UYDA QOLING!

O’qituvchi qalbidagi gaplar hazil she’rlarda

O’qituvchilar uchun hazil ammo tagida chuqur ma’no kasb etgan she’rlarni jamladik. Bu sizning qalbingizdagi so’zlarni ham ifoda etsa ajab emas!

She’rlarni turli internet manbalardan to’plaganimiz bois ba’zilarining muallifini bila olmadik. Menimcha muhimi bu emas, albatta. Ushbu hazil she’rlarni kayfiyatni ko’tarish, lablarga tabassum yugurtirish, ba’zi armonlarni hazilomuz oshkor qilish uchun e’tiboringizga havola etilmoqda.

ustamasiz qolasan

Ustozlarda ko’p mish mish,
Ustamalar osharmish.
Bu ustama deganin
Misqollab xo’p yig’armish.
Har bir bola bahosin,
Atayin ko’tarasan.
Agar bunday qilmasang,
Ustamasiz qolasan.
O’tgan yilgi jurnallar,
Hisobini olasan.
Agar shuni qilmasang,
Ustamasiz qolasan.
Portfilyoni yig’asan,
Darsni bir chetga surib,
Agar uni yig’masang
Ustamasiz qolasan.
Ochiq darslar o’tasan,
Beshta sinfni qo’shib,
Agar uni o’tmasang,
Ustamasiz qolasan.
Ustozlar darsini sen,
Xo’p analiz qilasan.
Agar shuni qilmasang,
Ustamasiz qolasan.
Maktab tadbirlarida
Tinmay faol bo’lasan.
Agar shuni qilmasang,
Ustamasiz qolasan.
Tuman, shaxar viloyatda,
O’rinlarni olasan,
Agar ololmay qolsang,
Ustamasiz qolasan.
Elektron jurnal deb,
Noutbuklar olasan,
Agar olmayman desang,
Ustamasiz qolasan.
Juma kunlar Masjidda
Qoravul ham bo’lasan,
Agar bir bormay qolsang,
Ustamasiz qolasan.
Xullas o’yla ishlar ko’p,
Ba’zilarin unutdim.
Agar uyingga borsang,
Ustamasiz qolasan.
Unut bola chaqangni,
Tezroq balingni to’pla.
Agar to’play olmasang,
Ustamasiz qolasan.
Qaysi axmoq fikri bu,
Tinmay ballarni to’plash?
Xoy jim, sekin gapir,
Ustamasiz qolasan.
Xullas bechora ustoz,
Eshshakdayin bal yig’ar.
Uyiga maosh emas,
Hujjatlarni obketar.
Ballarni yig’ib yig’ib,
Vaqtlari xo’p ketadi.
Va nihoyat qabriga,
Ustama obketadi.

Hujjatlar bir kun jam bo’ldi

Hujjatlar bir kun jam bo’ldi
Konspektdan tahlilga qadar
Eng birinchi konspekt keldi
So’ngida-chi tahlil darbadar

Bilimni taklif qilmadilar ham
Uni ta’lim bilmadilar ham
Maqtandilar rosa o’zaro
Kelib chiqdi oxir muammo

Konspekt darsning boshiman derdi
Tahlil daftar ko’ksini kerdi
Ish yuklama oylikman derdi
Chorak testlar qolishmas erdi

Sinf papka uyalmasdan hech
Maqtandi-ku ne so’z kelsa duch
Xullas kalom, barcha hujjatlar
Shon- shuhratga juda bo’ldi o’ch

Shu payt nogoh KRU kelib qoldi
Hujjatlar ham, duv qochib qoldi
KRU yig’ ib o’quvchilarni
Tekshirdi-ku rosa ularni

Shu gaplardir sizlarga qissa
Ushbu erur qissadan hissa,
Ming zo’r bo’lsin qog’oz, hujjatlar
Aslo qilmang BILIMni izza

Gar bo’lmasa bilim, ko’nikma
Zo’r hujjat ham ip esholmaydi
Yig’ilsa ham barcha hujjatlar,
BILIMliga teng kelolmaslar

Ustamaga qurt tushdi

Kòtardilar oylikni
Kòpaytirib boylikni
Qarang xoyna xoylikni
Ustamaga qurt tushdi

Kattalarni kallasi
Ishlab bitta pallasi
Mana endi allasi
Ustamaga qurt tushdi

Qirqishga qolmay qoģoz
Qaddilari bòlib ģoz
Mana yana oylik oz
Ustamaga qurt tushdi

Xurmat qilib bizlarni
Uzatsin deb qizlarni
Qirqib necha yuzlarni
Ustamaga qurt tushdi

Bizdan boshqasi yòqmi
Qorni och yoki tòqmi
Òylamay otgan òqmi
Ustamaga qurt tushdi

«Muallim» lar deb qòydi
Poyimizga qòy sòydi
Ikki qop unni yeb qòydi
Ustamaga qurt tushdi

Yòqmi boshqa nayranglar
Moliyani qayranglar
Bizlar misli garanglar
Ustamaga qurt tushdi.

Mendirman o’sha

Maktab uchun ko’ksim tog’ qalqondir shanim
Tadbir desa shamolday uchar qadamim
Bir kun agar bormasam yo’q halovatim
Patriotlik menga taqdiri azal

Kim har oyda tadbir qilsa mendirman o’sha
Kim ishidan to’rtda qaytsa mendirman o’sha
Mendirman o’sha

Maktabning sinf xonasi uyimdan ulug’
Darvoza mehmonxona oshxonamdan ulug’
Nada to’y nada aza joyimdan ulug’
Ming joydan maktabim klubi afzal

Sinfim qurigan guli alafdir menga
O’quvchilarim go’yo bolamdir menga
Sinf rahbari bo’lmoq sharafdir menga
Ustoz uchun oylikning millioni afzal

Kim go’shtini qarzga olsa mendirman o’sha
Kim formani qarzga kiysa mendirman o’sha
Mendirman o’sha

Kun keladi mehnatim meva bergaydir
Oyligim oshib ketib dollor bo’lgaydir
Kun kelar o’quvchim o’rin olgaydir
Millionlab mukofotlar yozilar shunda.
Kim. o’z kasbidan baxtni topsa mendirman o’sha.!!!

Oyligimiz oshibdi

Tush ko’ribman, tushimda,
Boyligimiz oshibdi.
Qaydan boy bo’ldik desam,
Oyligimiz oshibdi.

Qizg’onib har so’zimni,
Mag’rur tutdim o’zimni,
SHira bosdi ko’zimni,
Oyligimiz oshibdi.

Choyxonada har kun osh,
Ta’zimdamish keksa-yosh,
Oz ishga katta maosh,
Oyligimiz oshibdi.

Yo’q emish paxta terish,
Yo’q emish kotej qurish,
Qolmabdi biror tashvish,
Oyligimiz oshibdi.

Kaptivamiz bor emish,
Doim omad yor emish,
Hamma bizga zor emish,
Oyligimiz oshibdi.

Uy qurib misli saroy,
Ko’rsatib husnu chiroy,
Ilm ahli bo’lmish boy,
Oyligimiz oshibdi.

Uyg’onsam, bir tush ekan,
Tush ekan, xo’p xush ekan.
Mustafo sarxush ekan,
Oyligimiz oshibdi

Rosa oshib ketdiku, o’qituvchining oyligi

Rosa oshib ketdiku,
O’qituvchining oyligi,
Sandiqlarga sig’armikin,
Shuncha topgan boyligi!!!

Bundan keyin ustozlar,
Kaptivada yurarmish,
Bir etaj uyni buzib,
Ikki etaj qurarmish!!!

Tushlikda ham yo shashlik,
yoki grill yeyishar,
Mastava va lagmonni,
Nima o’zi u deyishar!!!

Maktabning oldi har kun,
Mashinaga to’larkan,
Kutubxonachi Sparkiga,
Joy ham yetmay qolarkan!!!

Kecha uch-to’rt o’qituvchi,
Galaxy S9 oldi,
Maktabda J 5 ishlatadigan,
Bitta qorovul qoldi!!!

Hammayoqda duv duv gap,
Hamma hayron hamma lol,
O’qituvchilar dollardan,
Kassa o’ynar bemalol!!!

matematika fani o’qituvchisi,
O’tgan kun to’y qildi qarang,
San’atkor ko’p, Sherali,
Bir dona qo’shiq aytdi arang!!!

O’qituvchilar boy bo’lsa,
Juda qiziq bo’larkan,
Hayoldagi bu gaplarga,
Ishonib ham qolarkan!!!

USTAMAJON

Ustamjon hoy ustama,
Tashvishlarga boy ustama,
Senga qo’lim yetmas mening,
Osmondagi oy ustama.

O’tar umr poezdlari,
Senga yetgan qaddin ursin,
O’ttiz besh,qirq foizlaring,
Tushlarimga kirib tursin.

YUragimda armon unar,
G’aming dilga botib ketdi,
Tishlay desam,tishim sinar,
Buncha noning qotib ketdi.

Ustamajon,jon ustama,
G’urbatlarga kon ustama,
Ayro tushdi yo’llarimiz,
Netay bag’rim qon ustama.

Sen humosan,sen ohusan,
Bilmam qachon ovlanasan,
Har hil libos kiyib,buncha,
Tovusdayin tovlanasan.

Sinfim yo’qdir mening do’stlar,
Nohaqlikni suygim kelmas,
Dars uqmaganBilmasvoy»ga,
Atay Besh»lar qo’ygim kelmas.

YAna qancha bandlaring bor,
Tikonmisan,gulmisan ayt,
Qalbim yonar,sendan tonar,
Olovmisan,kulmisan ayt.

Ustamajon, hur ustama,
Qaddi-basting ur ustama,
Uchrashmasmiz endi boshqa,
Tushlarimga kir ustama.

XURSHID KARIM.

Litsenziya kerakmi?

To’rt yil o’qib pedagog,
So’ngra ishga kelmasmi?
Diplom o’zi ustozga,
Litsenziya emasmi?

Attestatsiya, rag’bat,
Bellashuvlar bir sinov.
Litsenziya ham bizga,
Bo’lmasmi bitta egov.

Sal uyaling ustozni,
Ming sinovga tashlashga,
Imkon bering maktabda,
Ozroq erkin ishlashga!

Muzrob Mo’minov
Ishtixon tumanidagi 59-maktab oliy toifali matematika fani o’qituvchisi, «O’zbekiston Respublikasi Xalq ta’limi a’lochisi»

Ustamaga mehr qo’ydim

Ustamaning zõrligini bilib qoldim, Zir yugurib, tõrt tomonga yurib qoldim,
She’r yozaymi? maqolami, feletonmi-yo?
Õz-õzimga savolimni berib qoldim.

Osh desalar, shullaoyni qilib qõydim,
Silab-siypab, yorginamga berib qõydim,
Mehmon kelsa, ğiybatni ham surib qõydim,
Ustamaning ustunligin bilib qoldim.

Tong saharda kelib qolsa ilhom pari,
Qoğozim yõq, axtaraman qalamimni,
Dadasi ham shovqun solar Tutub keltir õğrivoyni».
Mengina ham indamasdan kulib qõydim.

Õquvchimni adashtirdim Shodivoyga,
Xayol surib ketayotib, tahririyatga,
Ilhomim ham kelaverib qildi garang,
Konspektni mudray-mudray yozaman arang.

Nishon tumani 38-õrta ta’lim maktabining ona tili va adabiyot fani õqituvchisi SAODATOVA MUBORAK SODIQOVNA

Yana yangi jadval keldi

Shu oy rosa charchadim,
Jadval qilib tinmadim.
Xali chiqmay charchog’im,
YAna yangi jadval keldi.

Tugamagandi xali avvalgisi,
Sal boshqacharoq bu galgisi.
Qo’l titraydi asab belgisi,
YAna yangi jadval keldi.

Do’q urishadi «qaramaysanmi — xato!,
Ishlasang bo’lmaydimi bexato!»,
Ishoning, tushimizda ham xatto,
YAna yangi jadval keldi.

Telegramga qarashga yurak bezor,
Qara deydi har soatda bir bor.
Qarasang, telegramdayam aniq bor,
YAna yangi jadval keldi.

Ey do’stim, kuyinma sen buncha,
Umr o’tar jadval to’lguncha,
Hatto shu she’ring ham bitguncha
YAna yangi jadval keldi.

O’qituvchilar yili qachon bo’lar ekan?

Har bolani bolasidek suyar ekan,
USTOZ» desa, qalbi fahr tuyar ekan,
Shamoldayin shoshayotgan yillar ayting,
O’QITUVCHILAR» yili qachon bo’lar ekan.

O’qituvchining baxt quyoshi kulib bo’ldi,
Qalb qo’’rlari quvonchlarga to’lib bo’ldi,
Mish -mishlarda ular yili bo’lib bo’ldi,
O’QITUVCHILAR» yili qachon bo’lar ekan.

Mana ular oyliklari oshib ketdi,
Narx-navo ham daryo kabi toshib ketdi,
USTAMALAR» qay yerlarga qochib ketdi,
O’QITUVCHILAR» yili qachon bo’lar ekan.

Vatan chaman,biz chamanning gullarimiz,
Taraqqiyot,ravnaq tomon yo’llarimiz,
Kutayapti intiq bo’lib dillarimiz,
O’QITUVCHILAR» yili qachon bo’lar ekan.

Dunyolarni yoritgan ham o’sha ustoz,
Nur-ziyoni taratgan ham o’sha ustoz,
Hammasini o’qitgan ham o’sha ustoz,
O’QITUVCHILAR» yili qachon bo’lar ekan.

Ustoz bu kun jamiyatning guli bo’ldi,
Qadri baland,ibrat,o’rnak yo’li bo’ldi,
Tadbirkorlar,shifokorlarlar yili bo’ldi,
O’QITUVCHILAR» yili qachon bo’lar ekan.

INTERNETLAR» to’la bugun yolg’onlarga,
YOlg’on habar sochayapti har yonlarga,
Orzularni alishmaymiz armonlarga,
O’QITUVCHILAR» yili qachon bo’lar ekan.

XURSHID KARIM.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: