Nega magistratura bosqichida o’qishni ko’chirishga ruxsat berilmaydi?

Nega magistratura bosqichida o’qishni ko’chirishga ruxsat berilmaydi?

Magistratura oliy ta’limga kirmaydimi?

Ushbu anonim murojaatda muallifi nima sababdan magistratura bosqichida o’qishni ko’chirish mumkin emas? degan savol bilan bir necha yurist va advokatlarga murojaat qilib, tayinli javob ololmaganini ma’lum qilgan.

Ushbu savolga AOKA huzurida tashkil etilgan brifingda Oliy va o’rta maxsus ta’lim vazirligi axborot xizmati rahbari Farxad Babashev quyidagicha javob berdi:

– Respublika OTMlariga, shu jumladan xorijiy OTMlardan talabalar o’qishini ko’chirish Vazirlar Mahkamasining 2017 yil 20 iyundagi 393-son qarori bilan tasdiqlangan Oliy ta’lim muassasalari talabalari o’qishini ko’chirish, qayta tiklash va o’qishdan chetlashtirish tartibi to’g’risidagi Nizomga muvofiq amalga oshiriladi.

Mazkur Nizomning 23 (2)-bandiga muvofiq xorijiy oliy ta’lim muassasalarining magistratura bosqichida tahsil olayotgan talabalar o’qishini O’zbekiston Respublikasi oliy ta’lim muassasalariga ko’chirilishiga ruxsat etilmasligi belgilangan.

Vazirlar Mahkamasining 2015 yil 2 martdagi 36-son qarori bilan tasdiqlangan Magistratura to’g’risidagi Nizomga muvofiq magistratura talabalariga birinchi o’quv yilining birinchi ikki oyida magistrlik dissertasiyalari mavzulari va ularga biriktirilgan ilmiy rahbarlar tasdiqlanadi.

Magistratura talabalarining magistrlik dissertasiyalarini tayyorlash jarayoni birinchi kursning birinchi semestridan boshlanadi. Magistratura talabalari o’qishining ko’chirilishi natijasida ularning qolgan muddatda magistrlik dissertasiyalarini yangidan belgilangan talablar darajasida tayyorlash imkoni mavjud emas.

Yuqoridagilarga ko’ra, magistratura bosqichida talabalar o’qishini ko’chirish maqsadga muvofiq emas deb hisoblanadi.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: