro tadqiqotlar bo’yicha joylarda tashkil etilgan tayanch maktablar faoliyati karantin vaqtida to’xtatiladimi yoki davom ettiriladimi?

Javob

Respublikadagi barcha ta’lim muassasalari qatori xalqaro baholash tadqiqotlar bo’yicha tayanch maktab etib belgilangan ta’lim muassasalari faoliyati ham vaqtinchalik to’xtatilgan.
SHu o’rinda alohida ta’kidlash joizki, televizion darslar orqali tajribali trener o’qituvchilar xalqaro baholash tadqiqotlariga oid ma’lumotlarni ham berib boradi. O’quvchilar bilan bir qatorda tayanch maktablarda faoliyat yuritayotgan o’qituvchilarga PISA 2021 xalqaro tadqiqotlarga oid materiallar bilan tanishib, bilimlarini boyitib borish imkoniyati yaratiladi.
Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: