UYDA QOLING!

Psixologik immunitet nima?

“Immuniteti past odam darrov shamollab qoladi” deyishadi. Buni hammamiz bilamiz.

Psixologik immunitet haqida eshitganmisiz?

Sal gapga arazlaydigan, yig`laydigan va shu sababli darrov janjallashib ketadigan odamlarning psixologik immuniteti o`ta past bo`ladi. Bundaylar darrov depressiyaga tushib qolishadi va psixologik yordamsiz chiqishga ancha qiynalishadi.

Psixologik immunitetni qanday qilib oshirish mumkin?

Agar tana immuniteti jismoniy chiniqish orqali kuchaytirilsa, psixologik immunitet ruhiyatni chiniqtirish orqali kuchaytiriladi.

Avvalombor inson ilmli bo`lishi kerak. Ilmli degani oliy ma’lumotli bo`lish degani emas. Har bir inson, tarbiya borasidagi kitoblarni o`qib, ibrat beruvchi hikoyalarni tinglab, hayot tajribasiga ega bo`lgan insonlar suhbatini tinglab, ruxiy tarbiya haqidagi kitoblar o`qisa psixologik immunitet shakllanib boradi.

Bunday odamlar kuchli xarakter sohiblariga aylanishadi. Ularni xafa qilish o`ta mushkul, ular hayot zarbalariga o`ta bardoshli bo`ladi, ko`zlagan maqsadiga oson erishadi. Ilm, ko`nikma va hayot tajribasi asosida qilingan har qanday xulosa psixologik immunitetni yanada kuchaytiradi, boz ustiga ilmli odamni hech kim so`ndira olmaydi, kuchi ham yetmaydi.

Bundaylarga hammaning havasi keladi, har kim ularga o`xshashga harakat qiladi, xatto yoshi katta insonlar ham ularning suhbatiga sherik bo`lishga intilishadi.

Avvalgi hayotingizga bir nazar tashlang, qaerda xatoga yo`l qo`ydingiz, qaerda sizni kim xafa qildi va nega xafa qildi, balki shu vaziyatga tushishga sizning o`zingiz aybdordirsiz. Ishonamanki, siz o`z ustingizda ishlab kuchli shaxsga aylanasiz va ushbu SHAXS himoyachisi – bu Sizning immunitet bo`ladi!

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: