Nomli davlat stipendiya sohiblari magistraturaning turdosh bo’lmagan mutaxassisliklarga ham imtihonsiz qabul qilinadimi?

Nomli davlat stipendiya sohiblari magistraturaning turdosh bo’lmagan mutaxassisliklarga ham imtihonsiz qabul qilinadimi?

Huquqshunos Xushnudbek Xudoyberdiyev ushbu masalani izohlab o’tdi.

JAVOB: Yo’q, ularning imtiyozi turdosh bo’lmagan mutaxassisliklarga o’tmaydi.

Vazirlar Mahkamasining 20.06.2017 yildagi 393-sonli qarori bilan tasdiqlangan nizomning 7-bandida quyidagicha qoida belgilangan:

«O’zbekiston Respublikasi Prezidentining davlat stipendiyalari va nomli davlat stipendiyalari sovrindorlari, Zulfiya nomidagi Davlat mukofotlari sohibalari, shuningdek «Mard o’g’lon» davlat mukofoti sohiblari bo’lgan oliy ta’lim muassasalari talabalari va bakalavr darajasiga ega yoshlar oliy ta’lim muassasalari magistraturasiga bakalavriatning ta’lim yo’nalishiga mos va turdosh mutaxassisliklarga tanlovdan tashqari alohida davlat grantlari asosida qabul qilinadilar».

Bundan kelib chiqadiki, agar yuqoridagi imtiyozlardan birortasi mavjud bo’lgan abiturient magistraturaning turdosh bo’lmagan mutaxassisligiga hujjat topshirmoqchi bo’lsa, unda ularga imtiyoz qo’llanmaydi va umumiy asoslarda imtihonga kirishadi.

Bu mantiqan ham to’g’ri, filologiyani tugatgan talaba filologiya yo’nalishidagi mehnatlari uchun davlat stipendiyasini qo’lga kiritgan bo’lsayu, lekin hujjatini iqtisod mutaxassisligiga topshirsa, unda kechirasiz, avval iqtisod bo’yicha yetarli bilimlarga ega ekanligini isbotlasin, ana undan so’ng, magistraturaga qabul qilinishi mumkin.

ESLATMA: yuqoridagi imtiyozi bor abiturientlar magistraturaga tanlovdan tashqari alohida davlat grantlari asosida qabul qilinadi. YA’ni qaysidir mutaxassislikda 1ta grant o’rni bo’lsa, o’sha mutaxassislikka Prezident stipendiyasini olgan talaba hujjat topshirsa, u 1ta grant o’rnini band qilmaydi, balki alohida kvotaga kiradi, boshqacha aytganda hech kimga xalaqit bermaydi.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: