ta’lim muassasalarini yangi o’quv yiliga tayyorlash borasida yangiliklar

ta’lim muassasalarini yangi o’quv yiliga tayyorlash borasida yangiliklar

AOKA huzuridagi shtabda o’tkazilgan brifingda Ta’lim sifatini nazorat qilish davlat inspeksiyasi Matbuot xizmati rahbari Feruza Madrahimova amalgam oshiriladigan ishlar bilan o’rtoqlashdi.

Yangi o’quv yiliga tayyorgarlik borasida, barcha ta’lim vazirliklari bilan hamkorlikda harakatlar dasturi doirasida, avvalo, ta’lim tashkilotlari infratuzilmasi, joylashgan hudud (qizil, sariq, yashil, shahar, qishloq) xususiyatlarni inobatga olgan holda va xorij tajribasi tahlili asosida xavfsiz ta’lim tashkiloti talablari ishlab chiqilmoqda.

Shuningdek, dars jarayonini tashkil etishda o’qituvchilarning kunlik ish rejasi shakllantirilmoqda,o’qituvchilarni kompyuter savodxonligini oshirish bo’yicha o’quv dasturlari ishlab chiqilmoqda, malaka oshirish institutlari tomonidan onlayn darslari orqali o’qituvchilar uchun mahorat darslarini tashkil etish rejalashtirilmoqda.

Masofaviy va gibrid (masofaviy+an’anaviy) ta’limni tashkil etish tartibi, unda ta’lim sifatini ta’minlash talablari va shartlari ishlab chiqilmoqda. Bunda birinchi navbatda ta’lim oluvchilarning sifatli ta’lim olish huquqlarini ta’minlash va ta’limda sifat darajasini ta’minlashga e’tibor qaratilmoqda.

Shuningdek, xalq ta’limi bo’limi metodistlari tomonidan fanlar kesimida o’qituvchilarga onlayn uslubiy ta’minoti amalga oshirilmoqda, umumiy o’rta ta’lim muassasalarida ichki va tashqi baholashni tashkil etish tartibi bo’yicha qo’llanmalar tayyorlanmoqda. Pandemiya sharoitida o’qituvchilar va ota-onalar uchun maktab o’quvchilarini har tomonlama qo’llab-quvvatlash va bilim olishga bo’lgan motivasiyasini so’ndirmaslikka qaratilgan tavsiya va qo’llanmalar ishlab chiqilmoqda.

Yangi o’quv yilidan har bir hududda bittadan tayanch maktablar faoliyati namunaviy tarzda yo’lga quyiladi va hududda eng yaxshi tajribalarni yoyuvchi innovatsiya generatoriga aylantiriladi. Shuningdek, 50 dan ortiq matematikaga ixtisoslashtirilgan maktablar tashkil etish bo’yicha ishlar olib borilmoqda.

Yangi tashkil etilgan 7 ta nodavlat va davlat-xususiy oliy ta’lim tashkilotlari faoliyatini yo’lga quyish va sifatli ta’lim muhitini yaratish uchun ular bilan hamkorlikda yangi o’quv yiliga tayyorgarlik ishlari olib borilmoqda.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: