MMIBDO’ UCHUN MUHIM YANGILIK

MMIBDO’larning nomenklatura hujjatlari yig’ma jildi 19 ta papkadan 7 ta papkaga qisqartirildi!!!

Ancha vaqtdan buyon Ma’naviy-ma’rifiy ishlar bo’yicha direktor o’rinbosarlarining ish yuritish bo’yicha nomenklatura (yig’ma jild papkalari) hujjatlarining aniq soni va nomlari bo’yicha ko’plab muammolar yuzaga kelayotgan edi.

Albatta, bu muammolarni bartaraf qilish maqsadida O’zbekiston Respublikasi xalq ta’limi vazirining 2016 yil 4 fevraldagi 33-sonli buyrug’i bilan tasdiqlangan “Umumiy o’rta ta’lim maktabi ma’naviy-ma’rifiy ishlar bo’yicha direktor o’rinbosarining faoliyatiga doir me’yoriy hujjatlar ro’yxati”ga asosan Farg’ona viloyati, Qo’shtepa tumani xalq ta’limi bo’limiga qarashli 21-sonli umumiy o’rta ta’lim maktabining ma’naviy-ma’rifiy ishlar bo’yicha direktor o’rinbosari – Ulug’bek Po’latov tomonidan nomenklatura yuritish yo’riqnomasi ishlab chiqilgan edi.

Nihoyat, 2019 yil 29 avgust kuni Xalq ta’limi vazirining 282-sonli buyrug’i tasdiqlandi.

Ushbu buyruqqa asosan “Umumiy o’rta ta’lim muassasasining ma’naviy-ma’rifiy ishlar bo’yicha direktor o’rinbosari faoliyatini tashkil etish to’g’risida muvaqqat nizom” tasdiqlanib, bu nizomda Ma’naviy-ma’rifiy ishlar bo’yicha direktor o’rinbosarlarining ish yuritish bo’yicha nomenklatura (yig’ma jild papkalari) hujjatlarining aniq soni va nomlariga alohida to’xtalib o’tildi.

Nizomga muvofiq Ma’naviy-ma’rifiy ishlar bo’yicha direktor o’rinbosarlarining ish yuritish nomenklatura (yig’ma jild papkalari) hujjatlari quyidagicha belgilandi:

    1. Yillik ish reja va ijrosi yuzasidan hujjatlar to’plami (yuqori tashkilotlar rejasi, muhim tashabbuslar va ta’lim muassasasi umumiy rejasiga muvofiq ishlab chiqilgan /tasdiqlangan/ ish rejasi, undagi tadbirlarning bajarilishi yuzasidan tegishli hujjatlar va hisobotlar)

    2. Voyaga yetmaganlar o’rtasida nazoratsizlik va huquqbuzarliklarning profilaktikasiga doir hujjatlar to’plami (voyaga yetmaganlar ishlari idoralararo komissiya /IIV va ichki ro’yxatga olingan o’quvchilar/, odam savdosiga, giyohvandlikka, diniy ekstremizm va aqidaparastlikka, OITSga qarshi kurash, yul harakati va yong’in xavfsizligi yunalishiga oid yuqori tashkilotlar rejasiga muvofiq ishlab chiqilgan /tasdiqlangan/ ta’lim muassasasining tadbirlar rejasi, undagi tadbirlarning bajarilishi yuzasidan tegishli hujjatlar va hisobotlar)

    3. “Oila-mahalla-ta’lim muassasasi” hamkorligi Jamoat kengashi faoliyatiga doir hujjatlar to’plami (yuqori tashkilotlarning /shu jumladan xotin-qizlar qo’mitasi/ hamkorlik rejasiga muvofiq ishlab chiqilgan /tasdiqlangan/ ta’lim muassasasining tadbirlar rejasi, undagi tadbirlarning bajarilish yuzasidan tegishli hujjatlar va hisobotlar)

    4. Milliy g’oya va ma’naviyat asoslari turkumiga kiradigan fanlar, tarbiyaviy soatlar o’qitilishiga hamda sinf rahbarlari uslubiy birlashmasi faoliyatiga doir hujjatlar to’plami (ushbu yunalishga doir hujjatlar bilan birga mobil telefonidan foydalanish tartibi, muassasaning ichki tartib qoidalari, odob- axloq qoidalariga oid tadbirlar rejasi, undagi tadbirlarning bajarilishi yuzasidan tegishli hujjatlar va hisobotlar)

    5. O’quvchilar davomatiga doir hujjatlar to’plami (yoshlar yetakchisi tomonidan umumlashtirilgan va xalq ta’limi bo’limiga taqdim etilgan davomat bo’yicha ma’lumotlar, muntazam va surunkali dars qoldiruvchi o’quvchilar va noqobil oila farzandlari bilan olib boriladigan tadbirlar rejasi, undagi tadbirlarning ijrosi yuzasidan tegishli hujjatlar)

    6. Yil nomlanishi va yoshlar siyosatiga oid davlat dasturlari ijrosiga doir hujjatlar to’plami (yuqori tashkilotlar rejasiga muvofiq ishlab chiqilgan /tasdiqlangan/ tadbirlar rejasi, undagi tadbirlarning bajarilishi yuzasidan tegishli hujjatlar va hisobotlar)

    7. O’quvchilarning bo’sh vaqtlarini mazmunli tashkil etish, to’garaklar faoliyati va ta’til kunlariga doir hujjatlar to’plami (fanlar, muhim tashabbuslar doirasida to’garaklarni faoliyatini tashkil etish va o’quvchilarni jalb etish rejasi, shuningdek, ta’til rejalari, undagi tadbirlarning bajarilishi yuzasidan hisobotlar)

Maqola yoqdimi? Iltimos, saytni ommalashtirishga yordam berib ijtimoiy sahifadagi do'stlaringizga ma'lum qiling.

Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: