Klinik limfologiya milliy maktabini tashkil etish masalasi muhokama etildi

Klinik limfologiya milliy maktabini tashkil etish masalasi muhokama etildi
Bizni telegram orqali ham kuzatishingiz mumkin Kanalga obuna bo'lish

Andijon davlat tibbiyot instituti va Rossiya limfologlar assotsiatsiyasi, “Limfa” ilmiy-amaliy reabilitatsiya markazi hamkorligida “Limfologiya dolzarb masalalari” xalqaro onlayn ilmiy sessiya tashkil etildi.

Onlayn sessiyada Rossiya Federatsiyasi va yurtimiz tibbiyot oliy ta’lim muassasalari, ilmiy tekshirish institutlari, tibbiyot markazlari va jarrohlik, onkologiya, pediatiriya, terapiya, nevrologiya, infeksionist, quloq-tamoq, reabilitologiya kabi yo‘nalishlarda faoliyat olib borayotgan tibbiyot xodimlari ishtirok etishdi.

O‘zbekiston sog‘liqni saqlash vazirligi Fan va ta’lim bosh boshqarmasi boshlig‘i O‘.Ismailov, Rossiya Federatsiyasi “Limfa” ilmiy-amaliy reabilitatsiya markazi rahbari I.Makarov, Rossiya limfologlar assotsiatsiyasi prezidenti B.Urtayev, Andijon davlat tibbiyot instituti rektori vazifasini vaqtincha bajaruvchi G‘.Xodjimatovlar so‘zga chiqib, mavzu yuzasidan o‘z fikrlarini bildirib o‘tdilar.

Ma’ruza va mahorat darslarida klinik va eksperimental tibbiyotda limfologiyaning ilmiy-amaliy ahamiyati, fundamental va amaliy limfologiyada qo‘lga kiritilgan yutuqlarni saqlab qolish, tibbiyot institutlarida limfologiyani va oliy ta’limdan keyingi tibbiy ta’limda klinik limfologiyani dastur asosida o‘qitish, limfologiya yo‘nalishida yosh olimlar va talabalarni ilmiy-tadqiqot ishlariga jalb etish, klinik limfologiya milliy maktabini tashkil etish masalalari yuzasidan fikrlar, takliflar bildirildi. Takliflar sessiya qo‘shma rezolyutsiyasiga kiritildi.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Izoh qo'shing

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: