O’qituvchilar uchun rejalashtirilayotgan testlar qanday tartibda o’tkaziladi?

O’qituvchilar uchun rejalashtirilayotgan testlar qanday tartibda o’tkaziladi?

Isroil Tillaboyev Xalq ta’limi vazirligi matbuot kotibi Laylo Rustamovaga o’qituvchilar o’rtasida o’tkazilishi rejalashtirilayotgan testlar yuzasidan savollar berdi.

Isroil Tillaboyev: Assalomu alaykum xurmatli Laylo Rustamova, sizdan shu kunlarda muhokamada bo’layotgan, pedagoglardan o’tkaziluvchi test sinovlari haqida ba’zi savollarimizga javob olmoqchiydim, rejalanayotgan testlar Sirdaryo va Surhondaryo viloyatlarida qanday bo’lib o’tdi?
Laylo Rustamova:
O’zbekiston Respublikasi Prezidenti SH.Mirziyov huzurida xalq ta’lim tizimida amalga oshirilayotgan islohotlar va kelgusidagi vazifalarga muhokamasiga bag’ishlangan yilish bayonlarida belgilangan vazifalar doirasi 2019 yil Sirdaryo va Surxondaryo viloyatlarida umumta’lim maktablari o’qituvchilarining bilimi Vazirlar Mahkamasi huzuridagi Davlat test markazi bilan hamkorlikda test sinovidan o’tkazildi. Jumladan, ushbu test sinovlarida Sirdaryo viloyatidan 12 ming nafarga yaqin, Surxondaryo viloyatidan 32 minga nafarga yaqin o’qituvchilar ishtirok etdi.
Isroil Tillaboyev:
O’sha viloyatlarda o’tkazilgan testlar natijasida o’qituvchilarga qanday ishlar amalga oshirildi? Deylik past ballar olgan o’qituvchilar bilan?
2019 yil dekabr oyidan boshlab mazkur viloyatlardagi o’qituvchilarning test sinovi natijalari asosida fanlar kesimida bilim darajalari past, o’rta va yuqori toifalarga bo’lingan holda guruhlarga ajratib, har bir o’qituvchi uchun individual malaka oshirish rejalari ishlab chiqildi. Rejaga muvofiq ularning kasb-mahorati va bilimini oshirishga qaratilgan malaka oshirish kurslari joriy etildi.
Isroil Tillaboyev:
Sirdaryo va Surhondaryo viloyatila qanday testlar tushgan edi?
Laylo Rustamova:
Sirdaryo va Surxondaryo viloyatlarida o’qituvchilardan test o’tkazishda Davlat test markazining bazasidagi mavjud fanlar bo’yicha mutaxassislik fani hamda ayrim mutaxassisliklar bo’yicha turdosh fanlarda test sinovlari tashkil etilgan.
O’zbekiston Respublikasi Prezidenti SH.Mirziyov huzurida
2020 yil 2 mart kuni bo’lib o’tgan yig’ilish bayonida Sirdaryo va Surxondaryodan tashqari qolgan barcha hududlardagi maktab o’qituvchilarining bilimlarini test sinovi orqali diagnostika qilish vazifasi belgilangan.

Isroil Tillaboyev
Bu yil barcha xududlarda o’tkazilishi mo’ljallanayotgan testlarda qaysi fan o’qituvchilari qatnashishadi?

Laylo Rustamova:
YUqoridagi tajribalardan kelib chiqib, Davlat test markazining bazasida mavjud fanlar doirasida unga mos keluvchi fan o’qituvchilarini test sinovi jarayonlariga jalb etish rejalashtirilgan.

Isroil Tillaboyev:
Laylo Rustamova, boshlang’ich sinf o’qituvchilaridan ko’plab savollar kelgan, ularoa qaysi fanlardan savol tushishi mumkinligi haqida bilishmoqchilar…?

Laylo Rustamova:
YUqoridagilarga qo’shimcha ravishda, o’qituvchilarning asosiy kontingentini tashkil etuvchi boshlang’ich ta’lim o’qituvchilari (120 mingga yaqin) ham test sinoviga jalb etiladi. Boshlang’ich ta’lim o’qituvchilari uchun A.Avloniy nomidagi Xalq ta’limi tizimi rahbar va mutaxassis xodimlarini qayta tayyorlash va malakasini oshirish instituti mutaxassislari tomonidan Boshlang’ich ta’lim o’qituvchilarining malakasini oshirish kurslarining amaldagi dasturlari doirasida test savollari tuziladi va ekspertizadan o’tkazgan holda amaliyotda qo’llaniladi.

Isroil Tillaboyev:
O’qituvchilarga savollar soni nechta bo’ladi, turli doiradan bo’ladimi yoki mutaxassislikdanmi?

Laylo Rustamova:
Bu yilgi oliy ta’lim muassasalariga kirish test sinovi tajribalaridan kelib chiqqan holda, o’qituvchilarni mutaxassislik fani bo’yicha 30 ta test savollari asosida sinovdan o’tkazish taklifi kiritilgan.

Isroil Tillaboyev:
Ushbu testlar natijasiga qarab kelgusi yil uchun dars soatlari bo’linishi haqiqatmi?

Laylo Rustamova:
O’qituvchilar o’rtasida bo’lib o’tadigan test sinovlaridan asosiy maqsad o’qituvchilarning bilim darajalarini o’rgangan holda ular uchun tezkor, muqobil (masofiy, qisqa muddatli, kredit modul va h.k.) malaka oshirish tizimini yo’lga qo’yishdan iborat. Test natijalariga qarab maktablarda o’qituvchilar o’rtasida darslar taqsimotini yo’lga qo’yish masalasi kun tartibida yo’q.

Isroil Tillaboyev:
Testlar navbatdan tashqari attestasiya o’rnini o’taydimi, unda qatnashish pullikmi?

Laylo Rustamova:
Test jarayonlarida o’qituvchilarning ishtiroki mutlaqo bepul va bu test jarayonlarining pedagog kadrlar attestasiyasiga umuman aloqasi yo’q.

Isroil Tillaboyev:
Davlat tilidan dars beruvchi ustozlar ham ko’plab e’tirozlar bildirishgan, ya’ni ularga attestasiya jarayonida va yoki Sirdaryoda ona tili va adabiyoti fanidan testlar tushgan ekan, ularga bu dastur mutlaqo dars jarayoniga mos emasligini aytishmoqda, ushbu fan o’qituvchilari uchun testlar qanday beriladi?

Laylo Rustamova:
Test savollari asosan 3 ta tilda (Davlat test markazining bazasida mavjud tillarda) bo’lib o’tadi. Davlat test markazi bilan kelishilgan, davlat tilidan dars mashg’ulotlar olib boradigan o’qituvchilarga «Davlat tili» fanidan umumiy o’rta ta’lim maktabi bitiruvchisiga qo’yilgan malaka talablariga muvofiq test savollari beriladi.

Isroil Tillaboyev:
Test jarayonida muammolar vujudga kelsa qaysi organga murojaat qilish kerak?

Laylo Rustamova:
Test jarayonlarini tashkil etish, testlarni yechish uchun vaqt belgilash, testlarning mazmuni, test jarayonida yuzaga kelishi mumkin bo’lgan savollar yuzasidan Vazirlar Mahkamasi huzuridagi Davlat test markaziga murojaat etish maqsadga muvofiq.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: