Symbian telefonlar uchun gapiruvchi dastur

Symbian telefonlar uchun gapiruvchi dastur

Bu dasturning nomi “Mobile speak” bo’lib u ko’zi ojiz va zaif ko’ruvchi kishilar uchun mobil telefondan foydalanishda ko’makchi dastur xisoblanadi.

Avvalroq kampyuter uchun Gapiruvchi kampyuterlar yoxud JAWS dasturi haqida maqolasini chop etgan edim. Mobile speak dasturi symbian telefon ekranidagi yozuvlarni telefon dinamikasi yoki naushnik vositasida ovozlashtirishga yo’naltirilgan. Bu dastur yordamida ko’rish imkoniyati cheklangan yoki butunlay ko’ra olmaydigan kishilar mobil vositadan oddiy insonlar qatori foydalana oladilar. Dastur ekrandagi barcha yozuvlarni ya’ni SMS, qilingan qo’ng’iroqlar, ularning vaqti va sanasi, calendar, budilnik, telefon sozlamasi, kalkulator, bluitooth fayl olayotganda necha foiz bo’lganligi, telefon quvvati va antenna holati kabi yozuvlarni ovozlashtirib beradi. Dastur Codefactory tomonidan ishlab chiqilgan bo’lib foydalanuvchilar uchun bundan tashqari ko’plab imkoniyatlarni taqdim etadi. Mobile speak yordamida ko’zi ojiz insonlar ham internet resurslaridan sog’lom insonlar qatori to’laqonli axborot oladilar va almashadilar.
Dastur ishlab chiquvchisi juda ko’p tillarda ovozlar (sintizatorlar) yaratgan bo’lib afsuski o’zbek tilidagi versiyasi joriy etilmagan. Ammo rus ohangidagi ovoz bizga notanishlik qilmaydi. Dasturni ishlab chiqaruvchi rasmi saytidan ko’chirib olishingiz mumkin. Rus tilidagi alyona ovozini ham shu saytdan ko’chirib olishingiz mumkin. Ko’chirib olingan sis fayllarni telefoningizga o’rnating. Dasturdan to’liq foydalanish uchun mana bu Creckfayldan foydalanish mumkin. Ko’chirib olingan ZIP faylni ochib dastlab Original.sis o’rnating va mobile speakni o’zingizga qulay qilib sozlang. Shundan so’ng NoOriginal.sis o’rnatib endi mobile speakdan to’laqonli foydalaning.
Dastur vzlom qilingan symbian 9.x telefonlariga o’rnaydi. Men o’zim Nokea telefonlaridan S5, E51, E52, N73 va 6220 telefonlarida sinab ko’rdim. Hozirda dunyo bo’ylab Symbian telefon ishlatayotgan ko’zi ojiz kishilar Mobile speakdan foydalanib zamon bilan hamnafas yurmoqdalar. Dasturni o’rnatish yoki sozlash bo’yicha savollar paydo bo’lsa fikr bildirish formasi orqali qoldiring.

Maqola yoqdimi? Iltimos, saytni ommalashtirishga yordam berib ijtimoiy sahifadagi do'stlaringizga ma'lum qiling.
Fikrlar: 4
  1. Oxunjon sharipov

    avalambor assalom-u aleykum. Maqolalarga gap yo’q. Agar iloji bo’lsa androyt tizimidagi gapiruvchi dasturlar haqida ham maqola yozsangiz. Bugungi kunda simbian tizimida ko’p narsa ishlamayapdi. Yaqinda whatsapp ham ishdan chiqsa ajabmas.

    1. Baxtiyor Roziq (Muallif)

      Maqolalar manzur kelayotgan bo’lsa xursandman. Yaqin kelajakda android va IOS qurilmalar uchun joriy etilgan yaxshi dasturlar haqida maqola yozishni rejalashtirib qo’yganman. Hozirda saytni ikki yozuvda ya’ni o’zbek yozuviga asoslangan lotin va kiril yozuvlarda yuritish ustida harakat olib bormoqdaman. Saytni kuzatib boring.

  2. Farhod

    assalomu alaykum! Men qarshi shahridan farhod. Sizlardan bir iltimos: symbian telefonlari uchun mobile speak dasturining o’zbek tilidagi versiasini chiqarishda qanday izlanishlar bo’layotganligi haqida ham yozsangiz!

    1. Baxtiyor Roziq (Muallif)

      Afsuski, symbian platformalar uchun yangi dasturlar chiqarish, yoki mavjud dasturlarning yangi takomillashgan versialarini chiqarish jarayoni to’xtab qolmoqda. Aksar foydalanuvchilar android platformalarga o’tib ketayotganligi bois dastur ishlab chiquvchi kompaniyalar androidlar uchun ishlashni ma’qul ko’rmoqdalar. Aslida android platformalar uchun ham TalkBack deb nomlangan va boshqa ovozlashtiruvchi dasturlar mavjud bo’lib imkoniyati cheklangan foydalanuvchilar ular yordamida sensorli telefonlarda ham ishlay olmoqdalar. Mobile Speak dasturini ishlab chiquvchi Code Factory jamoasi androidlar uchun ham ushbu dasturni joriy etish harakatida. Maslahatim, symbian dasturlardan yangilik kutmang, aksincha android platformali telefon ishlatishga o’ting.

Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

error: Kontent himoyalangan!