Qanday qilib klaviaturada juda tez yozishni o’rganish

Qanday qilib klaviaturada juda tez yozishni o'rganish
Loading...

Bugungi kunda kampyuter ishi bilan bog’liq barcha sohalarda klaviaturada tez yoza olish juda muhim. Hayotimizni esa kampyuterlarsiz tasavvur qilib bo’lmay qoldi.

Siz o’qituvchimisiz, talabamisiz, blogermisiz, va shunga o’xshash kampyuter yordamida hujjat va matn tayyorlaydigan sohada ishlaysizmi klaviaturada tez yozishni bilishingiz talab etiladi. Buning uchun ba’zi qoidalarga amal qilgan holda mashqlar bajarib borsangiz maqsadga yetishingiz mumkin.

Klaviaturaga barmoqlarni to’g’ri qo’yish

Klaviaturada juda tez yozish uchun undagi harflarni barmoq mushaklari xotirasiga muhrlash lozim. Siz harf terayotganda goh monitorga, goh klaviaturaga qarab ko’p vaqt yo’qotasiz. Shuning uchun ham mutaxassislar harf terishda klaviaturaga qaramaslikni maslahat beradilar.
E’tibor bergan bo’lsangiz barcha klaviaturada harflar bir xil standart shaklda joylashgan. Har bir klaviaturaning lotin yozuvda “F” va “J” harflarida bo’rtma nuqta bor. Buni hoziroq tekshirib ko’ring. Klaviaturaga qaramay turib tez yozish uchun barmoqlarni to’g’ri tartibda qo’yish kerak. O’ng ko’rsatkich barmoq “J” harfi ustida joylashsa, o’rta barmoq, nomsiz barmoq, ingichka barmoq “K”, “L” “;” tugmachalari ustida bir qator bo’lib joylashadi. Chap ko’rsatkich barmoq “F” tugmasida, qolgan chap qo’l barmoqlari “D”, “S”, “A” tugmachalari ustida bo’ladi. Barmoqlar joylashuvini quyidagi rasmdan ham bilib oling.
Qanday qilib klaviaturada juda tez yozishni o'rganish
Har bir barmoq qaysi harflarni yozishi kerakligi ham muhim. Quyidagi rasmga qarang.
Qanday qilib klaviaturada juda tez yozishni o'rganish
Ushbu rasmdagi bir xil ranglar bir barmoq terishi kerak bo’lgan harflarni anglatadi. Ko’rib turganingizdek harf terishda barcha barmoqlar faol ishlashi lozim.
Demak, endigi qat’iy vazifa qaysi barmoqlar uchun qaysi harflar biriktirilganligini barmoqlarga yodlatish va mashq qilish. Avvallari klaviaturaga qarab harf terib yurgan kishi buni uddalashga qiynaladi va avvalgidek davom etishni ma’qul ko’radi. Lekin, yana klaviaturaga ko’z tashlab yozishda davom etsangiz hozirgi tezligingizdan nari o’tolmaysiz. Ko’zingiz faqat monitorda bo’lib harf teradigan bo’lsangiz ko’p urinishlardan so’ng yuqori tezlikda, osongina qiynalmasdan yoza boshlaysiz. Ushbu videoga qarang, qanchalik tez yozyapti:


O’zingizga aniq vaqt belgilab qat’iy maqsad qo’ysangiz bunday tezlikda yozish siz uchun oddiy ish bo’lib qoladi.

Klaviaturada tez yozishni o’rgatuvchi dastur va onlayn servislar

Kampyuterda tez yozishni o’rgatuvchi dasturlar juda ko’p. Ulardan biri bo’lgan harf terishni bosqichma-bosqich o’rgatuvchi “stamina” dasturidair. Dasturni stamina.ru saytidan yuklab olishingiz mumkin. Dasturni o’rnatganingizda sizga harf terishni mashq qilish uchun bir necha variantlar taqdim etiladi.
Klaviaturada tez harf terishni onlayn o’rgatuvchi bepul servislar ham bor. Bu borada Typingweb.com xizmatidan foydalanib ko’ring. Saytdan ro’yhatdan o’tishingiz kerak. Keybr.com sayti ham sizning tez yoza olishingiz uchun mashqlar taqdim etadi.
Klaviaturada juda tez yozish bu erishib bo’lmas choqqi emas. Qunt bilan ko’p mashq qilish evaziga tez yozish malakasiga ega bo’lasiz. Harf terishda ko’zingiz baribir klaviaturaga yugurayotgan bo’lsa barmoqlaringiz harflarni yodlab olgandan so’ng har bir harf tugmalari stiga oson ko’chadigan qilib qog’oz yopishtirib chiqing. Shunday qilganingizda barmoqlaringiz tez ishlashga majbur bo’ladi.

Maqola yoqdimi? Iltimos, saytni ommalashtirishga yordam berib ijtimoiy sahifadagi do'stlaringizga ma'lum qiling.
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

Loading...
error: Kontent himoyalangan!