O’qituvchilar uchun metodik kunlar qay tartibda belgilangan?

Metodik kun pedagog xodim o’zining siyosiy, ilmiy-nazariy hamda madaniy saviyasini va pedagogik mahoratini muntazam oshirishi uchun belgilanadi.

Umumta’lim muassasalarida metodik kunlar Xalq ta’limi vazirligining 2006 yil 20 sentyabrdagi 229-sonli buyrug’iga asosan quyidagicha belgilangan:

    Dushanba – matematika, fizika, informatika

    Seshanba – CHYOT, o’zbek tili, rus tili, ona tili va adbiyot

    Chorshanba – geografiya, kimyo, biologiya

    Payshanba – musiqa, texnologiya, tasviriy san’at va chizmachilik, tarix, milliy istiqlol g’oyasi va ma’naviyat asoslari turkumiga kiruvchi fanlar

    Juma – xorijiy tillar (ingliz, nemis, fransuz tili), jismoniy tarbiya fani o’qituvchilarining metodik kunlari hisoblanadi.

Direktorning o’quv-tarbiyaviy ishlar va ma’naviy-ma’rifiy ishlar bo’yicha o’rinbosarlari, psixolog, kutubxonachi, yoshlar yetakchisi va boshqa xodimlarning metodik kunlari mavjud sharoitdan kelib chiqqan holda belgilanadi.
Umumiy o’rta ta’lim maktablari o’qituvchilari hamda direktor o’rinbosarlari metodik kunlarida dars jadvaliga dars qo’yilmaydi.
Umumiy o’rta ta’lim maktablari o’qituvchilari hamda direktor o’rinbosarlarining metodik kunlarining ish yuklamasini belgilash va taqsimotini amalga oshirsh quyidagi hujjatlar asosida amalga oshiriladi:

    maktab direktori o’rinbosari va o’kituvchining yillik ish yuklamasining oylar bo’yicha taqsimoti;

    maktab direktori o’rinbosari va o’qituvchining o’z ustida ishlash rejasi;

    umumiy o’rta ta’lim maktablarining ish rejalari;

Umumiy o’rta ta’lim maktablari o’qituvchilari hamda direktor o’rinbosarlarining metodik kunlari 1548 soat, direktor o’ribosarlari 1720 soat ish yuklamasi tarkibidan 160 soat (haftasiga 4 soat) belgilanib quyidagi ishlar amalga oshiriladi:

    kutubxonada ishlash;

    darsga tayyorgarlik ko’rish dars ishlanmalar yozish;

    ilg’or texnologiyadan foydalanib, dars o’tayotgan o’qituvchilarning darsini kuzatish;

    seminar va seminar-o’qishlarda qatnashish.

Umumiy o’rta ta’lim maktablari o’qituvchilari hamda direktor o’rinbosarlari metodik kunlarida bajaradigan ishlari bo’yicha o’z ustida ishlash rejasini tuzadilar. Bu reja maktab direktori tomonidan tasdiqlanadi. Ish rejaning bajarilishini nazorat qilish uchun bir nusxasi maktab direktorida saklanadi. Rejaning bajarilishi va bilim qay darajada oshirilganligi yuzasidan hisobotlar fanlar bo’yicha metod-birlashmalarda, metodik kengashlarda va direktor qoshidagi ishlab chiqarish yig’ilishlarida eshitilib borilishi lozim.

Maqola yoqdimi? Iltimos, saytni ommalashtirishga yordam berib ijtimoiy sahifadagi do'stlaringizga ma'lum qiling.
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: